Saturday, November 29, 2008

فعاليات اليوم الوطني الـ37

الاحتفال باليوم الوطني كان غير نوعاً ما
الحمدلله الكل استانس وغير جوً
هاي بعض الاشياء اللي كانت للحفلة
اكياس على شكل علم الامارات .. فيها هدايا

Photobucket

توزيعات اشتريتهم من وحده اعرفها وحطيتهم في بوكس من خوص

Chocolate

زينه
نفس الشلق بس اللي يطلع ورق
مارشميلو < حلاوة القطن لتجديد الذكريات شربت < مال اول بعد لتجديد الذكريات زينه اعلام ..إلخ Stuff

بدينا بتعليق الاعلام والزينة فالبيت

Flags

استعدوا اليهال ولبسوا اللي اتفقنا عليه
على فكرة حتى الكبار لازم يربطون شرايط على الوان العلم
او شالات او كابات .. المهم لازم يشاركون

وما ننسا بناتنا المبدعات ماشاء الله عليهم
"قولوا ماشاء الله"
اللي قمن الحفل .. ولابسات ثوب وكندوره وزي تراثي يعيش الجوو
Tradition

حطينا شاشة كبيره ... شغلنا فيديو واناشيد وحطينا صور
وكل شي يكون عن الاتحاد وشغلنا السلام الوطني
وكل الموجودين وقفوا وقالوا النشيد الوطني
^__^ كان حلو
Party

بدوا البنات بتقديم الحفله والترحيب بالحضور وقراءة القران

Schedual

بعدين سوينا مسابقات .. كان الجوو حلو
وكل الاسئلة طبعا كان عن الامارات والاتحاد وحكام الامارات
واشياء كثيرة .. والحلو انه قلنا لليهال
الاجوبه اللي ما تعرفونها كل حد يختار شخص كبير
ياخذ منه الجواب .. واللي يوصل اول ياخذ الهديه
فاستوى نوع من التفاعل بين الكبار والصغار

حتى الخدامات واللي فالبيت خليناهم يشاركن معانا
وسالناهم وخليناهم يعرفون نحن حق شو مسوين هالحفله؟
"وحده قالت تبا تتصور مع الاعلام والزينه وكل شي تبا تخبر اهلها
عن اللي نسويه وعن اليوم الوطني"

عقب كنا مسوين اكل تراثي وما ننسا الشربت
"استانسوا عليه الكبار اللي يتذكرونه اما الاصغار استنكروه"

Old Jice


عقب يبنا نجمة الحفلة ^__^
الكيكة الخاصة باليوم الوطني .. الكيكة كبيره كانت ولذيذة
لو طالبين فيها سعر اكثر صراحة تستاهل
شرايكم؟

UAE Flag Cake

وبعد مرسوم على اطراف الكيكه الاعلام

Photobucket

رسمنا على ويوه اليهال الاعلام وجيه بعد ما كلوا
كانت اشكالهم كيوت ماشاء الله عليهم !!

Photobucket

وعقب مثل ماتشوفون نقعنا شلق الاوراق
هنيه وايد استانسوا اللي قاعدين ^___^

Photobucket

وخلصت الحفلة والكل مستانس الحمدلله

End of the party


حبيت اقولكم شي .. ان الحفلة فالبداية الكل كان مستسخف فكرتها
انه كيف نحتفل فاليوم الوطني فالبيت؟
متعودين فالمدرسه
مسيرات
الجامعه
لكن البيت؟

ولكن فنهايه الحفله الكل كان مستانس والكل كان يرمس عن الحفله
الحمدلله وصلتني ردود افعال ابدا ما توقعتها
ومن ناس توقعت يخربون الحفله من تعليقاتهم
اول شي كانوا مستانسين فيها



اسمحولي على التقرير مختصر صح؟
شسوي اكثر الصور .. عائلية

^___^

شرايكم؟





Monday, November 24, 2008

حفلة اليوم الوطني

السنة اللي طافت وعدت اليهال أسويلهم حفلة لليوم الوطني
لكن للاسف بسبب ظروف ماسوينا الحفلة
وتموا زعلانين .. وزعلوّا عليّ
فقلت هالسنة ان شاء الله بسويلهم حفله
بس شوي غير

