Monday, May 31, 2010

ِEmirates Wildlife Society , اعلان وايد حلو !!!


Emirates Wildlife Society - UAE Ecological Footprint -2010: UAE

This stop-motion animation for WWF/EWS took over 150 hours of set building, 300 newspapers, and 200 hours of shooting for 2500 stills. The process took place in Dubai, Abu Dhabi and London and needed over 50 hours of meetings and more than 400 cups of coffee.

Saturday, May 29, 2010

كيفية إعداد البلاليط بالتفصيل الممل مع الصور - احم احم ومب اي بلاليط

اعتدت فاخر الاسبوع اني اقعد مع الوالده فالمطبخ
منها نقصر الدوب معاها بعد اسبوع حافل فالدوام
ومنها ناخذ دروس طبخ منها! الدرس اليوم هو: 
البلاليط

البلاليط له اكثر من طريقه وانا قلت لها ابا هاي
وما قصرت معاي هي تسوي وانا اصور! 
لين ما خليتها تعصب لووول قالت الثنين مايوز
يا تشتغلين يا تصورين اختاري!!!
قلت لها لا خلاص بشوف وبصور لووول

المهم المقادير بشكل عام:
بلاليط
بيض
ماي
سكر
زعفران
هال
بصل

الطريقة

أول شي نجهز البلاليط ونكسره مره او مرتين بس
عشان ما يطلع خربان ومعصود! ونخليه ع طرف

عقب نحط الماي ع الغاز لين ما يغلي ويثوووور
اهم شي كمية الماي تلاحظون للنص

عقب ما يغلي الماي نحط فنيان سكر 

وعقب نحط البلاليط فوق الماي! انا يوم شفت هاللقطه
سويت حفله فالمطبخ للوالده واقولها كيف البلاليط تدخل؟
والجدر صغير والماي شوي و و و و لييين عصبت 
وقالت لي اسكت احسن لووول وقالت ها كله بينزل عقب
انا ماصدقت صراحه لان شكله ما يوحي بس سكت غصب

المهم خلو معاكم شوكه او شي شوي شوي ضغطوا ع تحت
عشان ما يتكسر البلاليط، احم لاني انا بغيت اكسره
وامي قررت وقتها اني اصور بس وما اشتغل لووول
مهم: البلاليط ما تزيد عن دقايق فالماي فقط لا غير
يعني اول ما تلين سيده نطلعها عشان ما تنعصد!
لان عقب بنرد نطبخها ،،، هب تخلونه اكثر!
اهم شي لاحظتوا ان البلاليط نزلت؟ لووول

عقب نحط البلاليط في المشخله (المصفاه) ونحط عليها فنيان سكر
او فنيانين!! طبعا اتكلم عن فنايين القهوه ،، 
الكميه اللي كنا مسوينها وايد للبيت، فيختلف المقدار
ع حسب انتو كم مسوين وكم تحبونه سويت

عقب نحط فوقه هال مطحون مع زعفران
الوالده مسويتنهم مع بعض وخالتنهم في علبه
اختصار وقت ههههه المهم مثل ما تشوفون
اهم شي تجلبون البلاليط زين وشوي شوي
عشان يختلط فيه السكر والهال والزعفران

عقب في نفس الجدر اللي صفينا منه البلاليط
نحط بصل مفروم صغير ونجلبه لين ما يستوي ذايب
ونحط فوقه بيض ونقعد نخلطه ونحركه عشان يكون قطع

لين ما يكون مثل جيه

عقب نحط فوقه البلاليط اللي كنا مسوينها
ونقعد نقصص البلاليط ونحن نضغط ونخلط
عشان تتقطع البلاليط، لاحظوا اللون متغير
من الهال والزعفران

المهم نخلطه زين مع البيض 

الحين نكون خلصنا البلاليط، 
نحطه في مطبقه (حراره او ماعرف شتسمونها)
ونسوي اومليت بيض عادي مع شويه ملح
(انا مستحيل اعرف اسويه او اجلبه يعني لو بسوي
ازقر امي عشان تجلبه لي لوووول)

ونحطه فوق البلالييييط
(على فكره قرص البيض ها اختياري لان اصلا
نحن حطينا بيض مع البلاليط بس انا احبه جيه)

وبالعاااااااافية عليكم!

اعتقد ابدا مب صعبه :) ولذيذه جدا
ان شالله كان الوصف واضح والصور
ومرحبا الساع!!!

