Monday, January 19, 2009

Wario Land, Shake it .. Back with my New Wii !!

بعد فترة طويلة من الحرمان من الوي، اشتريت وحدة يديدة .. ولكن للاسف اني ضعيت سي دي الوي فيت
Wii Fit CD !!
انا ماعتقد اني ضيعته بس يوم حاولت اني اصلح الاول، اظن انهم شلوا السيدي من داخل الوي
ولكن ماقول الا حسبي الله ونعم الوكيل :(
الحين عندي البورد مال الوي فيت ... بدون السيدي
يعني الحين لازم اشتري بورد يديد عشان بس السيدي !!

الموهيم .. هالمرة خذت وحدة مركبة فيها قطعة تشغل الكوبي ... انقهرت من شي
اني اول فالوي مالتي الجديمة .. كنت اسوي تحديث عادي للوي وادخل قناة الشوبين
Wii Shopping Channel

الحين ماقدر لأني لو سويت تحديث ما بروم العب اونلاين بيسون علي بلوك لول
فااااا شكلي اللي اباه بنزله من النت ^___^

اليوم اشتريت سي دي واريو !!
Wario Land Shake it

http://www.thatvideogameblog.com/wp-content/gallery/00-single/normal_Wario_Land_Shake_It!-999.jpg

http://www.firingsquad.com/games/wario_world_review/images/051303_warioworld_wario05.jpg

طبعا اول الفلم يسون قصة عن كيف بتبدا اللعبة .. في قرصان بيسرق الاميرة

http://www.mywii.com.au/img/game/large/Wario-Land---The-Shake-Dimension-14.jpg

طبعا هم راحوا عند واريو الزطي العود عشان ينقذها !! بس المسكين اللي ياي يصيح
يخبر واريو عن الاميرة .. يقوله بليييييز انقذ الاميرة
وواريو منسدح يسمع ويحط صبعه فخشمه !! ولا عليه << سوووري ع التعبير
بس والله جزيت من اللقطة وقهرني واريو لول

واول ماقاله ان في كنز واي شي تهزه < شيك ات .. يطلع لك فلوس
سيده فز واريو انه ينقذ الاميرة لوووول

http://wiimedia.ign.com/wii/image/article/889/889412/wario-land-shake-it-20080714080813745_640w.jpg




السي دي حلو .. اول شي عبالي انه سهل وايد ؟ .. بس المشكلة
انه في كل دور شي mission !!
مثلا عدد فلوس معين للتجميع
اشياء معينة فالدور لازم تحصلها
-_- صناديق منخشه لازم تبطلهم
!!!!

وانا الحينه العب الدور مرتين ولا اخلص كل المشنز!!


فيوتيوب ملف وايد وايد حلوووو .. يوم تدخلون
تشوفون اعلان عن واريو شيكت !!
الاخ واريو يكسر الدنيا كلها فيوتيوب
كل شي يطيح هههه ..
هنيه عشان تشوفون:


++اعلان واريو شيك ات++


المهم ... ^___^
I hope you had fun with this article
and really really, it is a very nice CD !!

Enjoy !!

Wii would like you to play !!

Saturday, January 17, 2009

ثيمات الجي ميل !! Gmail Themes

اللي مايحب الجي ميل عشان شكله
ترا جي ميل عندهم ثيمز احلى مليون مرة من الهوتميل
خص عندهم ثيم يجنن يقولون لك تكتب اسم المدينة
ويحطون لك صورة على حسب المدينة
وكيف تختارون الثيم؟
سهل !!
روحوا Settings
عقب Themes

وحلال عليكم الثيم اليديد

"كلك ع الصورة عشان تشوفونها بالحجم الكبير"



لا تنسوني من صالح الدعاء

Thursday, January 15, 2009

وايد برد

أول شي .. مبروك عليكم الرحمة
المطر اللي نزل امس فالعين بشكل مفاجئ وثجيل وبرق ورعد
اسعد الناس كلهم
ماشاء الله حتى الرقود نشوا!


ثاني شي .. وايد برد!!
هاي صورة لدرجة الحرارة الفير على جبل حفيت


Monday, January 12, 2009

I'm Super Soft!! ..

مادري ليش أي منتج عليه هالعلامة ..
Feel me, I'm super soft!

