Saturday, January 3, 2009

أضواء الشمال .. حلم .. فهل يتحقق؟ The Northern Lights

أكثر الوقت سفراتي تكون صدفة، يعني حد بيسافر
وعلى اخر لحظة .. الله يسهل اني اسير معاهم
evilevilevilevil
بس يالله .. عسى الله يكتب لي صدفة يديدة!! ..
صدق أقول فخاطري
هل الله سبحانه وتعالى بيكتب لي صدفة إني أروح للقطب الشمالي؟
أيوة ركزوا معايه!! .. هيه القطب الشمالي mrgreen.. اللي كله ثلج فووق مناك فالكرة الارضية

http://www.studyzone.org/testprep/ss5/d/j0141555.gif
"عاد قلنا سافرنا مع الاهل بالصدفة لدول عربية وأجنبية، منوه منهم بيعزمني ع القطب الشمالي؟"

زين زين .. يوم يسالوني وين ودج تسافرين أقول:
استراليا كندا اليابان الصين
القطب الشمالي

أول ماقول القطب الشمالي أحصل نظرة استنكار عنيفة جداً جداً هههه
جني يعني قلت بدخل فكتاب قصص أو أساطير
"تخيلوا تفتحون كتاب وتدخلون داخله؟ وناسه صح؟"
>_< أو قلت بسافر القمر!! إلا هو القطب الشمالي!! ش السالفة؟

وانجبر أشرح السبب العجيب الغريب لرغبتي بزيارة هالمكان ..
لكن صدقوني الحين يوم بتعرفون ليش
يمكن تحطون هالفكرة (زيارة القطب الشمالي) فالدستنيشنز المستقبلية لكم
redfaceredface

أهم سبب لها الحلم الغريب، هو انه فخاطري من سنين طويلةأشوف على الطبيعة ..
أضواء الشمال
أو الشفق القطبي
أو Northern Lights
أو Aurora

أضواء الشمال هاي أو الشفق القطبي
هي أضواء تنرسم على السما السودا
(تخيلوا صفحة السما وهي سودة وعليها نجوم وعليها تدرجات ملونة؟)

ألوان جميلة جداً جداً
تدرجات الاخضر
او البنفسجي
أو الاصفر

والأكيد شفتوها في اساطير الاسكيمو
أو في الرسوم حتى (مثل رسوم أخي الدب)
لكن هاي مب من وحي الخيال!!

هاي ظاهرة خلقها المبدع سبحانه
بخليكم مع بعض من الصور عشان ما تلوموني:
"فاصل اعلاني يعني"
Those photos are taken from:
orvaratli's photostream in Flickr
"you will find more, in his account check it out"



صدق صدق، تخيلوا عماركم تشوفون هالشي على الطبيعة؟ .. ودي أصورها فعلاً
من خاطري ودي اشوف هالصور فالميموري كارد مال الكاميرا!!!
سبحان الخالق!!

نسيت أقولكم ترا هاي الأضواء مب بس فالقطب الشمالي؟ لكن ممكن نشوفها فدول أخرى
مثل ألاسكا وآيسلاند .. والمناطق المقاربة للقطب الشمالي بشكل عام

أوكية .. هاي الظاهرة .. كيف تستوي؟
هذا المقال هنيه يتكلم عن: مالذي يجعل أضواء الشمال ترقص؟
what makes the northern lights dance?

" ادخلوا الصفحة فيها شرح فيديو حلو وايد..ويبين الاماكن"

فالجامعة درست مادة الفلك وبنقل لكم من كتاب الفلك تعريف الظاهرة وأسبابها
اسم الكتاب: استكشافات ومقدمة في علم الفلك

الشفق القطبي:
ضوء يصدر عن الذرات والجزيئات في أعالي الغلاف الجوي الأرضي. يتولد هذا الضوء نتيجة اضرابات مغناطيسية.

الآثار المغناطيسية في الجو الأعلى:

لا يقتصر مفعول الحقل المغناطيسي للأرض على مجرد تحريك إبرة البوصلة، بل إنه كذلك يحجبنا عن جسيمات مشحونة كهربائياً تطلقها الشمس. الجسيمات الشمسية عند مرورها بالأرض تولد تيارات في غلافنا الجوي الأعلى تدور حول القطبين المغناطيسيين فتدفع الإلكترونات نحو أسفل خطوط الحقل المغناطيسي. تتحلزن الإلكترونات المتحركة حول خطوط الحقل فترتطم بجزيئات النتروجين والأكسجين فتستثار الغازات الجوية نتيجة لهذه الارتطامات، ومن ثم ترتفع الالكترونات ذراتها الى مدارات اعلى. ولدى هبوط الالكترونات عائدة الى مداراتهاالأدنى تطلق ضوءاً جميل المرأى يسمى بالشفق القطبي "الأرورا".

أما الآلية الدقيقة التي تؤدي إلى تكون الشفق القطبي فمازالت محل خلاف بين العلماء، لكن مما شك فيه ان السيالات الشفقية البديعة تتكون بفعل الحقل المغناطيسي للأرض، مثلما ترسم برادة الحديد المنثورة حدود حقل قضيب مغناطيسي عادي.

http://i253.photobucket.com/albums/hh71/Stellare_photo/aurora_earth.jpg

اكتبوا كلمة
Aurora
"أو أي كلمة من المفردات اللي حاطتنها فوق"
في بحث الصور في قوقل، بتشوفون اشياء بتتعجبون!

حتى في يوتيوب اذا سويتوا بحث عنها
بتشوفون بالفيديوا هاي الظاهرة ناس مصورينها!


أضواء الشمال .. حلم .. فهل يتحقق؟
"سبحان الخالق المبدع"

أتمنى عجبكم الموضوع اليوم واستفدتوا منه
وماحد يروح قبلي ويصور >_< عشان ما احسدكم
redface

---------------------------------------------------
تعديل:
وصلتني رسالة من صاحب الصور اللي حاطتنها كمثال
يقول وين الاماكن اللي تطلع فيها الارورا .. واحسن وقت للزيارة
قال مب القطب الشمالي!!!
بسويلكم كوبي الرسالة للاستفادة .. يمكن حد يروح
"معلومة يديدة، يالله خلاص بنغير الوجهة إلى سيبيريا ولا كندا"
--------------------
Please dont visit the north pole as there are no Auroras there. The circle the northpole and Norway, Sweden, Canada, Iceland, Alaska and Siberia are the places to visit.

If you decide to take a trip to see them its best to do it in 3-5 year because the source of Aurora, the Sun, is at a very low activity period and will be in full swing again in 3-5 years. This winter I have only seen the Aurora twice.

Cheers,

Örvar
--------------------

12 comments:

|[ محد شراتي ~ said...

يعطيج العافيه ع الموضوع الرائع

الصراحه ودي اصور انا بعد جيه

بنسير رباعة < تحلم !!

المهم شرات العاده عزيزتي ربي يوفقج دايما تحطيلنا المفيد

|:| DUBAI |:| said...

حلو طموحج

و من السهل تحقيقه

ان شاء الله

يتحقق

و نشوف أول اماراتية

في القطب الشمالي و الجنوبي بعد

: )

Anonymous said...

كلنا ف مخيلاتنا اشياء حلوه بس حد
يحطمهن ليش الله العالم

بس بخبرج شي شي ف خاطرج تمي عليه ,, يمكن ربج يحنوون ويشلوونج

بس عن تنسين تشليني عسب اخاويج ,,

سوالفيه دفاا عن البرد ,,

موفجه الغلا

قلبي ماركه ~!!~

Anonymous said...

خلاص شهر العسل .. هناك

وسميه .. " فرايز هاني مووون " ولا تنسين الهدايا ^^


أقول شخبارررااااااا مساق الفلك ... اظن نص العين ما خذينه .. خخخ والله مت في هالمساق .. لأن إستاذينا وناسه .. بس عقب غيروه .. ما دري شي استواله .. ويابولنا واحد بوورنق

المهم .. تتذكرين منطقة الدل = الظل بالمصري

والله كانت المحاضرة تزيد من إيماني ...

اياااااااااااام


وبعيد ن. حاولي تغيرين طريقة الكومن .. تراي أقين .. يا خيته :)


مستر مطوع

Nooda said...

looks beautiful .. i wanna go there now tell me when to pack up and join you ;)

ماسه الكون said...

أشياااااااااااااااااااااء رهيبة من الخاطر

خاطري أشوف هذي الظاهرة العجيبة وأصورها

يأتني فكرة أني أروح أشوفها بس بعد ما أتعلم مهارات التصوير

:]

lil.D said...

محد شراتي:

هيه والله يبالنا نصور هالمنظر!!
ان شاء الله نسير رباعة
من يدري
^_*

lil.D said...

Dubai:

بالعكس مب سهل الا اذا حصلتي حد عنده نفس الاهتمامات

خلاص ولا يهمج بنصور اول اماراتية بعد

بسويلج باي من هناك

I'll wave for u from there :D

lil.D said...

قلبي ماركة:

لا تسمحين لحد يحطم احلامج!!
حتى لو تحسين الحلم شوي صعب
بس الاكيد مب مستحيل
دام الامل بالله كبير
ساعات تطول الفترة لتحقيق الحلم
لكن فالنهاية يتحقق
اذا بعدج متمسكة فيه !!



خلاص بنحجز لج معانا

lil.D said...

مستر مطوع:

بنسير شمال كندا يكفي -_-
ما بيكون فرايز هاني مون لوول

هدايا؟ بييب لك يونية ثلج شرايك؟


والله الفلك مساق وايد حلو
خذته انا عند هذا اسمه شي علاء الدين
منو استاذك كان؟ الياس فرنيني؟

lil.D said...

Nooda:

:D I guess we have to wait for few years for a good aurora as Orvaratli says !!

lil.D said...

ماسة الكون

هيه والله شكل الظاهرة حلوة

ان شاء الله ربي يكتب لج السفر وتشوفينها