Wednesday, May 26, 2010

feerie EDT - from Van Cleef & Arpels

سرت أريج وانا هناك حشرني مال العطور وكل شوي اييب لي تستر! وريحتهم مو حلوه، وانا اقوله مب يايه اشتري عطور، قمه بالازعااااج! المهم قالي انزين لا تشترين انتي شو العطور اللي تحبينها؟ قلت له ديور اليديد ومثل عطور قيرلاين، المهم وانا احاسب يايه اطلع! ،،، لقيته يايب لي هالورقه معطره وعليها اسم العطر والادشن ماله، وقالي خذيها وبتعرفين ان العطر حلو، شليتها ع طووول وفريتها فالبوك!! وبعدين فالليل قبل ما ارقد تذكرتها :) وقلت الحينه بشوف عاد هالعطر العجيب !! اللي اونه بحبه!
وجيه بعد من غير نفس يالسه اطلعها من البوك لوووول 
انا وايد حبيت طريقتهم ان مسوين اوراق للعطر جيه ، لان يوم اسير اريج انسى العطر اللي كنت اباه من كثر التسترات والاوراق تدخل فبعضها! المهم ،، المفاجأة ان العطر كان فعلا رااااااائع ،،، وايد وايد حلو ،، همممم انا ماعرف بالضبط كيف ريحته بس بارده ومب قويه، بين الفروتس والورد يعني ريحته جميله جدا لووول

اتوقع البنات اللي يحبن العطور البارده بتعجبهم، لازم تجربونه ،، لان انا عقب شميته سيده اليوم الثاني طرشت الدريول ان يشتريه لي :) ،،،، 

حلو وايد شكل الغرشه لول، بس انا احب العطور اللي لونها وردي بشكل عام مادري ليش او خوخي، ولو كنت شفت لون العطر ماكنت اشتريته ههههه بس لاني شميت التستر وطرشت اييب العطر انخدعت باللون الازرق 
But it worths the try! ... VERY NICE!

Feerie Eau de Toilette is a new version of last year's edition of the house of Cleef & Arpels. The new fairy from a mysterious world introduces luxurious magic of aromas and wraps your aura with glamorous accords.
This fruity-floral combination of notes incorporated in fragrance Feerie EDT opens its olfactive gardens with violet leaves and Italian lemon zest. A heart encompasses airy notes of violet aromas along with rose absolute. Jasmine adds a characteristic and gracious accord which makes the aura sophisticated and elegant. Sweet and seductive, fresh and gentle, just like morning dew. A base features musk, sandalwood and benzoin. Nose behind the fragrance is Olivier Pescheux of Givaudan.