يكون غالباً سبب عشان اشتريه!!
(يعني مب بس للعلامة، بس لانه فعلا ناعم)

صورة صورتها اليوم .. من اضاءة الدفاية
بدون فلاش
في كم صورة غير بس قلت بحط وحدة بس
كل مرة مركزه ع شي (ماكرو)
مره ع الوردة ومره ع الاستيكر
بس اخترت وحده وعدلت عليها

على العموم .. اشتقت للتصوير؟



الصورة قبل التعديل بالفوتوشوب (ع فكرة الحجم الكبير الأصلي حلو)
"للتكبير .. اضغطوا ع الصور"


وهاي صورتين معدلات بالفوتوشوب

1



2




رايكم يهمني

Friday, January 9, 2009

Getting Online ..


- Funny bloopers R us


Very Very funny, lol I like it!! I hope you do

Thursday, January 8, 2009

Starting my own business ...

Good morning every one! ... I feel like it is a very long time since I blogged something!! ... Well, I really felt sick from facing the computer, That's all what I can say! ... however, there are a lot of things in my mind and I need to translate them from my thoughts to here! .. Any how, Missing my Blog ^_^ ..

Well, since years, every time I try to start my own business, I cancel the idea at the last minute, I had many good ideas, but what's the use if you have the ideas and you are not applying them? .. some of the reasons that stopped me were: (I'm a girl, I can't go out a lot, Being alone in business .. etc). I had an idea, which I was 60% finishing it, was canceled due to (Not taking me seriously at home) I was little younger! .. but Imagen later I found the same idea in my City, and it is one of the successful businesses, since then, my family start to take in consideration my ideas.

I did try before some business (designing websites) I did couple of websites which I'm proud of. I also did some other things as well, all related to websites and graphic designing. I adore designing! http://i.pbase.com/o4/40/677540/1/62293913.4IEU7tVs.heart.gif I really really love to design! I feel designs takes my stress away and all the bad thoughts! .. lately, I quit designing to have a time for (UAEISSUE). It is a really nice site which I love, but it took a lot of my time!

Now I'm thinking seriously to go back to my old ideas, and start my own business, I finished the first step!! and looking forward to finish the whole project. I hope that you all going to support me in that. I'm so enthusiastic!! .. and due to this enthusiasm, I designed this card for you all =), inshallah you're going to like it.

Orvwar!!
http://www.digidoocrafts.com/images/whatIsitDragonfly-trans.png

Sunday, January 4, 2009

حوادث .. بعربانات كارفور ..

أوكي الموضوع اليوم شوي غريب .. ولكن ما بيطلع مني إلا من باب القهر .. والقلق .. والتجارب السيئة ..
الحين أنتو يوم تسيرون السبرماركت .. وخصوصاً كارفور .. أتمنى أنكم "تسوقون" العربانات بذمة وضمير
خلااااص .. الحوادث اللي تستوي فكارفور فضايح "متلتله" .. لازم الواحد يراعي مشاعر الشخص المدعوم

http://www.swissinfo.org/xobix_media/images/keystone/2007/keyimg20070821_8124291_1.jpg

اليوم فكارفور ماشية في امان الله .. وحليلي يالسة بتشرا .. الا شوي واحد الله يهديه بس .. ماشي سرحان!!
وتخيلوا شكل الحادث الغبي يوم حد يمشي سرحان ولا يشوف الناس اللي حوله؟ الحمدلله ماكان يربع ..
ولا جان طحت على ويهي .. وزين تلاحقت عمري وبعدت العربانة بيدي .. ولا هو شرد ولا جنه مسوي شي !!

مع احترامي الشديد للهنود خاصةً .. هم اكثر ناس يسببون الحوادث في السبرماركت أو كارفور؟؟
هم وعيالهم يمشون كأن مافي حد غيرهم فالمكان .. ولا وبيدعمونك وبيدزون بعد أكثر وأكثر وعادي تستوي عملية دهس
ههه جد!! عشان جيه نصيحة ماحد يروح ايام الزحمة .. ولو شفتوا هندي صغير زاخ عربانه افسحوا الطريق!!

الخطر الداهم الاخير فكارفور!! هم الهنود اللي يدزون مجموعة من العربانات

http://cache.daylife.com/imageserve/0aZl8DMgHwahg/610x.jpg

يعني والله ماعرف شقول؟ اليوم خلاص وقفت مكاني .. لو لفيت يمين بيلف يمين لو لفيت يسار بيلف يسار
اخر شي قلت يالله .. بنرضى بقضاء الله وقدره .. ترا فكل الحالات لازم اكون مستعده للدعمات
لين وقف وبيني وبين عرباناته اقل من نص متر .. قلت الحمدلله لووول سلمنا من حادث باكثر من عشر عربانات!!


فالنهاية .. -__- اللي عندهم عيال راعوا مشاعر الناس لا تخلونهم يصيحون ويلات بالعربانات
الواحد يحس انه يمشي فشارع هب رايح يتشرى -__-


وشكرا
محدثتكم المدعومة بعربانه .. ليل دي

كم مرة طلبنا الدعاء؟ ..

كم إيميل يوصلكم بالدعاء لمريض؟
كم مرة رديتوا طرشتوا هالإيميلات؟
أو كم مرة فكرتوا تكتبون فمنتدى او تطلبون من حد يدعيلكم؟

أكيد .. طول هالمرات .. كنتوا متأكدين من أهمية الدعاء
والثقة بالله سبحانه وتعالى وارتجاء الأجر والصحة والعافية منه هو

فطلب بسيط .. لا تبخلون على اخوانا في فلسطين بالدعاء
هذا موقع .. فيه دعاء .. أمِّنوا معه .. عسى الله يستجيب

http://alqaree.com/Gza.htm



أتصدقون؟ .. يوم احتفالات اليوم الوطني .. كنا نستانس وايد وايد بالشلق
"الالعاب النارية"
حتى مع قوة صوتها .. كانت هالانفجارات بالنسبة لنا تسر
لكن تخيلوا ان هالاصوات مضاعفة .. نذير للموت .. والأحزان والخوف!

أتصدقون؟ .. نقوم ونرقد على فراش نظيف .. وأكل نظيف .. لو عليه حبة غبار
بنقول ما نباه مب نظيف ..
لكن تخيلوا ان هالاكل والفراش واللبس .. ممزوج بالغاز والدخان عند غيرنا!! .. هذا إذا لقوه
نحن بنعمة ولا حاسين فيها ..




ماعرف شو أقول .. والله شعور مب حلو يوم يحس الواحد إنه ضايع
مايعرف شو يسوي؟ .. ولا كيف يساعدهم؟ ولا شو دوره!!
شعور مب حلو يوم اخوانا يموتون جدام عيونا ..



اللهم أرنا فيهم عجائب قدرتك
اللهم أرنا فيهم عجائب قدرتك

اللهم يا ذا الجلال والعزة
ساعد المسلمين في غزة

اللهم يا ذا الجلال والعزة
أعز الاسلام والمسلمين

اللهم اجمع كلمة المسلمين على الحق
وانجي المستضعفين من المسلمين
اللهم اصلح احوال المسلمين في كل مكان
اللهم ألف بين قلوبهم .. واهدهم سبل السلام
واخرجهم من الظلمات إلى النور
يا ذا الجلال والاكرام والعزة

اللهم آمين


Saturday, January 3, 2009

أضواء الشمال .. حلم .. فهل يتحقق؟ The Northern Lights

أكثر الوقت سفراتي تكون صدفة، يعني حد بيسافر
وعلى اخر لحظة .. الله يسهل اني اسير معاهم
evilevilevilevil
بس يالله .. عسى الله يكتب لي صدفة يديدة!! ..
صدق أقول فخاطري
هل الله سبحانه وتعالى بيكتب لي صدفة إني أروح للقطب الشمالي؟
أيوة ركزوا معايه!! .. هيه القطب الشمالي mrgreen.. اللي كله ثلج فووق مناك فالكرة الارضية

http://www.studyzone.org/testprep/ss5/d/j0141555.gif
"عاد قلنا سافرنا مع الاهل بالصدفة لدول عربية وأجنبية، منوه منهم بيعزمني ع القطب الشمالي؟"

زين زين .. يوم يسالوني وين ودج تسافرين أقول:
استراليا كندا اليابان الصين
القطب الشمالي

أول ماقول القطب الشمالي أحصل نظرة استنكار عنيفة جداً جداً هههه
جني يعني قلت بدخل فكتاب قصص أو أساطير
"تخيلوا تفتحون كتاب وتدخلون داخله؟ وناسه صح؟"
>_< أو قلت بسافر القمر!! إلا هو القطب الشمالي!! ش السالفة؟

وانجبر أشرح السبب العجيب الغريب لرغبتي بزيارة هالمكان ..
لكن صدقوني الحين يوم بتعرفون ليش
يمكن تحطون هالفكرة (زيارة القطب الشمالي) فالدستنيشنز المستقبلية لكم
redfaceredface

أهم سبب لها الحلم الغريب، هو انه فخاطري من سنين طويلةأشوف على الطبيعة ..
أضواء الشمال
أو الشفق القطبي
أو Northern Lights
أو Aurora

أضواء الشمال هاي أو الشفق القطبي
هي أضواء تنرسم على السما السودا
(تخيلوا صفحة السما وهي سودة وعليها نجوم وعليها تدرجات ملونة؟)

ألوان جميلة جداً جداً
تدرجات الاخضر
او البنفسجي
أو الاصفر

والأكيد شفتوها في اساطير الاسكيمو
أو في الرسوم حتى (مثل رسوم أخي الدب)
لكن هاي مب من وحي الخيال!!