------------------------------

أول شي بخليهم يتعلمون المسؤولية، بحيث هم ينظمون الحفل مب انا
ثاني شي الحفلة بتكون تعليميه .. وايضا وناسه .. ماباهم بس يلعبون
بالعكس .. الهدف الأول يحسون بمعنى اتحاد دولتنا العزيزة

طبعا أول شهر نوفمبر .. يبتهم كلهم وقلت لهم اسمعوا
بنسوي الشهر الياي حفلة .. واباكم تقترحون شو نسوي
طبعا هالكلام فاجتماع مفتوح فالحديقة
والله لا يراويكم !! راسي نقع
لوهله حسيت بالندم اني خبرتهم قبلها بشهر

قلت لهم روحوا داخل البيت .. وكل واحد يمسك ورقه وقلم
ويكتب كل الافكار يوم تخلصون انا برا اترياكم
عطوني وبصحح اوراقكم وبشوف شو الاقتراحات اللي بنسويها

ماشاء الله عليهم تبارك الرحمن !!
ردولي باوراق وفيهن اقتراحات حلوة

------------------------------

من الاقتراحات:

اكسسوارات للشعر
اكسسوارات
مسابقات
كوبات < هم يبون يلونونهن على شكل اليوم الوطني صحون زينه اليوم الوطني مسرحيه اسئلة اغاني وشعر العاب نشيدة بيرقي << ماعرف شو النشيده
لبس وطني
غناء النشيد الوطني
تلوين الوجه رسمة الامارات
اسئلة عن الامارات
مسرحيات وطنية
شعر عن الوطن
نكت عن الوطن << هاي بالضبط ماعرف شو موقعها من الاعراب

------------------------------

حد من اليهال كل يوم لمده شهر اول ما تشوفني
"صح انا بروح الحفله؟"
وحد مايعرف وين الله حاطنه!!

------------

دقيت لليهال اليوم .. إعلان هام .. عندنا اجتماع ان شاء الله
يوم الاربعاء
24-نوفمبر-2008
عشان نرتب الفعاليات اللي كاتبينها فوق
والله لا يراويكم الحماس !! ما سكت التيلفون
كل شوي بفكرة ^__^
صح صدعه لوول لكن يستاهل الجو

------------------------------------
اشتريت لليهال توزيعات من احدى صديقاتي
"وايد حلوه التوزيعات يوم توصلني بصورها لكم ان شاء الله"
------------
بطلب لهم كيكه على شكل علم الامارات
بنزين البيت انا والعيال ان شاء الله مع بعض
"عشان يحسون بالجو"
------------
وان شاء الله الحفلة يوم الجمعة!!!
صح قبل التاريخ الرسمي
ولكن عشان يكونون كلهم موجودين
------------
وان شاء الله بحط لكم الصور من الفعاليات
^____^
------------
شو عنكم؟ اي ترتيبالت لليوم الوطني؟


------------
على الطرف حاطة استبيان بسيط
اذا حد منكم عنده اي مخططات .. اتمنى تجاوبون عليه

Food Talk !!

هاي مجموعة من الأكل

الصور بعضهم يديد وبعضهم مر عليه سنه
المهم
لو نزلت الموضوع فرمضان جان احسن

لكن يالله ^___^

أقربوا؟

"وايد تعبت وانا اعدل الصور وارتب الموضوع"
"اتمنى أشوف رايكم .. لا تحبطوني!!"

-- انتظروا تحميل الصور --

هاي سلطة وايد وايد حلوة
في مطعم فسنغفورا .. صدق ودي مره ثانيه أرجع عشانها!!


