Muscat - Oman (2 of 2) صور رحلة مسقط الجزء الثاني

تكملة صور الرحلة

سوق مطرح

انا كنت ابا اسير مسقط بس عشان اسير سوق مطرح

والحمدلله سرت :) يجنن السوق

لبان عماني 

في الطريق إلى حديقة القرم

حديقة القرم

باركناتهم مشكله!

يبالهم يسون حل لها المشكله :( زحمه وايد وماشي مكان

والواحد يباله يمشي اخر الدنيا عشان يوصل السياره

واذا موقفين بعيد بعد في لفه تطلع ع الشارع!

يعني هاللفه الطويله عشان نرد وندخل الباركن اقين!

استمتعت اكثر شي فالقريه التراثيه

ماطعت اسير مكان ثاني مع ان الحديقه كبيره!

هالشيبه وايد طيب! يلس يخبرني شو يسوي :)

هذا يشتغل بالخوص

وحده تمت تشوفني بنص عين عشان الصوره

قالي ماعليج صوريني انا بس لا تطلعينها هاي مشاكل

هههههه المهم صوره مقربه

كان في يمكن ٣ فرق، وكل فرقه يادون عرض غير!

كنت ابا احط لكم الفيديو، بس تعايزت جان تبون الصدق لول

وايد حماس القريه مالتهم! حبيتها وايد

احلى عن اللي فدبي واعتقد احلى عن القريه التراثيه فالعين

(ماسرتها بس شفت صور)

صدق يوم تدخلون هنيه تحسون بالتراث!

الحلوى ابوي قالي ماااااشي 

اونه هاي مكشوفه :) عقب بيوديني مكان ثاني

ع قوله ابوي (ابدا لا تاخذين شي مكشوف)

لاحظوا تحت مورين ظو! هب غاز

هالمكان كان احلى شي .. فيه وايد اقسام

هذيلا مثلا يظربون هالقمح

هنيه واحد يبني بيت من الطين

وهنيه يازره المنيور

فرقه ثانيه

هالفرقه مرينا فالليل كانوا مسوين اعتقد 

شي اسمه - ليوه .. كانت ربشه

وواحد منهم استلبس عليهم ههه وزخوه

قالوله خلاص خلاص خلصنا! لول

ابوي حب ها الشيره :) يقول شكلها غريب 

نخي ^^

يلسنا شوي هنيه ناخذ راحه 

قبل ما نطلع من القرم

اليوم الثاني قلت لهم ابا ارد الكرنيش في مطرح

ابا ااكل الطيور ،، وايد حبيتهم 

المشكله ياكلن من الهوى يوم نفر لهن

بس ما يجاربن! ... سويت لهم خطه لوووول

امي وابوي ضحكوا لين قالوا بس 

قلت لهم كله من توم اند جيري هههه

هالصورة حبيتها وايد :) 

طلعت خطتي بنتيجه ^^

في طريق العوده الى العين!

ميني كرواسون من بريد توك

وهنيه مصنع الحلوى .. بركاء!

صوره مقربه

في النهايه .. صراحه وايد استانست في مسقط

واتمنى اني اقدر ارد هناك مره ثانيه :) 

جميله جدا! بس اعتقد يومين او ثلاث تكفيها وزياده

^^

وااا شوكرا

رسمه .. قبل وبعد التلوين Traveling is my passion

 بصراحة اشتقت للنمسا! وايد وايد اشتقت لها

سالزبرغ وزي لامسي!

رسمت هالرسمه وانا فبالي السفر! 

I hope one day I'll go there again

الرسمه بقلم حبر والتصوير بالايفون

وهنيه بعد ما لونتها بالفوتوشوب

(التلوين عباره عن صور صدقيه شفيتها ع الصوره)

Please Click  عشان تشوفونها بحجم كبير

عيون قذرة - قماشة العليان

هي، فتاة سعودية ملتزمة، عاشت التفكك الأسري، تتنقل بين ثلاث بيوت يرفض أحد أن يستقبلها لتستقر، فهي كالحمل عليهم.

هو، أخوها الذي هرب من العالم كله إلى بريطانيا، فهو لم يستطع تحمل العناء والتشتت الأسري، كان فقيرا وابتدء حياته في بريطانيا بغسيل الصحون

هي، قررت أخذ استراحة، لتذهب إلى فيصل، وهي تلبس النقاب وعباءه ساترة ترفض التخلص منها مثل بقية الفتيات في الطائرة

هو، ينتظر اخته وصور كاتيا تملأ الشقة، أما هي فقد استغربت التغير الذي طرأ عليه! ...

