Sunday, August 5, 2012

Recipe: Cake Layers with coffee حلا طبقات

 السلام عليكم والرحمه .. اليوم سويت هالحلا .. خذت الوصفه من ربيعتي
سهلة وايد صراحه ... :) وحبيت اشاركم الطريقه

الطبقة الآولى:
كيك عادي! اي نوع .. :) .. تجهزونه وتخلونه

الطبقة الثانية:
٢ كوب ماي
٤ ملاعق حليب نيدو
٢ كيس كريم كراميل
١ باكيت بسكوت شاي وسط - او نص باكيت كبير
١ قشطه

نسخن الماي والنيدو والكريم كراميل لين يغلي
وعقب نتركه لين يبرد شوي

وفي الخلاط نحط البسكوت والقشطه والخلطه اللي فوق بعد ما تبرد
نصبه فوق الكيك وندخله الثلاجه لين تجمد الطبقه الثانيه

الطبقة الثالثة:
٢ كوب ماي
٤ ملاعق حليب نيدو
٢ كيس كريم كراميل
١ ملعقه كاكاو (انا حطيت نسكويك) ..مم
ونص خاشوقه صغيره نسكافيه

نغلي هذا كله على النار ،، ونخليه لين يبرد شوي 
انا خليته يبرد وايد وجمد! صبيت فيه خاشوقه حليب
وسخنته مره ثانيه لوول .. وصبيته

فالوصفه مكتوب نحطه بمصفاه عشان ما تنزل الرغاوي
انا ما طلعت عندي رغاوي للطبقه الاخيره فصبيتها سيده! 

وعقب زينتها بجوكلت :) .. طبعا اي نوع تبون حطوه!

بالعافيه عليكم! 

وهاي صور للوصفه الاصليه مع صور المقادير




1 comment:

Anonymous said...

شكرا عالوصفه
الذوق واختيار الحلو
لازم اجربها