أسكريم برتقال .. زين حق الحر


دياي مقلاي .. يعني اذا ما تعرفون ^^


ها من مطعم ياباني
ثلج مجروش .. ويحطون عليه صوص


ها أحلى مخبز شفته فحياتي
بعد فسغفورا .. اسمه
Bread Talk






هاي إذا ما غلطت اسمها فالوده
مع اني احيد الفالوده شي ثاني
المهم من مطعم إيراني


هذا سويت ياباني .. وايد مشهور فاليابان
وفيه وايد وايد أنواع .. انا جربته وخذت منه حبتين
يقصونه لكم قطع وحده تكفي مجموعه مع انها صغيره
وايد لذييييذه ... وتنفع مع القهوة


عن قرب للسويت الياباني


هذا مصنع جوكوولاااااات
في ماليزيا .. وانتو نازلين من جينتينغ (الجبل)
يكون على الطريق
وايد حلوه الجوكلات مالتهم ومب رخيصه
ووايد هاي كواليتي!!!


جيز كيـك


تمر المدينة


كرواسووون .. فندق فالسعوديه


ميكسيكاااان سالاااد
"هام السحب خبرتني الطريقة - يسلمووو"


هالأسكريم نفس الماغنوم
جنان .. وشي منه ابيض


حلاوة خنافس .. حشروني قالولي شي منه فالعين
انا ماخذتنه مطار سويسرا .. وجربت الخنافس اللي هنيه
فرق طبعاً .. أهم شي اني اتزططت عليهم تميت اعطيهم حبه حبه
وانا اكل على كيفي ^_____^


سندويج دياي .. وكوووفي
مايركب ادري .. بس الواحد فالليل راسه ينقع فالطياره


وايد حلو طعم الحب على الخبز؟


هوووم ميييد


والواحد يوم يسافر ينشب بها البطاطا
لا همبورجر ولا شي


الريوق


فجتييرياااان


كيكة توت بري


هالاسكريم!! اتمنى اييبون منه عندنا فالبلاد
الطبقات تكون من داخل بعد مب بس من برا


شوربة فطر
وموزارييلا مقلايه < جبن


هذا فريرو روشييه!! بس قاردن
ها بالبندق .. وشي واحد ثاني بالفستق


شفتوا الفرق بين طيران الامارات وطيران الاتحاد؟


ها فتركيا .. ما وقفنا عندهم بس ودي صراحه
يفتحون بطاطا مشوايه .. وتحط داخلها اللي تباه
شكله لذيذ


بيتزا < اونه ما تعرفون


توت بري .. فريش من الجبل


شوي .. والجو بارد .. وفالجبل أيضاً
"ما بخبركم اكثر، بخليه لتقرير تركيا الياي"


فريش بريد


Turkey Delight


ونحن نتمشى .. وكالعاده خاطري اجرب
بس ماحد عطاني ويه
وكملنا طريقنا


ها كيك .. بعد خنافس .. لووول
كان محطوط على واجهة كافيه
ماجربته


مشاوي تركية!!
ماكان طلبي .. ولكن نحن كنا اكثر من شخص ماشاء الله
وطلبنا صحن عساس حق شخصين
وطلع الصحن يسد عشر !! قلنالهم لو طلبنا الكبير شو بتحطون!!
لووول قعد يضحك الويتر
قال ها نظام مطعمهم


هاي اتي مثل خبزه ويقسمونه لك شو تبا تحط فيها
هاي لحم بالخضار
جبن
ولحم مفروم


ها مثل بسكوت وطعمه مثل الجبن مادري كيف ومالح
مو كتير حلووو


هدية من حرمة اخوي اول ماردينا من العمره
من فواله


بارادايس باااي .. من جيليز
وانا جربتها الا لان يو اي ايه فوتوغرافر قالت لي اجربها
حلوه وايد
لكن وايد وايد ثجيله >___<



والله مب سهل الواحد يسوي رجيم لووووول

تعبت خلاص ... انتظروني في مجموعات أخرى
ولا تحرموني ردودكم ^____^
لكن رد يقووول وين الرجيييم مابا اشووووفه
خصوصاً ناس يعرفون عمارهم
فكل موضوع يسالون
يكفي استرجع الذكريات الأليمة
mrgreen

والسموحة