Sunday, May 23, 2010

عندما يكون الخبر، ليس نهاية العالم

عدت من الحفل وانا اشعر بسعادة، اجواء المكان كانت جميله، الاضاءه الزهور! كل شيء، عندما كنت انظر اليها وهي تخطوا ببطء من الباب وحتى اخر السجاده الحمراء التي انتهت بعرشها الصغير والاضاءات التي اعطت للمكان جواً اخر.  كانت الاحاديث كثيره، منها ما يسر ومنها ما كان يعد (نغزات) فلا يكاد يخلو اي مجتمع نسائي من هذه الخلطة العجيبة، المهم انني عدت الى البيت -كالعاده بعد كل حفل زفاف- وانا مازلت في تلك الاجواء الحالمة، تارة اضحك على موقف وتارة اضحك على فكرة شريرة فكرت بها! اما هذه المره فانا لم استطع ان اصل لافكاري المضحكه والشريرة! ،،، فقبل ان ارتاح قررت -ولا ادري لماذا- ان اقرء بريدي قبل كل شيء! .. لأجد رسالة كم تمنيت ان يُأخرها -السيرفر- حتى الغد! حاولت ان ابتسم وحاولت ان اتظاهر ان ما اقرءه شيء متوقع ومُسَلم به! واجتمعت الدموع في عيني للحظة تتراقص تستعد للسقوط! ولكن قررت ان استجمع قواي وان لا اسمح لاي دمعه بالسقوط! وهكذا قررت ان اجهز جدول للغد ان شاء الله لانهاء بعض الامور التي تأخرت بسبب حفل الزفاف، واخبرت الوالده، وعدت الى غرفتي لاشعل شمعة، فهي عادة اعتدت على القيام بها عندما اشعر بحزن او هم! فاطفئ كل شيء، واشعل شمعة واحدق بها حتى اشعر بالنعاس او اشعر انني افضل! ، احتراق الشمعة بالنسبة لي كأنه احتراق لهمومي واحزاني، السنه اللهب المتلونه جميله والدفى البسيط من الشمعة مريح!  لازلت افكر بالخبر الذي وصلني، فدعائي كل يوم قبل الدخول لبوابة مقر عملي لا يخلو من دعاء صادق من القلب: اللهم إني أعوذ بك من أن أقترف على نفسي سوء أو أجره إلى مسلم، ولم اتمنى ابدآ ان اجر اي سوء لاي احد! في مقر عملي او في المنزل! ، هكذا كنت ادعي وهكذا تمنيت، وهكذا كررت الدعاء عدت مرات وانا اشاهد ضوء الشمعة الخافت، وعندها فقط تأكدت ان رفضي لان تسقط أي دمعة صحيح! فما قرأته هو ماكنت اود الحصول عليه ولكني لم استطع ان اخرجه من داخلي! ،،، حمدت الله عز وجل، وعلمت ان الخير هو مالم اره اول مره واستطعت ان اراه ببعض التركيز.
المؤسف انني بعد ارتسام الابتسامه مره اخرى على شفتاي، سمعت صوت رساله على الهاتف، ورساله او رنه متآخره بالنسبه لي تعني (الذهاب الى الطواريء) واستعذت بالله من شر المستشفيات! وبعد دقائق علمت ان هناك غيري! من عاش لحظة اصعب، فحمدت الله مره اخرى، لم تكن طواريء وانما درس منحني الله اياه. فكم نسخط؟ وكم نحزن؟ وكم نشعر انها نهايه العالم! ، ولكن فالحقيقه ان مهما حصل تظل مصائبنا اهون بكثير من مصائب غيرنا. وهكذا استعذت بالله من شر اغلاق مدونتي لفترة -حالات نفسية- وبدأت الكتابة لاكمل ما بدأته بالشمعة!

Tuesday, May 18, 2010

When you have the Choice!

One day I was between a very hard choice, between Me and Myself!! .. I guess that every one would reach some points where you have to make decision, which will not matter maybe for any one but yourself!! ... and maybe some other people.
The thing is, is doing THE RIGHT THING is always right? this is what was going on in my mind since days now! .. I know that I choose the right thing, but is it really right? because even if it is right, I don't really feel I want to do that! ... 
For example, if you are on a diet, and you really feel you want to sneak out with a chocolate bar, it will really feels good and this is what you want! ... but it is not the right thing! ... (this is a good example because every day I face it lol) ..
A lot of things are right but I'm not happy doing them, I don't know how should I force myself to accept what I choose alone! I can't blame any one on my choices! .. Did I say MY Choices? ... this is another thing, when I make decisions on my own! are they always right! ... I don't know? maybe not! .. and I'm suffering from my own thoughts *Smiles* ..
Seriously, should I skip the Gym? this is one of the things which are running back and forth in my mind, I'm too lazy! ... I'd rather to sleep and play Wii!!

Sunday, May 16, 2010

Cute lil.D XD ... Design!!

شفت الصوره الشخصيه لربيعتي بنت كيوته
حبيتها وايد وقررت ان هاي بتكون أنا لووول
"كيفي!!!"

لكن قلت عشان تكون ليل دي لازم اعدلها!!!!
يبالها شوي اكسيسوريز وميك اب وثياب!!!!

وكانت النتيجة:


والأصلية:



من زماااان عن الفوتوشوب!!! الموهيم
الحمدلله اني بعدني اعرف استخدمه 
^ـــــ^

يالله فيل فري تو لينك ماي بلوق
<< اونه اعرف عنقليزي

A Tiny Apartment Transforms into 24 Rooms هذا اللي يسمونه مهندس ومبدع!

مستحيل هالريال!! غرفه صغيره صغيره صغيره!
مسوي منها اكثر من غرفه!!! حمام ومطبخ وصاله وبعد الصدمه؟
الصدمه بخليها لكم اخر شي فالفيديو!!! 
الصراحه فنان!!

In Hong Kong, because of the space, apartments are small and expensive. Gary Chang, an architect, decided to design a 344 sq. ft. apartment to be able to change into 24 different designs, all by just sliding panels and walls. He calls this the “Domestic Transformer.”

Saturday, May 15, 2010

I can't Sleep!!!

