~Good Evening Everyone~
يقولون في شي اسمه الحب من النظرة الآولى!!!
ها حالي مع الماك .. باختصار
^ـــ^
فالبداية الاختيار لآي كمبيوتر ابااه خذ فترة طويلة
وشكر خاص لكل من ساعدني باختيار الماك بوك برو اللي يناسبني :)
............
المهم .... اشتريت الكمبيوتر من محل آي ستايل
المتواجد في فيستيفال سيتي - دبي
ونصيحة! اذا عزمتوا ،،، احجزوا الكمبيوتر باسمكم
لانه انا كنت ابا كمبيوتر بمواصفات معينة
دقيت وقالوا موجود ،،،،
بعد يومين لقيت وحده خذته قبلي بشوي!!!
لآنها كانت حاجزتنه -ــ- ممم
............
آهم شي لازم تاخذون كفرات للكمبيوتر
عشان يتم يديد وما يتشمخ آو اي شي ثاني
في الاستكرات الشفافه للكمبيوتر
وشي كفرات ملونه وايد حلوة
^ــــ^
..........
كنت متروعه ان كل شي بيكون يديد!!
!!وان البرامج غير
واللغة العربية والمايكروسوفت
ومابعرف اتعامل معاه ووووو وايد اشياء!!
ولكن بصراحه هالكلام ماشي منه!
اللغة العربية موجوده فالسستم
وفي اكثر من برنامج يدعم مايكروسوفت
(بس برنامج المايكروسوفت نفسه للماك فيه مشكله بالعربي)
بس باقي البرامج عادي مثل الآي وورك!
اما الكمبيوتر يكون فيه سنو ليوبارد سستم
اللي هو أيدد شي نازل
(يعني شفتوا مثلا اكس بي وفيستا؟ سنو ليو بارد نفس الشي)
ويكون معاه بعد باكج الاي لااااايف ،،،، واااايد حلو
وفيه اكثر من برنامج مثل الاي فوتو والاي موفي وغيره!!!
في شي مهم لازم تعرفونه يوم تشترون الماك!!!
ان في نوعين من الشاشات ،،، نوع قلوسي ونوع مات!!
Matt Screen!
هاي الشاشة تعطي اللون الحقيقي للصور
وما تعكس اللي ورا الكمبيوتر
"يعني لو تشتغلون خارج البيت او فالحديقه
ماراح تكون الشاشه سوده ولا بتعكس الليت"
هالشاشة لازم تطلبونها طلب ما اتي فالمحل عادي
&
Glossy Screen!
هالشاشه تعطي الوان زاهية وصور جداً جميلة
ولكن مشكلتها انها تعكس اللي وراك!
باختصار تنفع تكون مرايه ههههههه
لكن الوانها واااايد حلوة
وهاي اللي تكون باي ديفلت بالمحلات
لكن ترومون تشترون ستيكر يخلي شاشتكم مات
اسمه Anti Glare Film
هنيه بتشوفون الفرق بين الشاشتين فالالوان والانعكاسات
طبعا اللي ع اليسار هي القلوسي والابتوب مات
-------------
اذا تبون مواصفات معينه بياخذ الطلب عند اي ستايل
حول ٤ الى ٦ اسابيع !!!! لين يوصلكم
ولازم تدفعون ٢٠٪ من المبلغ
------------
الشي الوحيد اللي ماحبيته فالماك
واللي مضايقني حتى الان !!
ان اماكن الحروف العربية متغيره
يعني شوي كم حرف ،، ولكن بتعود ان شالله
-------------
الحلو ان كل شي موجود فالنت !!
آحب قووقل ويوتيوب ،،، اي شي ابا اعرفه بحصله
يعني خص يوتيوب ،،، ودروس الماك ما تخلص
فالنهاية بحط لكم اكاونت واحد وايد فادني
وايد ممتع اكاونته ومفيد :
http://www.youtube.com/user/mitch625
if u find any mistakes in typing :D mind me!!!
16 comments:
مبروك و تستاهلينه =)
السلام عليكم اختي ليل دي
انا حتى اشوف ان الماك شكل لي حب من اول نظرة
وتوفقت بشراءه
بس عن الحروف العربية اللي لاحظته انها مثل الكمبيوترات الباجية بس كتابة الاحرف على الكيبور مختلفة ولكن في الحقيقة غير
يعني حطيلج الذال في مكان وهي في الاصل في المكان نفسه اللي في اي كمبيوتر من نوع اخر..
ماشاء الله ^^
أولا مبروك على الكمبيوتر وثانيا
حبيت أشكرك صراحة على مشاركتك لمعلوماتك لنا ^^
الله يوفقك :)
مبروك حبيبتي الجهاز
وتتهنين فيه :)
Mabrook! And welcome to the club ;)
You'll get used to the keyboard don't worry
السلام عليكم ..
تحمسنا الصراحة نحول للماك ..
اخر خطوة مهمة خذيتها بالمجال التكنولوجي كانت التحويل من نوكيا إلى سوني أريكسون :)) تذكرت هالشي وانا اقرا عن مواقع الأحرف :))
تحياتي للموضوع الجميل ..
السلام عليكم
الاب وااااااااايد روووووووعة
واتحمست اني اشتريه
لان مب كل عنده هالاب
وأبغي اكون مميزة عن غيري
وانشاءالله تتهنين فيه
محد شراتي:
مشكورة خيتو ^___^
Pure Gold:
عليكم السلام ورحمة الله
بالنسبة للكيبورد أمكان الحروف التالية متغيره:
د
ذ
ر
ز
ط
ظ
ى
ة
كلها على الصف الاخير من الكيبورد
حتى مكان الشدة متغير :)
بينما الاحرف على اي كيبورد اخر بتكون غير
SMG:
اتمنى فعلا ان الموضوع يكون فادكم
لانه انا وايد كنت افكر قبل ما اخذ الماك
وقلت يمكن حد مثلي يباه ومتردد :)
اقصوصه:
تسلمين يا خيتو
Anonymous:
Thanks a lot, and inshallah I will be using it with ease! cuz when I use the arabic keyboard I'm so slow -__-
أحمد حيدر:
عليكم السلام ورحمة الله
تسلم ياخوي وحياك فالمدونة ^_^
واذا انت تشجعت للماك
وعندك اي سؤال مايردك الا كيبوردك :)
-_- ماحب السوني!
جروب الجامعة:
عليكم السلام والرحمة
هيه اللاب وايد روعه وحلو ^___^
بس اذا بتاخذينه بس شكل عشان تكونين مميزة
ميك شور عندج غيره حق الشغل لول والبروجكتات :)
مرحبابج يا خيتو
you have a wonderful site!
Post a Comment