من قبل كتبت لكم عن مشكلتي مع ايدي
لما بدت تتقشر بسبب تغير الجو والثلج
هذا الموضوع:
لما سرت للدكتور قالي شي مهم
سالني انتي باي صابون تغسلين يديج؟
انا عاد بكل ثقة قلت له صابون ديتول
احسن شي ويعقم الايدين!
سيده تغير ويهه قال لا تستخدمينه
قلت له ليش؟ قال ها كله كيماويات
ويسبب الجفاف اكثر ومب زين للبشرة
واستخدمي دوف لان فيه كريم
ومايسبب جفاف
بصراحه اول شي استغربت
وبعد ما سألت ناس من اهلي
وبعض الصديقات
بعد كان دكاترة الجلديه يقولن لهم
ما يستخدمون صابون ديتول!
واحسن شي دوف!
عاد حسيت عمري مخدوعه بالاعلانات
وان صدق لما استخدم الديتول
يعني الايدين معقمه وهو احسن شي
وماااادريت انه هو اهم سبب للجفاف :)
انتو شو تستخدمون؟
احم كتبت الموضوع عشان ماحد ينخدع في ديتووول مثلي
الف لا باس عليج ..
ReplyDeleteاقولج شي بما اني دارسة هالسوالف ..
كـــل انواع الصوابين تسبب لج جفاف .. بس عليج بعد الغسيل كريمات
والدوف << ليش لان فية نسبة من الجلسرين ..
^_^
آنا نفس حالتك..
ReplyDeleteفي يوم من أيام الشتاء.. وجهي بدا يتقشر و يتورم واستغفر الله
بشرتي صارت مثل بشرة وحدة عمرة 55 سنة..
رحت للطبيب.. و قال لي انتي بشرتك حساسة و يناسبك صابون دوف و لا تسخدمين ابد ابدا اي صابون ثاني غير هذا الصابون
و فعلا لاحظت الفرق
الدوف يخلي بشرتك ناعمة و منعشة و رطبة طوال الوقت مو مثل باقي الصابون اول ماتخلصين تغسلين ايدك تحسين بجفاااااف.. ووه
تقبلي مرور ..
حنوني}~
الغالب استخدم لوكس
ReplyDeleteبس استغربت ان ديتول مو زين :/
مشكوورة
انا استعمل سيبا ميد
ReplyDeleteماركه طبيه
بس
حاليا ماقمت استعملها كرهتها لها ذكريات سيئه لوول
و استحدم صابون من ماركس سبنسر "سائل"
او القطع من بودي شوب
السلام عليكم و الرحمه
ReplyDeleteانا من محبي دوف
لكن حاليآ استخدم ديتول !
قبل امايه الله يحفظها قالولها نفس الرمسه انه تودر ديتول وانه للعمال و غيرهم لانهم معرضين للتلوث اكثر !
بوصصي حضرتك،
ReplyDeleteانا ما اغسل ايديه الا بديتول ولو بشوري جان حطيته في الشنطة معاية بس المناديل المبللة تفي بالغرض..
كيماويات بتروكيماويات، ما يخصني حاطة في بالي ان اذا مب ديتول يعني الجراثيم ما تروح!
اتغسل بديتول عقب اتفرك بكريم ..
سلامة ايدج يا بعد ايدي =)..
السلام عليكم...
ReplyDeleteسلامات حبوبه...
....
عاد نص ثروة شركة ديتول بسبتي إدمان
على قولة أمي لو فيه طحين ماركةديتول بتشترينه...
....
ما أدري أنا ديتول أشوفه أحسن لي من لايف بوي
لايف بوي وايد يجفف
بس تصدقين النوعيات الثانيه ما تسبب الجفاف وأرخص بس نحن تبرمجنا على أنواع معينه ...
....
دمتِ بخير
انا استخدم دووف من زمااان لانه كريمي وما يجفف اليد
ReplyDeleteالديتول مرة وحدة اشتريته وعقب طلع مب اوكيه لانه اختي استوى لها حساسية وقالت لها الدكتورة لا تستخدمين ديتول
فرجعنا للدووف ^_^
مشكوره ع التنبيه..
ReplyDeleteانا ماستخدم شي معين كل مره شي بس موخرا اغلبه صابون طبيعي ..
وأنا بعد بديت ألاحظ جفاف ايدي بعد ماصرت دايم استخدم صابون ديتول.. يعطيكي العافيه على الموضوع.
ReplyDelete