كنت آعاني سابقآً من عدم قدرتي على النوم، وكان شعور سيء يمتد حتى ثلاثة أيام! (هنا لمن لم يشاهد الموضوع: 

لا أستطيع النوم,,,شعور غير مريح أبداً)كنت أظن وقتها انها مشكلة تلازمني أنا وحدي! ولكن عندما أشاهد كلمات البحث التي يدخل من خلالها الزوار لمدونتي، تكون الكلمات المتصدرة كالتالي: لا أستطيع النوم، أعاني من الأرق !! وغيرها ،،، المهم بعد ذلك الموضوع وردود زوار مدونتي، الحمدلله استطعت ان انام لمدة طويله بكل راحه، حتى ان البعض يحسدني على قدرتي على النوم عند وضع رأسي على الوسادة،،،

للآسف، منذ أيام اشعر بنفس هذه الحالة!! النوم ليلاً اصبح هماً لا استطيع التخلص منه، أتمنى فعلا ان اتخلص من هذه الحالة سريعاً ففي آخر الاسبوع لا مانع لدي من السهر ولكن لا استطيع ان اذهب الى عملي وانا لم انم ،، لن انجز اي شيء!!! ولن ارغب بالتحدث لأي أحد!!! والاستيقاظ في وقت متأخر؟ الأكيد انه شعور غير جميل ممم حسناً انتهيت انا هنا :) وأتمنى ان أتخلص الليله من الأرق!

Tuesday, May 11, 2010

My Trip To Germany (1) رحلتي إلى آلمانيا

اللي يخليني اموت بس عشان اسافر هو التصوير
ساعات اصور اشيا غريبه ويعلقون علي اللي حولي!
بس شسوي :) احب التصوير ،، هالمره بحط لكم صور
من رحلتي الى المانيا، مابسولف وايد واحشركم
دام فليكر بلووك ،، بنجلب البلوق فليكر مصغر لول
انجووووي 

ميونخ - ١


بصراحة أحب أكل الطيارة حتى لو تقولون مثل اكل المستشفيات
سم هاو احس اني مسافره لول - المهم هالسندويجه كانت مثلجه
واعتقد كانت دياي ،،،، والكوفي :( مااايسد لو كم اشرب!! لانه بصراحه
الرحله كانت فالليل ،، وماااحب جيه لاني مستحيل ارقد فالطياره
لا الواحد يعرف يرقد ولا يعرف يقرا فالظلام ولا يستمتع بالافلام!
حبيت هذا الشي الجميل اللي اتمنى اشوفه هنيه
ظنكم بينفع لو نسويه فالامارات؟ عندنا مهب؟
أوكيه!! كل شي فالمانيا كوم!! والمخابز عندهم كوم ثاني!!!
هالخبز مالهم بالحبوب وايد لذيذ! صدق احلى شي كلته هناك
استمتعت فيه حتى اااااخر ،،،، حبه لوووول
هنيه كان منظر جميل من دريشة الشقة!
هالباص يا كثر ماشوفه فدبي وبوظبي وعمري مافكرت اركبه
حتى اول يوم فالمانيا يوم شفته تجاهلته بشده ،، بس انتهى الامر فينا
ان جربناه لووول والقهر انه يحوووط وفي اماكن نبا ننزل فيها
بس شنو؟ مادل شرقي من غربي فما تفلسفت وتميت اشوف بهدوء
هيه صح شي سماعات تسمعون فيهن شرح الاماكن!
ماعرف شو ها بالضبط بس كان على يدار وحبيت اصوره بس جيه
<< اونه حركات

هنيه وين المارين!  ،، هالنافوره العجيبه
الكل يتصور هناك ،، وانا مع الخيل يا شقرا!
قلت بصور بعد لوووول 

هالمبنى كان كله ورد برتقالي ،،، حلو شكله 

مب لذيذ مب لذيذ مب لذيذ
كريمه !! بس!

المبنى اللي قلتلكم عنه؟

هذا روعني!!!!! يوم تحرك!! ماشفته عدل اول شي
الورد جميييل! ليش ماعندنا محلات ورد جيه؟
حتى تفتح النفس انك تشتري منها بداعي ولا من غير داعي لول
هنيه فالمارين مبنى كبير ،، ماحطيت صور له
بس مع الزوم شفت هالاشيا الجميله! ،،، شو هالمبنى؟
كل شي مكتوب هناك بالالماني، ،،، مافهمت شي!
الأكله المرافقه لنا طووول ايام السفر!! البطاطا
حبيت لبسهم بس محلاتهم تبند بسرعه
كنت ابا ادخل اشوف :)
الوالد الله يطول بعمره شافني مصوره هالصوره!
انا حليلي شفت درجات الاحمر والزجاج والابيض
حسيت ان اعلان حلو ،،،، صورته عشان جيه!! ولكن
هيهاااااات! شافه الوالد وهزبني هزبه محترمه 
اونه مصوره الخمر يا مسوده الويه؟ لووووول
قلت له مصوره الاعلان <<< اهم شي التفسير!
هاااااااالمحل عذااااابي مت قهر انه مبند! انا وايد احب البومه
وهم مادري شو قصتهم تارسين المحل من منحوتات البومه!
اوحيبوها كثيرا كثر ما تحب شاي الضحى فيول!! بس تميت اشوف
وصورت اشيا من محلهم على امل ان نرجع مره ثانيه ولا رجعنا لول
صور من الحدايق هناك ....





