Thursday, October 6, 2011

العين تقرأ ... معرض الكتاب في العين مول

القيت اليوم نظرة على معرض الكتاب في العين المول (العين تقرأ) في ركن كوري! وفي تراثي وفي اقسام كثيره للاسف ما تجولت في المعرض مثل ما احب ... على العموم بقولكم شي يمكن يكون غريب ... الكتب كانت مرتبه بطريقه انيقة جدا والاكشاك ايضا وسهل انكم تلتقطون اي كتاب! ... لكن والله مادري ليش حنيت لمعارض الكتاب الجديمه يوم كانت الكتب (تتكدس) ع الطاولات واشوف بين هالكتب المتكدسه كتب غريبه  الواحد ما يفكر انه بيحصلها او انه يبا يشتريها! وتكون مثل الكنز! خصوصا الكتب القديمه جدا باوراقها العتيقه! ... اما هنيه كان كل شي يلمع! لووول ايضا حصلت كتاب ( الغيمة رقم ٩ ) واللي تكلمت عنه فالمدونة من قبل! ... يالله مبروك للاخت لطيفة الحاج كتابها اليديد! 

الجميل ايضا ان يوم الجمعه والسبت من العصر للمسا بيكون في ركن تبادل كتب! يعني اللي عنده كتب ما يباها يشلها هناك ويتبادل فيها بكتب ثانيه!!!! فكرج جميلة جداً :)

تعليق خارج النص: الاكستنشن اليديد فالعين مول جدا جميل! 

صور من المعرض:




No comments: