Thursday, October 16, 2008

براتا any one?

http://lil.d84.googlepages.com/Barata.jpg

الواحد ينش مصوع على جاي حليب عادي
بس غير يوم الواحد ينش متفيج
ويروح ويطرش على براته لوووووول
يا سلام عاد يوم أتي من كافتيريا هنود صح
اتكون غيييير ولذيذه


على طاري البراتا والهنود، ما أدري ليش يوم نطلب من مطاعم
أو كافتيريات هنود، أكلهم دومه لذيذ .. والله مرات الواحد يسمع سوالف
يقول خلااااااااص ما بنطلب من مطاعم هنود ولا اصلا من بناكل برا البيت
بس الا الواحد يرد ويطلب


أذكر مره بنت عمي تمت تقول كيف تاكلين جيه ومادري شو
قلت لها ليش عادي؟ .. جربي انتي بس
ماطاعت تاكل .. اخر شي ياعت من قالت اوكي لا حول ولا قوة
ويوم كلت هههههههه تمت فتره كل ما اتي عندي نطلب من الكفتيريا
قالت المشكله ان لمسه الهنود غير
حتى مع السوالف اللي نسمعها لووول


حتى سندويج النقانق مالهم غير ايي لوووول
وحتى الجاي حليب مالهم ايي طعمه غير !! مع انه الا حليب رينبو وجاي ليبتون
بعده طعمه غير !!

يوم أقولكم الهنود عندهم لمسات فنيه



وحياكم :)
براتا بيض وبراتا جبن
هاه شتبون؟

16 comments:

Anonymous said...

بصراحة .. اكل الهنود مختلف عن أي اكل ..

هني وعافية يا قلبي ..

حرام عليج ابا براتااااااااا

وشاي

مينا

Anonymous said...

يا سلام انا اريد براتا بيض مطبوخ ويا فلفل

بس انا صايمه الله يسامحج يوعتيني >_< اللحين وين اسير اشتكي عليج في منظمة حقوق الانسان

يالله بالعافيه عليج

شكلي اليوم انا بعد بطرشهم يبون لي ع الفطور

صدق اكل الهنود غير حتى صالونتهم عجيبه والكيما وشاي الكرك

خلاص يعت يعت متى بياذن

amal said...

^
^
اوبس كتبت ورغيت ونسيت اخبرج اني انا بنت عمج خخخخ .. بس هب راعية الكافتريا

الطارش said...

نقطة ضعفي البراتا وماشي بيمتني غير البراتا مخرب كل اللياقة يوميا يسوولنا في السغل براتا


الطارش

ramadeah said...

والله شكلهم مشهي <<
صايمه ><

ليل وش معنى ينش مصوع
ينش يعني يصحى من النوم
مصوع ؟؟؟ عكس متفيج يعني :\

والهنود مافي احد شراتهم بالجباتي
:)))))

Anonymous said...

انتي عجييبه
وكلاامج 100 % صح ...
رغم اللي نسمعه نطلب !!
اذكر قبل فالداوم من الملل من كل المطاعم نطلب هندي
راشد علي طبعا!!
ولا نتشرط عليه خذ دله من الواحه واترسها جاي هههههه امصخينها!!!

GirLy

lil.D said...

مينا:

ههههه هيه والله أكلهم غيير يا خيتووو!! ..

يالله حياج أقربييي ^_^

lil.D said...

أمول بنت العم:

طاعوا، لا لا ماشي بيض مطبوخ
شي بيض مقلاي تبين ولا لا؟ ..

وتقبل الله منج صيامج وطاعاتج ان شاء الله

بس ها ماقلتيلي طلبتي البراتا ع الفطور ولالا؟

ضحكتيني يوم نسيت اسمج اول ما شفت الرد قلت شا السالفه من هاي >_< لوول


حياج :) .. دوم استانس بشوفتج

lil.D said...

الطارش:

حياك فالمدونة ياخويه
وعاد حليلها البراتا ما بتمتن جان بتاخذ وحده ولا هنتين

بالعافيه عليكم ^___^

lil.D said...

رماااادية:

أويه ليش تحرجيني يا خيتو لوووول الحينه شقايل أنا أشرح لج شو يعني مصوع؟ .... نحن بالعاده نقول أن الواحد يصوع ع القهوة، يعني فخاطره يشربها بالقووو
he/she needs that so Badly!

في كلمه ثانيه لمصوع بس للاسف مب قادة أذكرها !!!

>_< يوم بتذكر بقولج لووول
وتقبل الله طاعاتج ان شاء الله وصيامج

lil.D said...

Girly:

حياج دييغتييي .... هههههههه ضحكتني سالفة راشد علي مع الدله!!! هاي السالفه أول مره اعرفها .. عاد يعطيكم ويه واييب لكم دلة من الواحه ولاّ؟ ... لوووووول

مستر مطوع said...

سبحان الله .. البارحة
شربت

7
قلاصات شاي كرك وعادي

تعفين شو يعني سبع اكواب جاهي ...

راسي يبس .. ^_^"


وقالت راشد علي قال


ختيه سيري زعيم الكرك .. القايلة قريب العصر

وطلبيلج كرك

وبيض جبن طماط شوي داقوس من دون بزار

ما بتردين بيتكم << بسم الله عليك ! خخ

lil.D said...

مستر مطوع:

ماشاء الله عليك تبااارك الرحمن .. :) .. بالعافيه ياخويه .. بس وين هذا زعيم الكرك؟ فأي مكان؟


انا ماجربت من راشد علي الا شيئين الجلّي .. و براتا جبن مع عسل ... اما كرك وجيه لااء


^__^ يالله اتريا تخبرني وين زعيم الكرك عشان نطلب شراتك 7 لووول

مستر مطوع said...

لووووول حد ما يعرف ... رعيم الكرك ... " لو عندج فتك .. جان عرفتي :) "

صناعية العين بين القراجات < واحد ما دل زين :)


تخبري اي حد بيدليج :)



و السبع قلاصات مب كلهن من زعيم الكرك ..... نصهن ... من صنع حرمة خالي ... توه ما خذنهـّا يديده مقرطسه .. من الوقن .. و مسويه احلى جاهي ذقته فحياتي ... عاد انا وام يابر .. كل يومين سيرنا عليهم .. وخذلانا جم قلاس .. هه هه 2 3 5 6 . الدله كامله
" حشى بتان "
^_^"

lil.D said...

فظيع أنت يا مستر مطوع
جانك تباني افزع لين الصناعية عشان كرك

لووول .. حشى وكلا وعيب ومنقود لووول


وبالعافية عليك أنت وأم يابر ومبروك للخال :) .. طرشولنا دله بنشوف !!

Charisma said...

بصراحة المهنده غير في كل شي

وأكلهم خصوصاً الكيما وصالونة اللحم

مممم لذيييييييذ

ومافي أحسن للمزاج الصح

زي شاي كرك على جولتهم


الله يسامحج


شهيتينا

تحياتي الذوقية