هاي ظاهرة خلقها المبدع سبحانه
بخليكم مع بعض من الصور عشان ما تلوموني:
"فاصل اعلاني يعني"
Those photos are taken from:
orvaratli's photostream in Flickr
"you will find more, in his account check it out"



صدق صدق، تخيلوا عماركم تشوفون هالشي على الطبيعة؟ .. ودي أصورها فعلاً
من خاطري ودي اشوف هالصور فالميموري كارد مال الكاميرا!!!
سبحان الخالق!!

نسيت أقولكم ترا هاي الأضواء مب بس فالقطب الشمالي؟ لكن ممكن نشوفها فدول أخرى
مثل ألاسكا وآيسلاند .. والمناطق المقاربة للقطب الشمالي بشكل عام

أوكية .. هاي الظاهرة .. كيف تستوي؟
هذا المقال هنيه يتكلم عن: مالذي يجعل أضواء الشمال ترقص؟
what makes the northern lights dance?

" ادخلوا الصفحة فيها شرح فيديو حلو وايد..ويبين الاماكن"

فالجامعة درست مادة الفلك وبنقل لكم من كتاب الفلك تعريف الظاهرة وأسبابها
اسم الكتاب: استكشافات ومقدمة في علم الفلك

الشفق القطبي:
ضوء يصدر عن الذرات والجزيئات في أعالي الغلاف الجوي الأرضي. يتولد هذا الضوء نتيجة اضرابات مغناطيسية.

الآثار المغناطيسية في الجو الأعلى:

لا يقتصر مفعول الحقل المغناطيسي للأرض على مجرد تحريك إبرة البوصلة، بل إنه كذلك يحجبنا عن جسيمات مشحونة كهربائياً تطلقها الشمس. الجسيمات الشمسية عند مرورها بالأرض تولد تيارات في غلافنا الجوي الأعلى تدور حول القطبين المغناطيسيين فتدفع الإلكترونات نحو أسفل خطوط الحقل المغناطيسي. تتحلزن الإلكترونات المتحركة حول خطوط الحقل فترتطم بجزيئات النتروجين والأكسجين فتستثار الغازات الجوية نتيجة لهذه الارتطامات، ومن ثم ترتفع الالكترونات ذراتها الى مدارات اعلى. ولدى هبوط الالكترونات عائدة الى مداراتهاالأدنى تطلق ضوءاً جميل المرأى يسمى بالشفق القطبي "الأرورا".

أما الآلية الدقيقة التي تؤدي إلى تكون الشفق القطبي فمازالت محل خلاف بين العلماء، لكن مما شك فيه ان السيالات الشفقية البديعة تتكون بفعل الحقل المغناطيسي للأرض، مثلما ترسم برادة الحديد المنثورة حدود حقل قضيب مغناطيسي عادي.

http://i253.photobucket.com/albums/hh71/Stellare_photo/aurora_earth.jpg

اكتبوا كلمة
Aurora
"أو أي كلمة من المفردات اللي حاطتنها فوق"
في بحث الصور في قوقل، بتشوفون اشياء بتتعجبون!

حتى في يوتيوب اذا سويتوا بحث عنها
بتشوفون بالفيديوا هاي الظاهرة ناس مصورينها!


أضواء الشمال .. حلم .. فهل يتحقق؟
"سبحان الخالق المبدع"

أتمنى عجبكم الموضوع اليوم واستفدتوا منه
وماحد يروح قبلي ويصور >_< عشان ما احسدكم
redface

---------------------------------------------------
تعديل:
وصلتني رسالة من صاحب الصور اللي حاطتنها كمثال
يقول وين الاماكن اللي تطلع فيها الارورا .. واحسن وقت للزيارة
قال مب القطب الشمالي!!!
بسويلكم كوبي الرسالة للاستفادة .. يمكن حد يروح
"معلومة يديدة، يالله خلاص بنغير الوجهة إلى سيبيريا ولا كندا"
--------------------
Please dont visit the north pole as there are no Auroras there. The circle the northpole and Norway, Sweden, Canada, Iceland, Alaska and Siberia are the places to visit.

If you decide to take a trip to see them its best to do it in 3-5 year because the source of Aurora, the Sun, is at a very low activity period and will be in full swing again in 3-5 years. This winter I have only seen the Aurora twice.

Cheers,

Örvar
--------------------

Thursday, January 1, 2009

تكريم مفاجئ؟ .. وحنين للجامعة

صممت بعض التصاميم البسيطة لكلية الإدارة والاقتصاد .. كليتي اللي احبها وايد وايد
وكل تواصلي مع البنات اللي يشتغلن هناك .. والحمدلله ما انقطعت العلاقة
كانت التصاميم خاصة لحفلة تخرج بنات الادارة والاقتصاد
Fall 2008-2009

بعد ماخلصت التصاميم دقولي ودعوني للحفلة، قالولي منها تسلمين على الدكاترة
ومنها تغيرين جو، وعادي تعالي مع اي صديقة لج بنسوي تصريح
المهم سرت أنا ووحده من ربيعاتي

جو الجامعة خلاني احن لها .. يوم كنا نمشي هنيه ميتين من الحر
ويوم نمشي هناك وحاول نركض بسرعة نلحق الكلاس
ويوم نقعد ع الحشيش وندرس
ولا يوم نيلس ونسولف في المبنى اليديد

وايد اشياء .. ويوم سرت حفلة التخرج .. شفت دكاترتي ..كنت سعيده جداً بشوفتهم
سلمت عليهم وتكلمنا وطبعا اول سؤال وين تشتغلين؟
mrgreen
كالعادة السؤال المحرج اللي خلاني اضحك واقولهم بعدني عاطلة عن العمل
جان يرد دكتور ثاني يقول
She is working all the night
دكتوري يتابع ايميلاتي من القائمة البريدية والمدونة اعتقد
فيشوف ايضا وقت البوستس لوول

كلموني عن الماجستير وهالسوالف
كان كلامهم مشجع جداً جداً
مب مثل الناس اللي دائما يحبطوني :)
قالي دكتور (جيمس توماس):
لا تستعيلين .. بتشتغلين وعقب الشغل كملي دراستج
لا تحسين بضيقه!!

المهم .. كان ترتيب البنات للحفلة كان جداً جداً رائع
Very Touching !!
الفيديو اللي سونه
وكيف تكريمهم للاساتذه
حتى عميد الكلية استغرب من البنات وكيف تكريمهم للدكاترة ولبعض

كانت الحفلة ممتعه ولكن تدرون شو؟
فاجأوني ان اول تكريم كان لمنو؟

كان حقي؟؟
redfaceredfaceredfaceredface

شالسالفه؟ ماطعت انش ؟ .. والف يمين يسار من هاي يزقرونها؟
ويقولون نشي انتي
redfaceredfaceredface

ولا الدين (عميد الكلية) يقولي لفي لفي تصوري يوم تستلمين الشهاده
ونحن ع المسرح اقوله بصوت واطي:
I don't want to take picture!!
وهو مصر لازم تاخذين صوره
وتمينا في شد وجذب والناس تشوف!!
لين عطاني الشهاده بدون ما اتصور
mrgreenmrgreen
مايدري ان السالفة فيها قبايل هههه

كانت لفته جميلة جداً جداً
حسستني باحساس غير :) وذكرتني بالايام الخوالي

وجود صديقتي بعد معاي اللي من زمان ماشفتها
غير لي جو!! خصوصاً ان كنا دوم مع بعض فالجامعة

وانا طالعة صورت صورة للمكان اللي كان يجمعنا
بنات الادارة والاقتصاد اكثر الوقت
خصوصا بين الكلاسات:
الخراده مالت الفلوس
ثلاجه الحلاوه
ثلاجة الكوفي

كنا دوم نتلاقا هنيه ونتكلم بسرعه بسرعه
عشان نلحق الكلاس الياي!!



أما هنيه هو مبنى الآي تي اليديد مال البنات
يجنن المبنى مالهم فعلا راقي جداً
جنه داخلين فندق او مول او ي شي راقي لوول
الصوره بالتيلفون مب واضحة
"كانوا مسوين فيه الحفلة"
ماشاء الله يجنن مبناهم!!



احم احم ... وهاي الشهادة اللي عطوني اياها مع الهدية



وبس!! :)