Sunday, February 21, 2016

Owls Cafe (Tokyo) Akiba Fukurou كافيه البوم

من الأماكن اللي كنت حريصة أزورها فاليابان هو كافيه البوم
انا وايد احب البوم! ... ولكن اذا انتو ما تحبون هالسوالف
ما اظن انه مهم، لان الكافيه عادي جداً
كل اللي بتسونه تدخلون الكوفي شوب
مافيه اكل ولا شرب ابدا
فقط طاولات وعدالكم وايد انواع من البوم
ومسموح لكم تمسكون فقط 3!
بس التصوير مسموح، في النهاية هم يصورونكم صورة فورية
 
صراحة الصورة الفورية جميلة جدا :)
 
--------------------------------------
الحجز:
لازم تحجزون عن طريق الايميل من يوم الى 3 أيام
هم بيعطونكم جدول الساعات وانتو تختارون متى
 
سعر التذكرة:
1500 ين للشخص
 
الوقت:
يفضل تروحون قبل موعدكم بشوي
والمدة اللي بتقعدونها هي ساعة وتخب بعد
ما يباله هذا كله لول
 
النظافة:
نظيف جدا جدا ومافيه أي ريحه او وصخ ولله الحمد هههه
 
القوانين:
هم حاطين وايد قوانين ترا، بيشرحونها لكم وفي منها بالانجلش
مثل انكم ما تمسكون أي بوم بدون مساعدة الموظفين
يوم تمسكون البوم ويطير تمسكون الحبل زين وما تفزون
الصوت يكون واطي يوم تتكلمون
يعني أشياء من هذا القبيل
 
هل أنصحكم تزورونه؟
نعم اذا تحبون البوووووم لانه "عائلتهم" كبيره
ووايد حبيتهم ... مع ان في واحد كل ما يشوفني ينفش عمره
وواحد يوم يشوفني يكش ههههه مادري شمسولتهم
يمكن من الشيله ههههه؟
المشكله هذيلا الثنين اللي كنت أبا امسكهم لكن مافيهم خير
 
 
الموقع الالكتروني:
 
هنيه بعض الصور اللي صورتها فهذي الرحلة: