البارحة يالسه أشوف مسلسل على سما دبي .. ويلست أضحك من خاطر على واحد من اليهال
يبدل قنوات التيلفزيون بصبوع ريوله .. جيه متسدح وماغط الريل للتيلفزيون ويبدل
"التيلفزيون"
طبعا اللقطة نفسها ضحكتني، لانها ذكرتني بايام أول .. خصوصا أيام البيت الشعبي
كان التبديل بالريول امره ابلااااش لووول .. وطبعا الوالده دوم تعصب
خص يوم الواحد يكون بعد ياهل طوله ما وصل نص متر
وماغط الريل وهو راقد ع التكيه .. دخيلكم وين بيوصل؟
غصب طيب الا يبا يوصل كراعه فوق هههههه
..........
"باب المكتبة الزجاج"
شي ثاني ان مكتبات أول كان فيهن مثل باب زجاج تحت
عاد اي حد منسدح جدام التيلفزيون، لازم يهوس عليهن جك جك
يبطل ويبند ...
"امي يتها فتره حلفت ما تشتري اي مكتبه بابها زجاج تحت"
..........
"بطاطا عمان"
ومع التسديح جدام التيلفزيون .. كان يطلع اعلان لبطاطس عمان ومينو عمان
كانت فالاعلان اللي تغني تقول
" الآن الآن "
انه الحين اشتروا البطاطا لووول
عاد اختكم ما تصدق اول ما تشوف الاعلان تروح الدكان اللي اخر الشارع
وتشتري من كل انواع البطاطا فالاعلان وترد تكمل كابتن ماجد
...........
"جاكوزي لكن غير"
بعد احيد ونحن صغار كان معانا ولد فالروضه
دوم يحب يقعد فالدرام .. "درام المطبخ الازرق هالعود"
طبعا حد من اليهال شافه وعيبته الفكره ردينا البيت
لقيناه تارس درام المطبخ ماي ومتودن فيه
"الحمدلله والشكر"
...........
"بيت الشجرة"
ومره أنا وحد من الاهل ونحن نفس العمر وبعد صغار
كنا نمشي فالمزرعه لقينا باب حديد مثل الشبج مفرور ع الارض
طبعا لازم نستخدم اي شي لووول
شليناه وركبنا شيره الزيتون وسوينا بيت فوق الشيره
"الباب كان أرضية بيت الشجرة"
وايد متأثرين فالرسوم لو تلاحظون لووول
............
"الطريق إلى الكنز"
بخبركم عن وحده من اهلنا يمعت يهال العائلة وقالت لنا
لقيت طريقة فنانه عشان "نسوي كنز" وماحد ياخذ الفلوس
قلنالها شو؟
قالت تعالوا ورايا
ومشينا وراها
وصلنا مسافه لا باس بها خلف الحارة
وحفرت حفرة وحطت الفلوس وبندت الحفرة!
وقالت يالله كل واحد يحفر ويحط فلوسه
"طبعا الكنز كل واحد حده 10"
ويوم بعد فترة ردينا نشل الكنز .. كل واحد نسى وين دفن كنزه
...............
"حمارة القايلة"
طبعا اخر تحفة ممكن أقولكم اياها انه كنا نطلع من الروضه
نروح بيت يدي الله يرحمه مشي
"قريب الروضه"
يوم نوصل اهناك اهل البيت ينصعقون ههههه
مفاعيص صغار طالعين بروحهم ويايين!
والشي الوحيد اللي خلانا نحترم عمارنا
ونتوب نطلع من الروضه ونمشي بروحنا
"حمارة القايلة وأم دوس"
يعني كان لهم فايدة لووول
والسموحة
يبدل قنوات التيلفزيون بصبوع ريوله .. جيه متسدح وماغط الريل للتيلفزيون ويبدل
"التيلفزيون"
طبعا اللقطة نفسها ضحكتني، لانها ذكرتني بايام أول .. خصوصا أيام البيت الشعبي
كان التبديل بالريول امره ابلااااش لووول .. وطبعا الوالده دوم تعصب
خص يوم الواحد يكون بعد ياهل طوله ما وصل نص متر
وماغط الريل وهو راقد ع التكيه .. دخيلكم وين بيوصل؟
غصب طيب الا يبا يوصل كراعه فوق هههههه
..........
"باب المكتبة الزجاج"
شي ثاني ان مكتبات أول كان فيهن مثل باب زجاج تحت
عاد اي حد منسدح جدام التيلفزيون، لازم يهوس عليهن جك جك
يبطل ويبند ...
