Thursday, January 1, 2009

تكريم مفاجئ؟ .. وحنين للجامعة

صممت بعض التصاميم البسيطة لكلية الإدارة والاقتصاد .. كليتي اللي احبها وايد وايد
وكل تواصلي مع البنات اللي يشتغلن هناك .. والحمدلله ما انقطعت العلاقة
كانت التصاميم خاصة لحفلة تخرج بنات الادارة والاقتصاد
Fall 2008-2009

بعد ماخلصت التصاميم دقولي ودعوني للحفلة، قالولي منها تسلمين على الدكاترة
ومنها تغيرين جو، وعادي تعالي مع اي صديقة لج بنسوي تصريح
المهم سرت أنا ووحده من ربيعاتي

جو الجامعة خلاني احن لها .. يوم كنا نمشي هنيه ميتين من الحر
ويوم نمشي هناك وحاول نركض بسرعة نلحق الكلاس
ويوم نقعد ع الحشيش وندرس
ولا يوم نيلس ونسولف في المبنى اليديد

وايد اشياء .. ويوم سرت حفلة التخرج .. شفت دكاترتي ..كنت سعيده جداً بشوفتهم
سلمت عليهم وتكلمنا وطبعا اول سؤال وين تشتغلين؟
mrgreen
كالعادة السؤال المحرج اللي خلاني اضحك واقولهم بعدني عاطلة عن العمل
جان يرد دكتور ثاني يقول
She is working all the night
دكتوري يتابع ايميلاتي من القائمة البريدية والمدونة اعتقد
فيشوف ايضا وقت البوستس لوول

كلموني عن الماجستير وهالسوالف
كان كلامهم مشجع جداً جداً
مب مثل الناس اللي دائما يحبطوني :)
قالي دكتور (جيمس توماس):
لا تستعيلين .. بتشتغلين وعقب الشغل كملي دراستج
لا تحسين بضيقه!!

المهم .. كان ترتيب البنات للحفلة كان جداً جداً رائع
Very Touching !!
الفيديو اللي سونه
وكيف تكريمهم للاساتذه
حتى عميد الكلية استغرب من البنات وكيف تكريمهم للدكاترة ولبعض

كانت الحفلة ممتعه ولكن تدرون شو؟
فاجأوني ان اول تكريم كان لمنو؟

كان حقي؟؟
redfaceredfaceredfaceredface

شالسالفه؟ ماطعت انش ؟ .. والف يمين يسار من هاي يزقرونها؟
ويقولون نشي انتي
redfaceredfaceredface

ولا الدين (عميد الكلية) يقولي لفي لفي تصوري يوم تستلمين الشهاده
ونحن ع المسرح اقوله بصوت واطي:
I don't want to take picture!!
وهو مصر لازم تاخذين صوره
وتمينا في شد وجذب والناس تشوف!!
لين عطاني الشهاده بدون ما اتصور
mrgreenmrgreen
مايدري ان السالفة فيها قبايل هههه

كانت لفته جميلة جداً جداً
حسستني باحساس غير :) وذكرتني بالايام الخوالي

وجود صديقتي بعد معاي اللي من زمان ماشفتها
غير لي جو!! خصوصاً ان كنا دوم مع بعض فالجامعة

وانا طالعة صورت صورة للمكان اللي كان يجمعنا
بنات الادارة والاقتصاد اكثر الوقت
خصوصا بين الكلاسات:
الخراده مالت الفلوس
ثلاجه الحلاوه
ثلاجة الكوفي

كنا دوم نتلاقا هنيه ونتكلم بسرعه بسرعه
عشان نلحق الكلاس الياي!!



أما هنيه هو مبنى الآي تي اليديد مال البنات
يجنن المبنى مالهم فعلا راقي جداً
جنه داخلين فندق او مول او ي شي راقي لوول
الصوره بالتيلفون مب واضحة
"كانوا مسوين فيه الحفلة"
ماشاء الله يجنن مبناهم!!



احم احم ... وهاي الشهادة اللي عطوني اياها مع الهدية



وبس!! :)

14 comments:

desires said...

هاي جامعة الامارات صح ..؟

الصراحه شي طيب .. الله يجعل كل ايامج فرح وسعادة

عقبال ما اتخرج انا بعد صح المشوار طوييييييل بس السنوات تمر بسرعه

Lad Of Murbah said...

اووه
رووعه
مكان راقي الصراحة

............

بالتوفيج اختيـ

حرير said...

الله .. ليل.. روعة روعة روعة.. والله اشتقت للجامعة وشكرا لانك صورتي الكوفي مشين.. هاي اكتر شي كان يصبرني في كلاس دكتور جيمس :) ههههههههههههههههههههههههههههههههههههههههه
وغيرها من كلاسات الظهر..
الله بس ما لحقت اتفرج على مبنى الاي تي من جوا..
بس ليش ما كلمتينا عن الدكاترة أكتر... يعني نسيتي أهم واحد.. حسان سليم.. والله من زمااااااااان .. وينه؟؟.. وباقي الدكاترة (ذو الفقار وظفر..وينهم ول ما حضروا الحفل..
أحلا بوست
شكرا

~ ألـوآن رمادية ~ said...

مااظني بااشتااق للجامعه اذا تخرجت ><

بوست جميل ياليل ومبروووك التكريم وتستاهليييين :)


صور كليتكم خووقااااقيه ^^
احنا ثلاجة العصير ,,, صايره مخزن عباياات خخخخخخخخ

بنت الشيوخ said...

احلى شي التكريم المفاجئ

نآآآيس الاحسااس :)

بالتوفيق

inourasha said...

i remember this place.... its make me feel diffrent... i never thought i would miss the uni. this much....
and coungrats.... u deserve it

Wafooya said...

ohhhh i LOVE UAEU!!!!!!
thanks lil.D for this nice post
i miss these places so much
& all of our great teachers :)
they tought us alot
as we learnt from uni alot too

lil.D said...

Desires:

هي جامعة الامارات
ان شاءالله تتخرجين ونفرح فييييييج

انتي طب صح؟

lil.D said...

Lad Of Murbah:

فعلا حلو
بس هاي الا صورة ع السريع بالموبايل
في اشياء احلى فالمبنى!

lil.D said...

حرير:

ههههه هاي الكوفي مشين كانت اهم ذكرياتنا بنات الادارة وبنات مخج بشكل عام لووول

والله كلاس دكتور جيمس احلى شي -_-

وايد حلو مبنا الاي تي .. وانا بالعكس كاتبة عن دكتور حسان ههههه هو اللي يطنز علي يقول she is working the whole night
لانه هو توصله رسايلي فيقرى الوقت لول


شفت ذو الفقار كالعاده محبوب الجماهير .. ظفر !! مايا ماشفته :( ...

lil.D said...

ألوان رمادية:

بتشتاقيييييييين صدقيني الحياه برا الجامعه غييييير عن الجامعة


الله يبارك فيج
عيل انا كان لازم اغايضج واصور لج المبنى اليديد < هو ماعاد يديد بس نحن للحين نسميه جيه لوول

lil.D said...

بنت الشيوخ:

هيه والله شعور حلو وايد

يميع ان شاء الله

lil.D said...

Inourasha:

I miss you gurl!! .. I'm glad to see you here, it is nice feeling to go back to university and visit it and see all the places we spent years running here and there within them!

lil.D said...

Wafooya:

:D First time I see someone saying that in Caps lol ...
I'm glad that you liked the post!! ..
The best thing when you can go to these places! at the same time .. you meet your friends :)