كثير يسألوني عن اليابان، وين نروح؟ كم يوم تحتاج؟ .. سويلنا خطة؟ ... المشكلة ما ينفع تسوي لحد خطة يومية من وجهة نظري! ... كل شخص عنده اهتمامات مختلفة ولكني انصح أي حد يروح اليابان يقعد اقل شي من عشر أيام الى 14 يوم! .... واذا كانت الرحلة قصيرة أسبوع يقعد فمنطقة وحدة ويقيمها :) ... وبحط قائمة بالاماكن او الأشياء اللي ترومون تسونها وحسب جدولكم او الجو ترومون تسوونها! وما انصح أي حد يروح فالصيف لانه حر موت! ...
اليوم احط لكم مسج كتبته فالواتس اب ولكن ان شاء الله بكتبه بطريقة ارتب لاحقاً مع صور .. ولكن بتاخذون فكرة ... وبحب انكم اتابعوني في انستغرام بتشوفون كل هالمناطق مع اللوكيشن في انستغرام! ... (https://www.instagram.com/lild84/)
🔸منطقة جينزا -> فيها ماركات وملابس وثياب وكوفيات كل شي يسكر ع التسع والعشر
🔸منطقة شيبويا -> فيها التقاطع المشهور
🔸منطقة شنجوكو -> كبيرة جدا وفيها وايد محلات شوبينغ ومولات ومطاعم وكوفيات ثيم ومنطقه حيه حتى فالليل
🔸منطقة اكيهابارا -> تناسب اللي يبا الكترونيات واللي يبا يشوف اشياء اوتاكو وغيره (كل مبنى تشوفونه فالشارع هو بنايه عدة طوابق كل طابق فيه اشياء شكل)
١- زيارة المعابد (شراين او تيمبل) في وايد وكل - منطقة لها معبد شكل - ميجي شراين جميل
٢- اساكوسا: منطقة جديمة وجميلة وفيها اسواق ومطاعم غير وفيها بعد معبد اساكوسا كبير وجميل
٣- كوفيات ثيمات: كوفي توتورو - كوفي ماروكو (فمبنى تلفزيون فوجي هو شوي بعيد) - كوفي اليس في بلاد العجائب - كوفي فامباير - كوفي النينجا - كوفي غاندام - كوفي الكيوت مانسترز ... وفي وايد اشياء ثانية بتحصلونها غالبا في تريب ادفايزر
٤- وايد في كوفيات قطاو او بوم، اي بحث بيطلع لكم شو اقرب لكم، حتى في كوفيات للقنافذ (تحطونها جزء من الرحله لان ما ياخذ ساعه)
٥- ديزني لاند + ديزني سي (اذا الجو بارد روحوا من اول الصبح، حسب الموسم)
٦- غيبلي ستوديو (يباله حجز قبلها بشهر او شهرين ترومون تحجزون انلاين)
٧- اودايبا: هالمنطقه جي بعيده من وسط طوكيو، بس فيها مولات واوتلتات جميلة وفالليل وااااايد حلوة للتمشي وفيها جسر الرينبو وتمثال الحرية الياباني وشي معرض تيوتا ومبنى التلفزيون اللي فيه ماروكو
٨- كوفي شوب وادي الامان بتحصلونه داخل لاكوا مول - هالمول جميل للشوبينغ وصغير وفيه محلات هدايا وجيه حلو
٩- امبيريال بلاس ايست قاردن: هاي حديقة جميله تتمشون فيها :-) تابعه للقصر
١٠- توكيو تاور: البرج جميل وفيه طابق خاص لأنمي ون بيس، لا تفوتونه
١١- اوينو: هالمنطقة فيها ٣ اشياء متاحف وحديقه حيوانات وبحيرة جميله ومعبد، حلوه والحديقة فيها باندا للي يحبونه، واذا في يهال بيستمتعون، وعدالها متحف والبحيرة.
12- سوق السمج: اذا بتروحون الظهر؟ وفروا على عماركم لان السوق على الظهر يبدن المحلات يسكرن! وحلاته اول الصبح او اللي يقدر يوصل الفير ويشوف مزاد السمج (طبعا انا رحت الظهر ومالحقت اشوف شي ههههه الا كلت وتمشيت بين المحلات)
13- اذا تحبون ماريو كارت! ترومون تسوقون سياراتهم وتلبسون لبس الشخصيات في منطقة اكيهابارا ..... حمااااااس ....