يم يم من ستار بكس ،،، اول مره كلتها كانت في تركيا
عقب سيده طلبتها يوم شفتها فالمانيا ،، كيكه الجزر
من اسمها الواحد يحس في شي غلط لول بس لذيذه جربوها

تخيلوا؟ الجو كان عادي وحلو وجميل عقب نفاف بسيط
ونحن نتمشى ولا مظلات ولا شي ،، ومره وحده تسبحنا بالماي!
ههههه عاد لين وصلنا الشقه .،،، كنا ماخذين فري لايف لاندري!





استمتعت فاول يوم ،،، كان يوم استكشافي!! بس كرهت عمري فالمارين لول
حسيت اني فدبي! لا لا ،، كميه العرب والخليجين فالمارين اكثر من دبي
اذا مضيعين حد من ايام الابتدائية ،،، بتحصلونه هناك!
^ـــ^




Will be continued! 

كتاب الروح ،،، وموقف لا أحسد عليه !!!!

بعد ما خلصت كتاب (عايزة أتجوز) بديت الكتاب الثاني اللي اشتريته ايضا من مكتبة المجرودي (الروح - لابن قيم الجوزية) الكتاب يتكلم عن ما ذكر عن الارواح للأحياء والأموات من الكتاب والسنة، الكتاب يتكلم عن حياة البرزخ ويتكلم شو وين تكون الروح وكيف العذاب وغيره، مع ذكر قصص عديده مرت ايام الرسول عليه الصلاه والسلام والتابعين! ،،،، الموهييييم!!! كنت اقرى فصل عذاب القبر وبعض القصص عن الناس شو يستوي فيهم ،،،، وانا صرااااحة خفت من هالبارت!!! وتخيلوا الجو اللي اقرى فيه الكتاب،،،، نص الليل ،،، الليتات مشغله ،،، وفقط ضو ء خافت!!! ،،،، ومن الخوف ،،تميت اقرى آية الكرسي أكثر من مرة ،، واتعوذ من عذاب القبر واسال الله حسن الختام!! وكل شوي الف فالغرفه واتخيل ان شي بينقز بويهي (مع ان الكلام كان عن المقابر، بس مادري شو ياب سالفة الين "الجن" فمخي) المهم ،،،، بعض القصص كانت ان بعض الناس يوم ينحطون فالقبور ،،، تنجلب ويوهم (يعني ما يكونون مجابلين القبله) ،، وناس في قبورهم نيران ،،، وكلام وايد ،، وطبعا اكثر  هالقصص كانت من ناس كانوا (ينبشون القبور) وتابوا!!  وواحد منهم قال ان تاب من اللي كان يشوفه ،،،، بااااي ذا وي !!! وانا اقرا الكتاب استغربت ان في ناس تنبش القبور!! يعني شو الغايه من ان ينبش قبر شخص ميت؟ ،،، حالات نفسيه!!! ،،،، نرجع لمحور حديثنا ،، وصلت مرحله اني قلت احسن لج يا ليل دي تعينين من الله خير وتوطين راسج وترقدين وتقرين باقي الكتاب الصبح ،،، على شو افلام الرعب تالي الليل؟

وفعلا تركت الكتاب وبندت الليت!!! وغمضت عيني بهدوء تام جدا جدا ،،، وتوني خلاااص بدخل عالم الأحلام ،،، سمعت صوت غريب وفجأه هالصوت ارتفع بسرعه ،،، صدقوني اني فزيت فزه مابا من عقبها شي!!! حسيت ان عصبه بتيني فظهري من هالفزة ،،،،، وشوي رد صوت ثاني مثله بطريقه تخوف ،،، انا هنيه قلبي كان يقولي باااي بااااي !!! ....تروعت ،،، توني اقرى عن المقابر وعذاب القبر والقصص اللي يشوفونها فالمقابر!! يواحيلي اعيش اكشن :( ليييش انا فالبيت هب فمقبره ،،،، ومع اشتداد الاصوات ،،،، اتضحت الرؤيا !!!! الله يغربلهن من (قطاو) !!! ودرن البيت كله وين يتظابن عن دريشتي تالي الليل !!!!!!!!!!!!  قسم بالله كرهتم كره اكثر من اللي قلت لكم عليه فها الموضوع :بديت أكره القطاو ،،،، مابا اقولكم شعوري كل ما كان الحديث بينهم يشتد!! لأول مره في تاريخ البشرية تمنيت اني اجتل قطوة!!! 

على العموم بعد فلم الرعب اللي قلته لكم ،، ترا الكتاب يتكلم عن الروح بشكل عام ،، يعني مب المقابر والبرزخ وغيره ،، في عن النعيم ،،،، وهذا مجرد فصل من فصول الكتاب بس القطاو أثرن فيني نفسياً ،،،، فيوم بخلص الكتاب بعطيكم ريفيو صحيح عنه هههههه ،،،، الله يهدي القطاو >>>> احلفي بس؟

Saturday, May 8, 2010

عايزة أتجوز ،،،، !!

في يوم جميل، شفت لطيفة الحاج اللي عندها ادمان شي اسمه (كتب)، كل ما اشوفها تخبرني عن قائمة بالكتب اليديدة اللي اشترتها (والله اعلم لو الاخت تخلص هالكتب ولا بس عندها هواية التجميع) لوول، المهم انها مره قالت لي عن كتاب اسمه (رز بلبن لشخصين) وفي سياق الحديث قالت لي عن كتاب اسمه (عايزة أتجوز) وجه الشبه بين الكتابين ان الكتابين تم كتابتهم في مدونات اول شي وعقب قاموا وسوهن كتب ،،، مثل سالفة بنات الرياض تقريبا!! الموهيييم، عند تجولي في ربوع مكتبة المجرودي (طبعا اللي فبوادي مول) شفت هذا الكتاب الجميل:


تشوفون الكتاب كيف يلمع؟ أصلا الكتاب يقولي يااااالله يا ليل دي اشتريني ،،،، الرسمه اللي ع الكتاب واللون الاخضر؟ صراحه اختيار موفق ،،،، حتى نوعية ورق الكتاب كانت من المحببه لي (اللي تكون شوي خشنه وجافه وما تلمع) تحسسني فعلا اني اقراء كتاب ،،،، تووووكلت على الله وقلت مااااا بدهاااااش يا ليل دي (متاثرة فالكتاب)  ،،،، امي شافته طبعا وعطتني محاضرة فالأدب والاخلاق ،، من عنوان الكتاب لووول !!! وقلت لها ان الكتاب مب يعني اني ابا اعرس ،، هو مجموعة قصص ساخرة مرت فيها صاحبة الكتاب ،،، وسكتت عني ،،، انا ما اعرف بالضبط هل هي سكتت عني لانها فقدت الأمل فيني ولا لانها صدقتني!! لووول ،،، الموهيم خلوني اخبركم عن الكتاب:

الكاتبة: غادة عبد العال ،،، دكتورة "صيدلانية" ،،،،ممم
الكتاب: يتحدث عن الضغط اللي تمر فيه البنت كل ما تكبر وانها ما عرست!!! باسلوب ساخر ومضحك جدا
القصص: قصص مرت الكاتبة فيها وصديقاتها ،، تتحدث فيها باسلوب كانها تتكلم عن نفسها وامها وابوها
لغة الكتاب: مكتوب باللهجة المصرية


الكتاب ترا فعلا جميل ومضحك ،،، وصدق حبيتها وهي تكتب ان كل مره حد يعاتب البنت ويتهمها انها تتشرط ع الرياييل ومادري كيف او ان هيه كبرت وماعرست وكل الضغط عليها جنها هيه السبب ،، وحاطه امثله من الناس اللي يتقدمون ههههههه لووول المهمم بحط لكم مقطع وصفحه من الكتاب,,,, اضغطوا ع الصور عشان تشوفونها بحجم كبير وتقرون




المهم الاخت برااايد مثل ما تسمي عمرها ،، عندها مدونه ،،،، فيها هالسوالف كلها ممكن تقرونها:
http://wanna-b-a-bride.blogspot.com/




Take Care all 
and I hope that bride got a husband now