Wednesday, July 15, 2009

اليوم ... مواقف وسوالف ..

.. التلوث البيئي ..
http://1.bp.blogspot.com/_KW2IUM0K9Ac/RgiYLeBx5jI/AAAAAAAAAAs/yeos2p-AMxU/s320/image,7450,en.jpg
كان اليوم فالدوام شوي حافل ... إزعاج بشدة
خلاني أرفض إني أشتغل بشكل نهائي
اكتفيت اقعد على السوفا .. بانتظار الانتهاء من الازعاج!
فالنهاية مع استمرار التعذيب رفعت السماعة لشكوى فرندلي كالتالي:
"إذا ما انتهى هالازعاج، بقدم شكوى تلوث بيئي بسبب الإزعاج"
فكان الرد ضحكة مستغربة سالفة التلوث من الصوت .. مع وعد بانتهاء الازعاج قريبا
وبعد معاناة .. ولله الحمد انتهى الازعاج!
.
.
Noise Pollution!! it is serious!! Don't laugh :-)



.. قطوة، إنتي وين؟ ..
http://img.visualizeus.com/thumbs/08/08/03/%D8%A8%D9%88%D8%B3%D9%87,animals,cute,cat,little,girl,cats-f3b75a9528267b2b0f340b1ac7e9c5af_h.jpg
.. عصبت منها .. مزعجة .. ما تسمع الكلام .. طفرتني ..
.. يوم فقدت الأمل قلت لها: ترا والله ما أراويج القطوة اللي فغرفتي ..
.. لفيت وكملت السوالف مع أهلي ..
.. وما لاحظت أبداً إن المفعوصة الصغيرة اللي كانت مفترشة الأرض بالالوان اختفت ..
.. فجأة ..
.. طلعت للصالة وهي منتفخه ومعصبه وسانده على الباب وتقول: ..

http://www.paperbean.com.au/blog/blackapplecorner.jpg
.. تجذبين ..
.. (لاحظوا حرف الجيم) ..
.. قلت لها نعم؟ ..
.. تجذبين .. ماشي قطوة ..
.. قلت لها: انتي دخلتي غرفتي؟ ..
" ينقال لي اسوي عمري معصبة "
.. طبعا هي توترت وما عرفت شو تسوي ..
.. لاء انا ما دخلت انا بس شفت ..
" مبين مبين لوول "
.. عيل أدب لج ما بتشوفين القطوة صدق ..
.. أنا كنت اتكلم عن قطوة فالكمبيوتر ..
.. وهي بس لقطت الكلمة وسارت تدور على القطوة وردت معصبة ..
.. المهم بعد شوي دخلت الغرفه وطلعت ..
.. قلت لأمي: شفتي قطوتي الصغيرة؟ يمكن حد بطل الباب وراحت؟ ..
"طبعا قلت بسولف عليها دام سارت تدور القطوة"
.. تمت الكيوته الصغيرة تشوفني بنص عين وتترياني اتهمها ..
.. أمايه الحين شو اسوي؟ وين قطوتي؟ أصيح؟ ..
.. وفي صوت وحده مفعوصه ما توصل الركبه ..
.. قالت: هيه ثيحي احثن ..
"قمة النذالة"
..وكملت بكل قواة ويه: أنا بدور القطوة معاج، إنزين.؟ يااا لقيتهااااا بتخليني أشوفها ..
.. سويت لها طاف بس كنت اغايظها ودخلت أصلي ..
.. اول ما سلمت من الصلاه الله لا يراويكم الشكل اللي شفته جدام عيني ..
.. منبطحه وفاجه ايدينها وريولها وخاشه ويها تحت الكرسي @@..
"لاحظوا تدور بذمة وضمير لووول"
.. وتزقر: يا قطوة وينج؟ يالله طلعي ..
.
.
.. لووول ..
.. صراحة ضحكت لين قلت بس !! ..





Bold

4 comments:

Scribble said...

ههههههههههههههههههه

حلييلهـا ربي يحفظهـا

مره ثانيـه لا تجذبين عليها : d

استانست وانا اقرى
تدوينه حلوه مررره
=)

Scribble said...

بس تدرين من موقفج في الشغل واحتجاجج على الازعـاج

اكتشفت ان الصغنطوطه تشبهج في الطبع ^^

سمو الأميرهـ said...

يحليها ربي يحفظها لكم ..

عنا وحدة شراتها رادار ما شاء الله عليها
كلما تجوفني حاطة اللاب ع ريلي تسسير تخبر امها
طفرت بي
و تقول لي :مب زين تحطين اللاب ع ريولج
هههه

تدوينه حلوة واايد

والله يعينج ع متااعب الدوااام


دمتِ بود
:)

بنت الشيوخ said...

تجذبين
^ــ^
واحلى شي يوم تناديها
هههههههه
فديتها ربي يحفظها لكم هالصغنطوطه
^ــ^