أم دويس توزع هدايا .. !! وحمارة القايلة نبا نشوفها !!

يوم كنا صغار .. كان طاري أم دويس وحمارة القايلة أييب لنا الرعب
تحس الواحد قلبه بيوقف وهو يتريا الظهر حمارة القايلة اللي تحوط فالحارة
وفالليل أم دويس اللي تاكل العيال الصغار

"طبعا أم دويس مايخصها باليهال .. بس ما بيذخرون أي جهد فتخويفنا لووول"

ماقدر أنسى .. يوم كنا نبات في بيت يدي الله يرحمه
كنا نقعد نحن الصغار فالليل .. نبند ليتات الغرفة .. أونه وقت الرقاد
ونفتح الدريشة نشوف الشارع وليتات الشارع الصفرا .. الشارع المسا فاضي
ونحن كل حد عينه ع مكان فالشارع والبيوت !!

نتريا !! أم دويس من وين بتي ؟ .. عاد إذا خطف بتاني لابس هاللبس مالهم
وشال كيس .. ولا حرمة لابسه عباة راس .. يبدا التأليف وفلم الرعب !!
"لآن عباه الراس جيه ما تشوفون الا شي اسود خاطف"
عنبو .. حتى يوم نسير الدكان يقولون لو طلعتوا بتيكم أم دويس !!

باختصار أم دويس = الينية الشريرة

عاد الظهر .. يوم ما يبونا نطلع من البيت يقولون
الحين ماااااااااااااحد يطلع .. العيال ما يطلعون فالقايلة مب زييييييييييييييييين
تقولون لهم ليش؟ .. يقولون حماااااارة القايلة بتي
عاد لكم تتخيلون كيف كنا نتخيل حمارة القايلة اللي تحوط فالحارة الظهر!!
أذكر عشان اروح بيت ييرانا ولا بيت حد من اهلنا فالحارة والباب لاصق فالباب
كنا نرررركض صاروخ ههههه .. قبل لا أتي حمارة القايلة !!
"عاد يوم ما نتذكرها ننعش فالحارة"

من فترة قريبة جداً .. أشوف عيالنا فالحوش يركضون ويدورون وجيه
وهم يغنون: أم دويسس أم دويييييسسسس أم دوييييس

انا سيده عيوني تدورن ..

تذكرت الذكريات الأليمة مع أم دويس !! .. زخيت أمهاتهن .. قلت لهم أسمع صح؟
قالوا هيه ... قلت لهم يزقرون أم دويس ويغنون أم دويس؟
قالوا هيه!!
قلت لهم شوووو ما يخافون من أم دويس؟

ضحكت وحدة وقالت: عيالي يوم قلت لهم حمارة القايلة بتيكم .. قالوا وينها نبا نشوفها !!!
هنيه انا هلكت من الضحك .. خلاص ماشي أمل نروعهم بحمارة القايلة

بس شو سالفة أم دويس؟ ...

يوم زقرتهم ... قلت لهم شو عندكم مع ام دويس؟
اصطفوا طابور وقالوا ... أم دويس توزع هدايا تحطها فالكبت !!!
نعمممممممممممممممممممممممم؟
أم دويس توزع هدايا وتحطهن فالكبت << بابا نويل على غفلة لوووول

بصراحة ... ماعرفت شو أقول .. قلت لهم روحوا روحوا
خلكم مع هدايا أم دويس
"اثرها وحده من اليهال حاطه صورتها من فرييييج فالكبت وبدأت الاشاعة"


المشكلة من شوي .. طفرتني وحده من اليهال .. قلت لها:
أنا الدووووودووووووووووه < أوني عاد جان تضحك !! قالت أنا الدودوه بعد ... اخ قلبي شقول بس ..

قلت لها انا أم دويس باكلج .. جان تضحك قالت أم دويس تشتري هدايا !!!


حليلج يا أم دويس .. راحت هيبتج مالت أول
من عقب ما كنتي تخوفين اليهال << والرياييل استويتي طيبة وتوزعين هدايا !!

أوه على فكرة .. قبل زمان زمان كانت اتي القايلة حرمه تحط ع راسها كرتون
وتبيع حلويات ومينو وعصير وشربت .. مسكينه اتلف طول فترة الظهر
يوم كنت اشوفها من بعيد كنت ماشوف الا الكرتون واتروع
أقول أكيد هاي أتيب كرتونها وتحطه على ظهر حمارة القايلة
>___<"
ردت فعل الولد وايد طبيعية .. احس نحن جيه كنا نحس داخليا من الطاري !!

أنا يابوي أنا .. صلالة ..

.. ذكريات قديمة .. وايام بريئة .. بين خضرة الجبال .. وغيوم السماء .. ورائحة البحر التي لا تنسى ..
.. في تلك السيارة العتيقة .. وجمعة الأهل اللطيفة .. والأحاديث التي لا تمل ..
.. هناك .. في صلالة ..
.. كم أتمنى أن أعيش يوما آخر هناك .. بنفس مشاعر تلك الايام !! ..

خطر غصن القنا.. وارد على الماء .. نزل وادي بناء .. ويمر جنبي
وبأعيانه رنا .. نحوي وصوب سهامه واعتنى .. وصاب قلبي
.. أنا يا بوي أنا ..
.. أمان يا نازل الوادي أمان ..

أخذ قلبي وراح .. وشق صدري بالاعيان الصحاح .. يا طول همي
ويا طول النواح .. من حب من حل قتلي واستباح .. قتلي وظلمي
.. أنا يا بوي أنا ..
.. .. أمان يا نازل الوادي أمان ..