قصة رائعة وواقعية، تحكي قصة فتاة سعودية توجهت إلى بريطانيا لتأخذ قسطاً من الراحة بعيداً عن التوتر، ولكن مالذي سيحدث لها هناك؟ كيف تركت عباءتها التي كانت متمسكه فيها في الطائرة؟ ولماذا قررت فجأه أن تعود إلى السعودية؟ 

لا أريد أن أذكر التفاصيل، ولكن هذه القصه تستحق القراءة!


قراءه القصة PDF
 ---- هنا ----

Give Me Coffee!

Today I received a very funny picture from my lil.Sis! 

I love Garfield ! 

Also I usually start my day with this photo, I save it in my phone! my email! even my work mail! lol

This is how I look like every morning!

And ppl! ... Why don't you email me much! ..

I hate BlackBerry =( It took the nice pretty emails from me .. !

Any how! ... :-) ... I feel my blog is full of dust! 

During weekend I shall post part 2 of Muscat inshallah :D 

See You Later! .. I gotta Go to my books 

Back To School ! Back to Exams

Every time I intent to write something in my blog, I just feel so lazy

I have a lot of things in my mind I would like to share it 

but when I click new post! I just feel that I don't anymore! 

Any how am back to school! .. it is examinations time!

Pray for me ! ! ! 

Currently I feel kindda sad, it is not easy when family move out .. 

especially when you get used to them, hear them always around!!!

I'm not in the mood to study .. not even to  go to work! ... Allah Kreem!

The Smurfs Village App ! iphone ipad

من فتره كنت العب لعبه قريه السنافر

بس الوضع الحين صار على اسوء

انتقل الموضوع لمجرد لعبه الى ادمان!

وايد احب قريه السنافر

اللعبه جدا جميله وممتعه

المشكله اني ماعرف .. منزلتنهاع الايفون!

بس ما اعتقد اني اقدر انزل نفس القريه مالتي ع الاي باد

:( .. ماعرف اذا في طريقه ولا لا !

بعد نروم نسوي انفايت للناس اللي معانا فالفيس بوك

يعيبني فاللعبه انها مب بس فيها زراعه!

فيها ترتيب قريه كامله .. وفيها العاب 

مثل تلوين او خبز الكيك او محلووول بابا سنفور لول

واشيا وايده!

I fall in love with the smurfs village! 

وهاي صوره البرنامج (غيروها مع اخر ابديت) يوم تنزلونه ع الايفون او الايباد

iTunes link: 

http://itunes.apple.com/hk/app/smurfs-village/id399648212?mt=8

Square - Free Card Reader عندك بزنس؟ خل الناس يدفعون بالكردت كارد عن طريق الايفون والايباد

تخيلوا مثلا ان عندكم بزنس صغير

مثلا وحده تسوي ميك اب او تسريحات

او شخص عنده بزنس شخصي صيانه الكمبيوترات

تخيلوا حزه الدفع؟ ... يقولون لكم: كارد؟

وتردون: لا كاااش ! ههههه

المهم حصلت هالقطعه اللي تتركب فالاي فون

او الاي باد او الاندرويد

واسمها سكوير

Square - for iphone ipad and Android

 كيف طريقه الاستخدام؟ 

طبعا تسجلون فالموقع ،، عقب تركبون القطعه

بها الطريقه

اوكيه، الحين شو؟

١- تكتبون المبلغ

٢- ترومون تاخذون صوره للخدمه او السلعه اللي بتبيعونها وتكتبون وصف الشي اللي بتبيعونه!

٣- الشخص اللي بيشتري بيوقع الكتروني ع الفاتوره

٤- يختار اذا يبا فاتورته توصله ع الانترنت

وانت من خلال اكاونتك تروم تشوف كل عمليات البيع اللي قمت فيها مع الصور! ... وجيه كل حد راضي

الشخص اشترى ووقع وتوصله الفاتوره ع الايميل!

شووو احلى من هيييك؟

هذا فيديو عن الموضوع:

اتخيل اصحاب المشاريع الصغيره :)

جدا بينفعهم هالبرنامج! 

اتمنى عجبكم الموضوع! 

من زمان ما حطيت مواضيع جيه :)

Regards, lil.D

Muscat - Oman (1 of 2) صور رحلة مسقط الجزء الأول

السلام عليكم ورحمه الله 

حبيت اشاركم اليوم رحلتنا لمسقط 

حالياً عندهم مهرجان الربيع! ... وقلت فرصه نروح!

وهاي المره الاولى  اللي اروح فيها مسقط ... واااايد حبيتها

وان شالله ما تكون الاخيره! ،،، بس طفرت الوالد مسكين

قال توبه اشلج مره ثانيه لووووول 

سكنا في فندق اسمه تريجر بوكس

مب ع البحر! لا برا شوي .. وكان جدا نظيف وحلو

يعني لو سايرين وعارفين ما بتمون فالفندق .. ها حلو

لو تبون سبا وغيره٫ عندهم مجموعه كبيره وفخمه جدا!

مثل الانتركونتيننتال - البستان - ذا شيدي - الشانغريلا - حياة رجنسي

هالفندق (تريجربوكس) الريت ماله كان زين وحلو! 

صراحه توقعت يكون اغلى .. لكن يمكن لانه مب ع البحر ارخص من الفنادق اللي فوق!

وبعد اعتقد انه اربع نجوم!

موقع الفندق اللي سكنا فيه:

http://www.treasureboxhotels.com/

صور الفندق:

اوكيه نحن سرنا بس ليله وحده :) فما رحنا وايد اماكن!

وهاكم بعض الصور:

هالمكان ماعرفه وين بصراحه! بس جدا راقي وجمييل

اعتقد اخر الممر ها استراحه للسطان قابوس ع البحر! 

هو استراحه او شي ثاني؟ ماعرف! بس شوفوا المكان كيف

المهب كانت باااارده والجو جنااااان

ريحه الورد مع المهب! صراحه كان ودي اتم اتمشى هنيه اكثر

الاستراحه او ماعرف شو لول

ع اليمين تشوفون هالمنظر

كان ودي اسير اقرب واصور! بس الوالد ماعطاني فرصه

قال هي ليله وحده خلونا نشوف اماكن غير!

ع فكره في اكثر من متحف هنيه وشكلهم جيه صغار

اتذكر كان في متحف اسمه الزبير؟ ماعرف! كان ودي اسير :(

وكنا سايرين صوب سوق مطرح وطلع مبند! يفتحون الساعه خمس العصر!

الظهر عندهم استراحه ع قولتهم :) بريييييك

تمشينا فالجوار

حاولت ادخل شي من هالقلاع بس كله اونه ممنوووووع

وتميت مسويه حشره عشان جيه ابوي قال ما بييبني اقين

يقولي ممنوع اقوله الاجانب فالتلفزيون يدخلون ،، ليش الشرطي قال

اوين شو؟ ها قلاع عسكريه ممنوع الدخول! ليشششششششش

وها سجن الجلالي

ابوي يقولي من يدخل هالسجن اول ما يطلع منه حي 

وقعد يخبرني عن الناس اللي شردوا والتعذيب وغيره ! مغامرات!

اول شي ضيعنا اي قلعه عقب خبرنا الشرطي ان ها سجن الجلالي 

ومن احد المواقع يقولون:

لا ينسى العمانيون " سجن الجلالي" إبان أربعينيات وخمسينيات القرن الماضي، حيث يعتبر دخوله "منعطفا من الطريق إلى القبر مباشرة" كما قال أحد كبار السن الذين عايشوا تلك الحقبة من تاريخ عمان ، قبل أن يسقط السجن مطلع سبعينيات القرن المنصرم.

هالقلعه اللي مسويه عندها حشره ومن عندها صورت سجن الجلالي

عيل منعطفا الى القبر!

وهنا تمشينا شوي وصلنا صوب كرنيش مطرح

لان كنا نبا نسير صوب السوق

هنا صوره بانوراما

(اضغطوا عليها)

مصوره لكم فيديو! 

بيكون فالحلقات القادمه ان شالله :)

Help me, I hate my job!

Currently this is how I feel toward my job! .......

Although I have a very good manager that I'm lucky to have

but the over-trust in me make me feel upset! ......

I hate when my manager take decision on my behalf! 

Thinking that I never say NO! .. Why would I! 

If I'm okay with what he says, it does not mean I will in future! 

My manager decided to do something ... and the result?

I don't want to go to work, I feel sad, upset, and shy!

people are making some jokes at me! .. because he didn't ask!

Once upon a time, lil.D was happy in her work! 

But really not anymore! .. Should I look for a new job?

Should I talk to my manager? what if he insist on what he wants?

Truly, I know not everybody do what they like! 

But I refuse to do new tasks that I hate, 

because another employee don't want to do his job!

I refuse to do new tasks and feel sad,

because the other guy is not happy with his possition! 

Why Me! .. Manager .. Why Me?

I wish I can tell you on the face,

That you make me so Disappointed, 

You are not whom I think you are ..

One day I thought I'm lucky for a nice department

Now I want to run away! ...