المكونات
خبز توست
بيض
مشروم
بصل
فلفل اخضر بارد (فليفله)
بيكن باودر
بقصمات (خبز مفتت)
ملح وفلفل اسود
زعتر واوريغانو وريحان(اي اعشاب عطريه تبونها)
شوي زبده لدهن الصينية
جبن موزاريلا
جبن موزاريلا
الطريقة
اول شي نشغل الفرن فوق وتحت عشان يكون حار
(١)
نفرم البصل ونحمسه
نقطع الفلفل الاخضر البارد مكعبات صغيره
نقطع المشروم قطع طوليه لكن مب وايد صغير
(٢)
نقلا البصل لين يذوب ونحط معاه الفلفل الاخضر
عقب نحط المشروم .. ونحمسه لين يطلع الماي من المشروم
ونحط معاه فلفل اسود وملح
نخليه لين (يبرد) !!
(٣)
نكسر البيض (انا استخدمت ٤ بيضات كبار ل٣ صحون)
ونخفقه مع الاعشاب العطريه (الزعتر والريحان والاوريغانو)
ونحط معاه نص خاشوقه صغيرة بيكن باودر
ونحط عقب الجبن وحمسه البصل والمشروم والفلفل الاخضر (بعد ما يبرد)
ونخلطه عدل .. ونضيف شوي بس بقصمات (عشان يتماسك)
(٤)
نيب الصحون الصغيره اللي تدخل الفرن
"مثل اللي فالصورة"
(انا استخدمت فخار، ممكن تستخدمون صينيه الكب كيك)
وندهن الصينية/البايركس/الصحون بالزبدة عشان ما ينشب عقب
نقص التوست مدور على قد القاع .. ونحطه في قاع الصحن/الصينية
ونصب فوقه خلطه البيض .. ونحط نتفة زبده فالنص (اختياري)
(ممكن تحطون جبن موزاريلا بعد فوق بس انا افضل مع خلطه البيض بس)
(ممكن تحطون جبن موزاريلا بعد فوق بس انا افضل مع خلطه البيض بس)
(٥)
ندخل الصينية الفرن .. ونخليها ربع ساعة ..
نتاكد انه البيض مستوي من داخل قبل ما نطلعه
ندخل شوكه او سكين! (نفس ما نسوي مع الكيك)
ولو طلع جاف يعني استوى
(ملاحظة: ممكن تحطون اي خلطه مع البيض! .. بازلا .. كزبرة .. بروكلي! اي شي)
وهذا البيض بعض ما نطلعه من الصحن
يكون مثل المافن :) ... وايد لذيذ
وبالعافية عليكم!
No comments:
Post a Comment