Monday, January 11, 2010

Super Mario Bros - Wii لاازم تجربونه - بس لمحبي الوووووي وسوبر ماريو

بينما كنت اتحوط في النت ،،، حصلت هاللعبه الجميله
يديده نازله من فتره قريبه

طبعا انا ماصدقت !! من زمان اترياهم يسون شي ممتع
خصوصا لماريو!! صدق احلى شي في نيتندو ماريو!!!!!

المهم شفت كم ريفيو فالنت ،،، وعجبني وايد ان اللعبه مب ٤ دي
يعني ما اتم تلف الشاشه يمين ويسار !! لا نفس اول
نفس الايام الجميله لماريو ولكن شوي متطور

عاد انا من زود الحماس ،، خذت قير عادي
قلت بعيش الايام الجميله صح !!!
"انا من خذت الوي ما لعبت بقير "جهاز" عادي!! "



هذا شكل السي دي - حبيته تبون الصدق -



المهم مع قمه الحماس وبعد ما ركبت القير
واستعديت نفسياً اني بلعب بالفصوص !!!
اكتشفت ان اللعبه لازم نلعبها بقير الوي العادي
مب هذا اللي انا متفلسفه  واشتريته !!
"اهم شي ما ياخذكم الحماس"



المهم ،، بعد ما عقيت القير وانا افكر بذكائي الخارق
يلست اشوف اللعبه، كالعاده تبدى بقصه
هالمره اونه البرنسس بيج مسويه هابي بيرثدي
وخطفها كوبا "حلو اسمه كوبا قمه فالشر " المهم
عاد ماريو يتم يلحقه  وهاي صوره اول جزيره
او بالاصح
World 1



انا وايد حبيت انه صاير مثل ماريو الجديم
نفس هذا تقريبا اذا تتذكرونه



ونفس هذا


المهم هاي بعض الصور للآدوار
"التصوير تعيس سوري ماشي اضاءه"













تحيدون يوم ياذ الورده ويعق نار؟
الحين يوم ياخذ الورده يعق ثلج ويجمدهم


عاد احلى شي يون تدخلون بيت المشروم
تذكرون يوم تختارون شو فالصندوق ولا تلعبون ورقه؟
ها نفس الشي - روووعه


بس للاسف مب من زود الحظ سيده حصلت كوبا
شبح ويييه ع قوله الكويتيين لووول






هذا الدور حلووو




عاد احلى شي انا العب مع بنت اخوي ،، اول مره تشوف ماريو
يوم دخل ماريو فالبايب ،، جان تنصدم ،، تمت ساكته
عقب شوي دخل مره ثانيه ،، جان تقول:

عموتي بييون الشرطه يشلونج
@@ قلت لها بسم الله ليش؟
قالت: عشان انتي تخلينه يدخل فالبالوعه

ههههههههههههه نو كومنت
بس عقب شوي عيبتها السالفه كل شوي تقول خليه يدخل
هههههههه

الحلو فاللعبه ان نقدر اربعه نلعب مع بعض
مب دور بدور وموته بموته؟
"تذكرون هالجمله؟ هههه مالقيت احسن عنها"
يعني صدق ممتعه يلعبونها ربع او اهل :)


الموهيم ،،،، ها ريفيو من اليوتيوب


واتمنى ان اللعبه عجبتكم ^ــــــ^ لازم اتجربووون

7 comments:

شاي الضحى said...

الله شكها تونس

من زمان ماشريت لعبه يديده حق الوي

اذا فضيت ان شاءالله بشتريها لاني احب ماريو

مشكوره

اقصوصه said...

الله

ماريو بارتو

رجعتينا لايام الطفوله

انا احب وايد عاللهبه

كنا من مدمنيها

والله كانت ايام :)

مشكوره الغاليه

:) ع طرح اللعبه الجميله

~Al3enawyA~ said...

اللــــــه
ماريوووو

والله اللعبه تطورها حلووو هالمرة
على الستايل الجديم

ان شاء الله قريبا بشتريها مع جهاز تحكم ثاني عشان نلعب انا واختيه..خخخ

Samt♥AlbadoO said...

هههههههههههههههههههههههههههه
في ذمتيه انج طمآآآآآشه
انا اشهد انه مآ فيج حيـله السـآع

يآآآآآآآآآآآي مآريو وكرآش والشرآيط الجديمه
اتجنن احبهآ من لعوبي المفضله ^^

الويي وآآآآيد حلوه
شي لعبت مآريو ادوآر عندنآ نلعبه
بس هذآ مآ ادريبه

يبآليه آخذ عسب نلعب خخخخخ
حمستيني
اللــــــــــــــه يآآآآآآي حلووووو
والله صدق حلووووووووووو

ان شاء الله انج استآنستي ^^

بنت اخوج هههههههههههه
توووحفه مآ فيهآ حيله
حليـلهآ ههههههه ضحكتني
الله يخليهآ لكم يآ ربيه ويتآجي عليهآ ^^

استمتعت بالبوست " عيبني مالخآطر " خخخخ

lavender's aroma said...

الله حمستيني آخذ الوي
أنا أحب ألعاب أول
ألعاب اليوم تعور لي راسي
أحس راسي يلف ويا اللعبة

سمو الأميرهـ ..ツ said...

ههههههههههه

ذكرتيني يسالفة موتة ..
و دور

***

والله أيام


وماريو لين الحين عايش ما مات

حتى في ننتيندو دي أس
عايش

*****
بوووووووست راائع


مشكووره حبيبتي
ونستينا
=)

مهرة سالم said...

السلام عليكم..
أحييتي ذكريات جميله الصراحه
هييييه أيام ماريو
....
بس بنت أخوج تحفه ماشاء الله عليها اله يحفظها يارب
...
بس تصدقين وناسه بالدور
صج تصير جتله بس وناسه ...
...
دمتِ بخير