"امي يتها فتره حلفت ما تشتري اي مكتبه بابها زجاج تحت"
..........
"بطاطا عمان"
ومع التسديح جدام التيلفزيون .. كان يطلع اعلان لبطاطس عمان ومينو عمان
كانت فالاعلان اللي تغني تقول
" الآن الآن "
انه الحين اشتروا البطاطا لووول
عاد اختكم ما تصدق اول ما تشوف الاعلان تروح الدكان اللي اخر الشارع
وتشتري من كل انواع البطاطا فالاعلان وترد تكمل كابتن ماجد
...........
"جاكوزي لكن غير"
بعد احيد ونحن صغار كان معانا ولد فالروضه
دوم يحب يقعد فالدرام .. "درام المطبخ الازرق هالعود"
طبعا حد من اليهال شافه وعيبته الفكره ردينا البيت
لقيناه تارس درام المطبخ ماي ومتودن فيه
"الحمدلله والشكر"
...........
"بيت الشجرة"
ومره أنا وحد من الاهل ونحن نفس العمر وبعد صغار
كنا نمشي فالمزرعه لقينا باب حديد مثل الشبج مفرور ع الارض
طبعا لازم نستخدم اي شي لووول
شليناه وركبنا شيره الزيتون وسوينا بيت فوق الشيره
"الباب كان أرضية بيت الشجرة"
وايد متأثرين فالرسوم لو تلاحظون لووول
............
"الطريق إلى الكنز"
بخبركم عن وحده من اهلنا يمعت يهال العائلة وقالت لنا
لقيت طريقة فنانه عشان "نسوي كنز" وماحد ياخذ الفلوس
قلنالها شو؟
قالت تعالوا ورايا
ومشينا وراها
وصلنا مسافه لا باس بها خلف الحارة
وحفرت حفرة وحطت الفلوس وبندت الحفرة!
وقالت يالله كل واحد يحفر ويحط فلوسه
"طبعا الكنز كل واحد حده 10"
ويوم بعد فترة ردينا نشل الكنز .. كل واحد نسى وين دفن كنزه
...............
"حمارة القايلة"
طبعا اخر تحفة ممكن أقولكم اياها انه كنا نطلع من الروضه
نروح بيت يدي الله يرحمه مشي
"قريب الروضه"
يوم نوصل اهناك اهل البيت ينصعقون ههههه
مفاعيص صغار طالعين بروحهم ويايين!
والشي الوحيد اللي خلانا نحترم عمارنا
ونتوب نطلع من الروضه ونمشي بروحنا
"حمارة القايلة وأم دوس"
يعني كان لهم فايدة لووول
والسموحة
13 comments:
Test .. ?
يييييييييييااااااه
عليها من اياام ...
يوم من يأذن العصر انسدحنا تحته لين المغرب
والعصاقيل مدهنات بفازلين من كثر الشحف .. أيام الشتى :)
تدرين ... انا و ام يابر يوم كنا صغار ... وفرمضان بالتحديد كنا منسدجين تحت تلفزيون ... ونشوف برنامج (( تراث الإمارات .. المسابقات عقب التراويح تجيدينه ؟ ))
وخواني يلعبون حوالينا ... ..وانا وهيه عايشين جو رومنسي ^^
إلى ويطيح علينا التلفزيون على ريولنا
ومن سوء حظي كان صيمي إللي فوق فتعورت أكثر منها
... غررر
^^
أياام
بس تدرين .. موضوعج كله صوب .. والباب التشك جك الزجاجي صوب ...اشهد إن عليج ذاكرة ما شاء الله .... والله إني ادوخ عليه ... يوم حد يشوف شي ما افهمه .. انسدح واقعد
جك . جك .. جك ... و فجأة بنعال ... ماليل أول ... عاد غير كراتيه
على قمة راسي
باقي التعليق ... بسويه بوست ... شجعتيني اكتب
&-&
يزاج الله خير عالذكرى الطيبة
الظاهر أغلبنا يسوي نفس الشي
الباب الزجاجي ما سلم من أي أحد
أذكر بعد صلاة العصر نتجمع نطالع الرسوم (خصوصا ليدي و نينجا كبامارو و سبانك و الهداف و غيره وغيره) مع وجبات من راعي الدكان مثل سندويج (لازم مدور) وجبن مثلثات وشيبس عمان حار + فلفل الصقر و بيبسي و مينو عمان حاطين فيه فلفل الصقر
أمور وايد مرينا فيها ونحن صغار
زمن ليتنا نرجع له
يا حلوها من أيام والله ليتها ترد لو يوم بس ="(
الكل كان يستخدم المكتبه الزجاجه ويسوي الحركه اللي ذكرتيها لووول
وأهم شي جبس عمان >> نحن نحب جبس عمان نحب جبس عمان أتذكر جي كانت أغنيه الإعلان =)
في انتظار يديدج ^_||
مستر مطوع:
لووول لا هب فازلين بس .. والنيفيا الازرق مال اول، اول ما تفتحه يكون جيه المينيوم مفتوح شوي منه مادري ليش ما نشله كامل لووول
بس صدق وغاده يوم تشوف شي ما تفهمه تطفرهم بالجك جك لول
وتستاهلون السلامه انت وام يابر لووول
وبانتظار البوست مالك اخويه
Hot chocolate:
هيه والله أيام ليدي .. تحيدين رسوم كان يطلع الصبح قبل كابتن ماجد اسمه :سكر وشجاع؟ ..
