Monday, September 6, 2010

Etisalat ! The worst telecom company Ever أسوء شركة اتصالات!

كنت قاعدة مع صديقة تشتكي ان ٢٠٠٠ درهم من رصيدها راحن
والسبب؟ الغاء خدمه الثري جي بدون اذن مسبق، وتم يحسب ع التيلفون

انا تذكرت ان كل كم يوم احط رصيد ٥٠٠؟ وانا متاكده اني ما اتكلم وايد
وتذكرت اني اول ما رديت من السفر وصلتني رسالة من اتصالات
ان تم الغاء الخدمه بنجاح! بس اي خدمه؟ ماعرف!

بعد ما اتصلت صديقتي تستفسر عن ال٢٠٠٠؟ قالولها بكل برود
لازم نعرف اليوم اللي اشتركنا فيه بالخدمه! مثلا ٣ الشهر؟
كل تاريخ ٣ من الشهر ياخذون من الرصيد، اذا ماشي رصيد
يتم الغاء الخدمه اوتوماتك، ولازم نشترك مره ثانيه!
انزين نحن شدرانا؟ اصلا شدرانا فبطايق واصل متى نحط رصيد الخدمه

اتصلت لهم مرتين وكل مره خليت التيلفون من ٥ الى ١٠ دقايق
كله انتظار !!! قهروني؟ وهالمره اتريت قريب ٨ دقايق
انا حاطه سبيكر واتريا حد يرفع السماعه اتاكد
ولكن ماحد يرد!


يعني انا اول مره فحياتي اشوف شركه تخلي فتره الانتظار هالكثر
المفروض يتسابقون فمن اسرع فاداء الخدمه مب يلطعون الواحد؟

اتصالات فعلا فالدوله خسفه! لكن عروضهم وخدماتهم خارج الدوله؟
علامة استفهام كبيرة!!!!!!!!


وللحين ماعرف الجواب! شو الخدمه اللي تم الغاءها؟
-ـ-
شكلهم يحسبون لي الانترنت ع التيلفون مب ع الاشتراك
-ـ-
اتمنى تفتح عندنا شركات ثانية
مثل موبايلي وزين والوطنية وغيرهن من الشركات!


EtisalaT! I just hate you! 
and we stick to you because we have no other Option! 

5 comments:

هديــل said...

واي شهالسخافة

صج ما عندكم شركة ثانية :!

ما يصير الامارات كبيرة وبس شركة وحدة

احسن شي زين والوطنية عندنا :)

الله يفرجها عليكم لووول

Katkoota xD said...

ايي والله سخافة

مفروض ع الاقل يدزون مسج يقولون الخدمه بتخلص

يمكن الواحد يحتاجها او شي ما يدري

انشالله يصير في شركات ثانية

و تنحل مشاكلكم مع الاتصالات

تحياتي

سمو الأميرهـ ..ツ said...

:|

كان الله في عونج
وعون العملاء اجمعين


هذا غير الرصيد اللي ينشفط

فوق نص مصروفي يروح عالرصيد

وهذا وانا ما أرمس فيه واايد

سمو الأميرهـ ..ツ said...

و عطاري

خدمة العملاء


اخويه مره متصل بهم
يقول لي رقعوني ع الخط فوق نص ساعه

حتى حليله يقولي جان أرقد

وأنش ع صوت الموظف

وعقب صكيت التلفون في ويهه


ونعم الخدمة والله

:\

uaeyah said...

ههههههههههه
والله اني يالسه اقرا البوست وتلفوني يعطيني اوفلاين هههههههه
سبحانك ربي،،

بس تدرين يبتيلي فكره براسي بسوي بوست مقارنه بين خدمات زين و مبايلي و فودافون و اتصالات عشان توضح الصوره للجميع

وعلى فكره دو حدث ولا حرج

الله المستعان ^^