١- المعبد الذهبي
٢- المعبد الفضي
٣- غابة الخيزران - بامبو
٤- نهر اراشياما - رحله قارب ميدة
٥- رومانتك ترين
(٣ و٤ و٥ فمكان واحد)
٦- جيون هي منطقة جديمة وجميله وفيها ترومون تشوفون الغيشا الحقيقية وليست تمثيل! ... وحلوة للسكن وفيها اسواق ومحلات وكافيات وحلوه بعد فالليل
٧- هاغاشياما : منطقة فيها البيوت اليابانية الجميله جي ممر على مرتفع نهايته معبد واااايد حلو بس المغرب كل المحلات تبند، فاحسن تروحونه من وقت عشان تلحقون تحوطون يوم انا سرت كانت المحلات تبند وما شفت المعبد ولا حديقته لاني تاخرت
٨- في حدايق واشياء وايد ثانية ممكن تسونها بتلقونها في بروشورات الفنادق وشي مطاعم حلال وايد
تقريبا نص ساعة من كيوتو وهي رحلة نص يوم مب اكثر اذا رحتوا اول الصبح ويوم تنزلون من القطار بيعطونكم بروشور كيف تتحوطون فيها
اهم شي فيها المعبد والحديقة اللي كلها غزلان فكل مكان وايد حلوة ... الغزلان بتربع وراكم تبا اكل اذا شافت شي فايدينكم ، عشان تنقذون انفسكم لازم ترفعون ايدينكم فوق تراونهم ان ما عندكم اكل 
هذي رحلة يوم كااامل من طوكيو جميلة
بالقطار لازم تنزلون لقورا وتتمشون فيها وفيها عقب تلفزيك يوديكم فوق اليبل وتبدا الرحلة:
١- اواكوداني: بتشوفون فيها وين البراكين والاسكريم الاسود والبيض الاسود الكبريتي
٢- بينزلكم التلفزيك من اواكوداني على بحيرة اشي، تاخذون رحلة بحرية ٣ محطات او ٢ كيفكم وانصح تاخذون في اي بي فرق بسيط بالتذكرة
عقب تروحون المعبد المشهور اذا تبون تصورونه بتشوفونه من السفينه وعقب تخلصون وتردون محطة القطار
في ناس يقعدون وقت اكثر مثل يومين او ثلاث فهاكوني يستكشفونها بس اذا ما عندكم وقت تكفيكم رحله يوم واحد واي انفورميشن اوفس بيعطيكم خريطه وخطة للرحلة :-)
قصر اوساكا
يونيفيرسال ستوديو
منطقة دوتونبري: بتحصلون فيها محلات ومطاعم والكيكه مالت الجبن المشهورة
اكويريوم اوساكا
بشكل عام اوساكا فيها مولات وايد ممكن تروحونها اي بحث بسيط بيطلعها لكم
انا ما حطتها وايد صراحة فممكن تبحثون اكثر
اليابان فيها واااايد اشياء ومناطق جميلة واكتيفيتيز بس كل واحد له مزاج، يعني من الاشياء قرية الثعالب وجزيره الارانب والقطاو منطقه سابور وفوجي وغيرها!!!! في حدايق موسمية مثل أشيكاغا فلور بارك ... يعني يبالكم سوي تدورون انتو شو تحبون
أيضا شي الينابيع الطبيعية يسمونها (اونسنس) وشي منها في فنادق وتكون خاصه وهي مثل حمامات سباحة! ... لها قوانين معينة ... عشان جي الأفضل تدورون البرايفت اونسن :) ....
تختلف الأماكن فاليابان حسب الموسم! يعني اذا بتشوفون الخريف له مناطق معينه واذا الربيع مناطق أخرى! ... وجيه! .... ما بخلص لو أتكلم عن اليابان!!! عااااااااااااااااااالم
والقطارات مب صعبه ودايما ترومون تسالون عند القطارات عشان تتاكدون وبعد شي ابلكيشنز للمترو والجي ار ... ما بتضيعون واذا ضعتوا استمتعوا :-)
No comments:
Post a Comment