حتى تاوتاو كنت اموت عليه
بس تعالي سندويج الجبس انا ها ماعرفته الا من كم سنه >_< اثره من زمان !! ..
lOsT:
حيالله لوست ^___^ ... هههه حتى انتي ما سلمت منج المكتبة؟ ... عيل امايه شعندها كانت تعصب لو ادري بقولها شوفيهم كلهم يسون جيه لووول ...
والله ماذكر الاعلان زين بس كانوا يطلعون بنات واولاد يمسكون جبس عمان ومينو عمان عقب باقي العائله من مينو الدياي وبطاطا صحار ههههه
هييييه تاتاو و سكر وشجاع
أذكرهم
الله يرحمهن ما صاروا يعرضونهن الحين
عن سندويتج الجبن
لا لا من زمان هذا لين يومج نسويه
بس الأولاد كانوا عندنا يزودونها شوي
يحطون مع السندويج جبن وشيبس حار و فلفل الصقر وبصل وطماط
!!!!!
هيه ترا أقولج .. لووول الحين من يمكن 3 4 سنين عرفته .. لكن على ايام تاو تاو لا حشى ماعرف بها الخدمة
حدي ايام المدرسة كنت اخش "اصابع البوبو = اصابع البطاطا" فسندويج الجبن
لووول أما البصل والطماط سالفه ههههه أول مرة أعرف حد يسوي جيه !! تبارك الرحمن :) بالعافية عليكم
ذكرتيني بايام الخوالي ..يا سلااااااام ذكريت حلوة
ماشالله طلعتي من جيل الكابتن ماجد !!!!؟ انا كنت معجب بالحارس رعد من جي لين الحين مطول شعري شراته لوووول
سالفة الحفر نحن كنا نسوي نفس الشي بعد ....بس شو الفرق !!؟ عقب ماخلي اليهال يحفرون ويحطون بيزاتهم ويسيرون ....اسير انا واحفر واااخذ البيزات ههههههههههههههه نصااااب هاه لول
و ع طاري الجاكوزي .....نحن كان مسبح مو طبيعي عندنا !!!؟ شي انبوب ماي مجاري منكسر ومسوي بحيرة ومختلط ويا المياه المالحة ....كنا نسير كل اسبوع نسبح !!!؟ اونه نتعلم سباحه !!!!؟ لا واونا انقلد الاجانب واننام على الشاطئ !!!!؟ لوووول صج ذكريات حلوة
نايس بوست
لوووووووول ... الباب الزجاجي ... كان ظاهرة شايعة :)
بس جبن و بصل وطمام وداقوس ..... لووووول قوية
^^
سالم الإمارات:
لا بصدمك .. إذا تعرف حميدو؟ .. تحيدهم أبطال الملاعب؟ لووول .. هههه هيه رعد .. الكل كان متأثر فيه .. كانوا العيال اول يحاولون يقلدونه يوم ينقز ع طرف العارضة لوول
أيوا وانا اقول وين يروحن الفلوس :) شكلها الخطه كانت ادفن فلوسك وبرد اسرقها لوول استثمار ناجح لصاحب الفكرة لول ...
<_< اما الجاكوزي مالكم لا تعليق حتى لا نجرح مشاعركم الكريمة ... بس تعرف درام الماي؟ .. التانكي؟ .. اذكر مره حد من العيال نزل فيه اونه يسبح لووووول ... مادري عاد شقايل الماي كاي يوم يوصل البيت لووول
ومرحبابك الساع
مستر مطوع:
لوول شفت؟ الكل كان يبسط على الجك جك
Post a Comment