Saturday, November 1, 2008

صباح الإزعاج!! ..

صباح الخير
mrgreen
أنا قلت مابكتب هالسالفة .. بس مارمت
صراحة أبا أكتبها عشان دوم أتذكر صباح الإزعاج هذا هههه
أول شي حياكم .. هذا ريوق اليوم
"ها تهيئة نفسية للي استوى بس عشان ما تنصدمون بعدين"
http://lil.d84.googlepages.com/pinkish-morning.jpg

أوكي نرجع لمحور الحديث mrgreen

حليلي كالعادة مواصلة والبيت كله راقد
ماصدق ايي وقت الدوام .. عشان أسمع صوت حد
ومثل ما تعرفون السبت إجازة
بس مادري ليش سمعت البارحة أن اليوم دوام المدارس
قلت حليله اخوي بيتاخر مسكين mrgreen

من السااااعه ست ونص
فلااااااان نش دوااااااااااااااااااااااااااام
ومسكين أخوي الصغير يقول اوكيه بنش
كل خمس دقايق ادق الباب لين الساعه 7

وبعد معاناة مابقولكم بالتفصيل شو استوى لوول

المهم وأنا طالعه الاخ إستوعب وشل الدنيا على راسه
قال: لييييش توعيني لييييييييش
اليوم ماعندي دواااااااااام طلعي

rolleyesrolleyesrolleyes
rolleyesأبدا أنا موب إزعاج .. وجان أشرد

يوم طلعت قلت صدق اللي ماعندهم شغل قذى !!
لوووول


وصباح الإزعاج!!

8 comments:

بنت الشيوخ said...

هههههههههههههههههههـ

ههههههههههـ


مسكين هالفلآآآن

من جد صبااااح الازعاااج

بس حسيت بحالك
لاننا بالهواء سواء

ماعندنا دوام وماشي نوم بالليل

^ــــــ^

بالعافيه هالريوق

ramadeah said...

ماشاء الله عليك ليل
كل يوم تعالي سوي لي فطور خخخخخ

من جد ازعاج خليته يغيب اريح لك هههه

ليل الله يعينك علي بس ><
وش معنى قذى ,, يعني بلشه او نشبه بالسعودي خخخخ

انا وش مدخلني هنا !!
بــــرا ><

lil.D said...

بنت الشيوخ:

هيه والله مسكين .. المشكله وهو دهمان مب عارف شو يقول يقولي خلاص بنش .. عقب يوم استوعب قعد معصب لووول ... الله المستعان بس .. >_< وعسى نفتك انا وانتي من هالفراغ والبطالة قولي آمين

lil.D said...

ramadeah:

أنا مايضحكني إلا ردودج << عبالج ماشفتج شو كاتبه عند مطوع؟ لووول

أيوه يا دافورة إنتي ^__* .. دارسة المنهج صح .. قذى = قمة الإزعاج لووول ...

أفا عليج بس أنا أطلع وإنتي اتمين :)

تعالي انتي وكل يوم بنعزمج على شي :) أفا عليج بس

سهيل said...

السلام عليكم,


يحليله, حرام عليج توعين الولد ويوم اخترب نومه عطيتيها شرده وخليتي الولد يرد يرقد مره ثانيه

بعض الناس, اذا نش ما يروم يرد ويكمل رقاده ثاني مره ويتابع المسلسل اللي كان يطالعه وهو راقد =) ههه ويعتمد على المسلسل إذا كان يستاهل الواحد يرد له والا لا =) ههه


سهيل

[..غروك وغيروك..] said...

هههههه
حليله اخوج لو مكانه نشيت اعضج وبرد ارقد

بس صدق احييده هالسبت دواام لكن ابويه عطى اخواني اجازه >> معجزه نحن اللي يغيب ياويله عند ابويه
حتى انا اللي فالجامعه انهزب عالغياب


ويااارب نباركلج بالشغل فالبوست الياي ان شاء الله :)

lil.D said...

سهيل:

عليكم السلام والرحمه، والله يا سهيل أنا اللي أعرفه عندهم دوام يوم السبت!! .. عشان جيه وعيته .. مادريت انه قرر مايروح .. لو دريت ما غثيته

وكلامك صح في ناس اذا نشوا مايرومون يرقدون مره ثانيه ... وقهر لو حد قطع أحلامهم .. وفي ناس العكس لو توعيهم سنه وينشون وحالتهم لله .. بيردون يرقدون احسن من رقدتهم الاولى

lil.D said...

غروك وغيروك:

حياج خيتوو ... دخيلج انا شردت قبل ما يلحقني هههه

انا صراحة لو عندي عيال وقالولي خليهم يداومون فالويك اند تعويض .. مستحيل أخليهم يداومون!!! ... وابويه شرات ابوج .. بس صدق لانه هالاجازه تحسينها غلط!! عنبو يعوضونج عن اجازة يوم وطني؟


وان شاء الله آمين يا خيتو