برجر كينغ !! مقلب بالياباني << يفطس ضحك

تخيلوا عماركم بس ... ناشين متنحين من الرقاد

كالعادة أول شي تسونه بعد اصبحنا واصبح الملك لله
انكم تجيكون ايميلاتكم ..
وفجأة .. بدون سابق إنذار

يوصلكم ايميل فيه ملف صوتي .. مقلب في برغر بالياباني
نفسياً تعبت !!
ضحكت ضحك .. ماذكر متى آخر مرة ضحكت بها الطريقة!!


قسم بالله اني ضحكت صدق من خاطر هههه
فجي عورني من كثر ما شقيت الويه

رفعت لكم الملف على فورشيرد


أتمنى بس اعرف ردت فعلكم يوم تسمعون
"حسيت اني اشوف ناروتو وانا اسمع الفايل لوول"


هناااااااااااااا << يعني اضغطوا لول


بوروغوورووو كينغوووو ديستوووو

هييرووو < هلووه لول

مسكين خردونا سان لووول

عدنا والعود أحمد !! ..

السلام عليكم ورحمة الله

بعد فترة انقطاع بسيطة جدا << أونها عاد ..
عدنا لنحشركم
واحب اعتذر منكم وخصوصا كل من سأل عني وظاربني عسبت المدونة عشان ارد افتحها
"صدق ناس ما اتي الا بالعين الحمرة"

بندت المدونة لاسباب مختلفة .. بقولكم البعض منها:


الاحداث في فلسطين خلتني احس ان اي شي راح اكتبه فالمدونة بيكون سخيف
خصوصاً ان مهما كتبت من مواضيع .. بحس في شي مضايقني .. انا اكتب وناس تموت؟
يمكن الفكرة خاطئة ولكنها كانت سبب من الاسباب


السبب الثاني هو الصدمة النفسية من المجتمع!!
بصراحة في فترة بسيطة شفت اشياء مختلفة خلتني انصدم من المجتمع للاسف
وهالاشياء ما تلمسني بشكل خاص ولكن مجرد اني اشوف هالموقف او اسمعه
يخليني احس بضيقة شديدة .. واقول لها الدرجة وصلنا؟ ..
فاني ابند المدونه كان نوع من اني افج حرتي فيها
"حليلها مدونتي :("


السبب الاخير واللي يلازمني حتى الثانية هذي .. هو الصداع
ملازمني من اسبوعين تقريبا بلا رحمة .. ولا اعرف السبب
"ادعولي يخوز عني الصداااع ... عشان اعرف احشركم عدل لول"



فالنهاية .. برجع لكم قريب مع موضوع متنوع
يمكن مضحك مبكي لوول .. مغامرات المقابلات والوظايف واكشنز مع الناس بشكل عام

تابعونا!!

والسموحة منكم

Wario Land, Shake it .. Back with my New Wii !!

بعد فترة طويلة من الحرمان من الوي، اشتريت وحدة يديدة .. ولكن للاسف اني ضعيت سي دي الوي فيت
Wii Fit CD !!
انا ماعتقد اني ضيعته بس يوم حاولت اني اصلح الاول، اظن انهم شلوا السيدي من داخل الوي
ولكن ماقول الا حسبي الله ونعم الوكيل :(
الحين عندي البورد مال الوي فيت ... بدون السيدي
يعني الحين لازم اشتري بورد يديد عشان بس السيدي !!

الموهيم .. هالمرة خذت وحدة مركبة فيها قطعة تشغل الكوبي ... انقهرت من شي
اني اول فالوي مالتي الجديمة .. كنت اسوي تحديث عادي للوي وادخل قناة الشوبين
Wii Shopping Channel

الحين ماقدر لأني لو سويت تحديث ما بروم العب اونلاين بيسون علي بلوك لول
فااااا شكلي اللي اباه بنزله من النت ^___^

اليوم اشتريت سي دي واريو !!
Wario Land Shake it





طبعا اول الفلم يسون قصة عن كيف بتبدا اللعبة .. في قرصان بيسرق الاميرة



طبعا هم راحوا عند واريو الزطي العود عشان ينقذها !! بس المسكين اللي ياي يصيح
يخبر واريو عن الاميرة .. يقوله بليييييز انقذ الاميرة
وواريو منسدح يسمع ويحط صبعه فخشمه !! ولا عليه << سوووري ع التعبير
بس والله جزيت من اللقطة وقهرني واريو لول

واول ماقاله ان في كنز واي شي تهزه < شيك ات .. يطلع لك فلوس
سيده فز واريو انه ينقذ الاميرة لوووول






السي دي حلو .. اول شي عبالي انه سهل وايد ؟ .. بس المشكلة
انه في كل دور شي mission !!
مثلا عدد فلوس معين للتجميع
اشياء معينة فالدور لازم تحصلها
-_- صناديق منخشه لازم تبطلهم
!!!!

وانا الحينه العب الدور مرتين ولا اخلص كل المشنز!!


فيوتيوب ملف وايد وايد حلوووو .. يوم تدخلون
تشوفون اعلان عن واريو شيكت !!
الاخ واريو يكسر الدنيا كلها فيوتيوب
كل شي يطيح هههه ..
هنيه عشان تشوفون:


++اعلان واريو شيك ات++


المهم ... ^___^
I hope you had fun with this article
and really really, it is a very nice CD !!

Enjoy !!

Wii would like you to play !!