السلام عليكم والرحمه
الفترة اللي طافت كنت اعاني من ضغوطات الله يعلم بس كيف
وهالفترة بالذات الاكل صار نوعا ما غبي، مب جنك لكنه اكل مب صحي
خصوصا اني اوني بسوي رجيم، لكن ما اكل ويوم باكل بكل حلاوه؟
او شبس؟ او شي جيه مايخصه فالاكل الصحي
مع التوتر وغيره، قام شعري يحت (يطيح)
وغير جيه اظافري بدت تتكسر بدون سبب!
والدوخه وهالاعراض اللي ممكن تيي حق اي حد بدون سبب
>> بدون سبب؟
المهم بعد فحص الدم لقيت ان ناقصني حديد؟
ضحكت وماخذت حبوب الحديد اللي وصفها الدكتور!
بس الموضوع صار سيريس! وكنت اناقش صديقتي
وقالت لي عن فيتامينات بدت تاخذها
هالحبوب عباره عن مجموعه فيتامينات مب بس حديد :)
رحت الصيدليه وقلت لهم ابا مجموعه فيتامينات
واهم شي ما تمتن لووول ،،
وحسب العمر عطوني
MultiSure for women
يحتوي على كل الفيتامينات اللي تحتاجها المرأة
ها صورته
هو المفروض مرتين فاليوم او حبه بس تكفي
شي من الفايتمنس بعد للرياييل!!! وحسب الاعمار بعد :)
هنيه انواع ثانيه:
http://www.wnpharmaceuticals.com/product_list.asp?kw=multisure&mode=Find
الموهيم :) حبيت اشاركم
وان شالله تستفيدون خصوصا انه مب يعني دوا يحتاج وصفه طبيه
والسموحو
جربتيه ولا بعدج؟؟
ReplyDeleteانا مشكلتي بشعري..
وان شاءالله تشوفين النتيجة اللي تسرج يارب..
ومشكوره..
الحين صار لي ثلاث ايام استخدمهم تقريبا يا رورو
ReplyDeleteوحبتين فاليوم
انا عندي اصلا نقص حديد
لكن اي حد ثاني عادي لو بياخذ حبه
واحس المفعول صاير ان الدوخه قلت ولله الحمد :)
بكمل شهر وبنشوف! لو بيوقف تساقط الشعر!
يسلموو
الله يشفي الجميع
ReplyDeleteدائم الافضل التعويض بالاكل الصحي
كثير من الحبوب مجرد احساس نفسي بالتحسن
النوم وعدم السهر خاصة في الاوقات بعد صلاة العشاء الى قبل صلاة الفجر مفيدة جدا للجسم
الله يشفي الجميع
ReplyDeleteالتعويض بالاكل الصحي افضل
تخصيص اوقات لرياضة يوميا حتي لو كان مشي سريع بين 30الى60 دقيقة يومي
تجنب السهر وافضل اوقات لنوم بعد صلاة العشاء الى قبل صلاة الفجر
القليل يحتاجون الى بعض الحبوب خاصة الحديد.