مطعم إيطالي .. Macaroni Grill ..

.. المطعم في فيستيفال ستي ..

.. أكلهم حلو ولذيذ ..
.. بس صراحة مب كل شي ..

.. أيضاً جو المكان جميل ..
.. وأحلى شي جربته عندهم سويت الليمون! ..

.. اول ما تقعدون ايي الويتر يكتب اسمه بالالوان على الطاولة ..
.. وياخذ الطلبات وعقب ايسوي جدامكم صوص من زيت الزيتون والفلفل الاسود والملح..
.. عاد تبون تسمونه صوص ولا زيت زيتون .. كيفكم ..
.. وخبز للتغميس ..



.. طبعا أنا ماقصرت كل مرة أروح هالمطعم اسويلهم لوحة فنية بالالوان ..
.. ..

.. أتركم مع بعض الصور من المطعم ..













هذي الكيكة او الاسويت .. من أهم الاسباب اللي يخليني اروح المطعم!! ...
هو بالليمون .. صراحه ما عجبهم كلهم .. بس انا صرت ادمان!! عادي اسير
ما اطلب شي الا هالكيكة وبس .. وايد يميي



التراميسو خفيفة ..



صورة من الجلسة الخارجية ..







ملاحظة .. البورشن للوجبات وايد كبير .. يعني الصحن الواحد يسد ثنين وثلاثة!
والبيتزا؟ تسد عائلة .. بس لا تطلبون نفس اللي فالصورة مكس؟ ما بتاكلون الا الجبن واللحم
الباقي ماعرف شو >_< !! ..



المطعم حلو وعائلي .. واعتقد فالشتى الجلسة العائلية مع النهر اللي مسوينة في فيستيفال
بيعطيكم جو انكم في فينيس .. أنا ماسافرت هالسنة بروح فالشتى بيلس برا
وبقص على عمري أوني سافرت



واتمنى عجبكم التقرير البسيط