رديت من العمره، والحمدلله كانت سفره موفقة
مع ان صارت فيها وايد مغامرات بس نو كومنت!
ضحكنا ضحك لين قلنا بس ولله الحمد! الله يتقبل بس
الشعور جدا جميل لما تقضون رمضان في مكه
عمري ما كنت اتخيل ان الاحساس يكون جيه!
جنسيات مختلفه واعمار مختلفه، لكن الهدف واحد
قبيل الافطار والناس كلهم قاعدين يتريون الاذان
وفارشين ع الارض والسح والتمر وماي زمزم فكل مكان
وتشمون ريحه القهوة السعوديه والاماراتيه وغيرها!
الكل قاعد ويتشاركون بينهم بين بعض الاكل الخفيف والتمور
شعور وايد حلو وانتوا تفطرون مع آلاف المسلمين والمسلمات
على اذان مكه المكرمه وفي الحرم الشريف!
بصراحة، كنت اتمنى نقعد اكثر، ولكن سبحان الله!
ما الله قدر لنا بقعده اطول، ولكن باذن الله اليايات اكثر!
في وايد مواقف شفتها هناك، منها عجبني ومنها ما عجبني
اللي ماعجبني هو تزاحم الناس والبعض ما عنده احساس
ولا مسؤوليه ولا حتى يستحي على دمه انه فالحرم ويزاحم الناس
ماعجبني رفع اصوات بعض النساء لما ما يعجبهم شي!
وتراهم بالنقاب والحجاب يستحقون التقدير ولكن سبحان الله!
الشكل بعض الاحيان يخدع!
"القله القليله فقطططططططططط"
الاشياء اللي عجبتني لا تعد ولا تحصى!
تعاون الناس
لحظه الافطار مع بعض وشكلهم وكل حد يشارك اللي عداله بما عنده
صلاه التراويح
صوت المقرئين
المحاضرات بين المغرب والعشى
اللحظات والشعور الايماني الخالص لله تعالى
التجمع على الخير
اشكال الناس وهم توهم داخلين الحرم ويشوفون الكعبه
يا الله! فعلا منظر حلو
حبيت هناك عائله معلمين ولدهم ع الخير
ما قعد! بارك الله فيه! طول الوقت يصب قهوه للناس
ويصب ماي ويوزع مع انه صغير ما اعتقد كمل ١٠ او ١١ سنه
ولكنه خدم اكثر الناس اللي هناك لدرجه اني تحريته يشتغل فالحرم!
لولا ان اهله وخواته كانوا عدالي! ،،، الله يحفظه لهم ان شالله
المهم :) رمضان كريم للجميع
واتمنى الله يتقبل طاعاتنا وقيامنا وصيامنا!
ولا تنسونا من صالح الدعاء!!
عمره مقبوله يارب..
ReplyDeleteشوقتيني :)
منا ومنكم صالح الاعمال ان شالله
ReplyDeleteعقبالج يا رورو ^ـــ^ قبل ما يخلص الشهر الكريم الا وانتي هناك
السلام عليكم
ReplyDeleteالحمدلله على السلامه
وتقبل الله طاعتكم
...
شكلج بتستوين شراتي ما اقدر أصبر عن عمرة رمضان
صرت كل سنه أحن على إخواني جو غير صلاة غير
والمعيقلي شي ثاني من عقب ما قمت أصلي في الحرم ما أتحمس أسير مسايدنا
أن شاء الله اقدر أسير السنه بعد
ماشي أحلى من سوالف العمره في رمضان خصوصا
....
في حفظ الله
عمره مقبوولة بإذن المولى
ReplyDeleteالللللللله
عيشتيني جو الحرم
مع إني للحين ربي ما قدر لي أعتمر فيه
فرمضان
بارك الله فييج وربي يتقبل طاعاتكم
تقبل الله منج وألف الحمد لله على السلامة
ReplyDeleteفعلاً حلوة العمرة وأهم شي إنج تشربتي إيمانيات وارتحتي هناك
عمره مقبوله انشالله
ReplyDeleteو مبارك عليج الشهر
و عساج من العايدين الفايزين انشالله
تحياتي
عمرة مقبولة والله يبلغنا ويتقبل منا
ReplyDeleteمبارك عليج الشهر
نهار:
ReplyDeleteانا احب بعد قراءة المعيقلي
ماصلينا وراه ولكني سمعته ويكمل صلاه التراويح
انسان الله انعم عليه بحسن القراءه
ومثل ما قلتي! اللي يجرب العمره برمضان يدمنها
الله يرزقنا عمره كل رمضان ان شالله
حياج يا نهار :)
سمو الأميره:
ReplyDeleteمنا ومنكم صالح الأعمال ان شالله
عسى ربي يرزقج في عمره برمضان
شعور اخر اتمنى فعلا انج تعيشينه
ولا تنسينا عاد من صالح الدعاء
^^
سمو الأميره:
ReplyDeleteمنا ومنكم صالح الأعمال ان شالله
عسى ربي يرزقج في عمره برمضان
شعور اخر اتمنى فعلا انج تعيشينه
ولا تنسينا عاد من صالح الدعاء
^^
قلم ومساحة:
ReplyDeleteايمانيات وبس :)؟
ايمانيات وراحة نفسيه وسعادة
الله يكتبها للجميع ان شالله
ولكم فالبلوق!
كتكوته:
ReplyDeleteمنا ومنكم صالح الاعمال
والله يبارك فيج
حياج ^ـــ^
لافندر اروما :)
ReplyDeleteاستانست من شفت اسمج
من زمان عنج!!!!!
مبارك عليج الشهر وتقبل الله طاعاتكم
^ــ^
نورتي!