Saturday, May 8, 2010

عايزة أتجوز ،،،، !!

في يوم جميل، شفت لطيفة الحاج اللي عندها ادمان شي اسمه (كتب)، كل ما اشوفها تخبرني عن قائمة بالكتب اليديدة اللي اشترتها (والله اعلم لو الاخت تخلص هالكتب ولا بس عندها هواية التجميع) لوول، المهم انها مره قالت لي عن كتاب اسمه (رز بلبن لشخصين) وفي سياق الحديث قالت لي عن كتاب اسمه (عايزة أتجوز) وجه الشبه بين الكتابين ان الكتابين تم كتابتهم في مدونات اول شي وعقب قاموا وسوهن كتب ،،، مثل سالفة بنات الرياض تقريبا!! الموهيييم، عند تجولي في ربوع مكتبة المجرودي (طبعا اللي فبوادي مول) شفت هذا الكتاب الجميل:


تشوفون الكتاب كيف يلمع؟ أصلا الكتاب يقولي يااااالله يا ليل دي اشتريني ،،،، الرسمه اللي ع الكتاب واللون الاخضر؟ صراحه اختيار موفق ،،،، حتى نوعية ورق الكتاب كانت من المحببه لي (اللي تكون شوي خشنه وجافه وما تلمع) تحسسني فعلا اني اقراء كتاب ،،،، تووووكلت على الله وقلت مااااا بدهاااااش يا ليل دي (متاثرة فالكتاب)  ،،،، امي شافته طبعا وعطتني محاضرة فالأدب والاخلاق ،، من عنوان الكتاب لووول !!! وقلت لها ان الكتاب مب يعني اني ابا اعرس ،، هو مجموعة قصص ساخرة مرت فيها صاحبة الكتاب ،،، وسكتت عني ،،، انا ما اعرف بالضبط هل هي سكتت عني لانها فقدت الأمل فيني ولا لانها صدقتني!! لووول ،،، الموهيم خلوني اخبركم عن الكتاب:

الكاتبة: غادة عبد العال ،،، دكتورة "صيدلانية" ،،،،ممم
الكتاب: يتحدث عن الضغط اللي تمر فيه البنت كل ما تكبر وانها ما عرست!!! باسلوب ساخر ومضحك جدا
القصص: قصص مرت الكاتبة فيها وصديقاتها ،، تتحدث فيها باسلوب كانها تتكلم عن نفسها وامها وابوها
لغة الكتاب: مكتوب باللهجة المصرية


الكتاب ترا فعلا جميل ومضحك ،،، وصدق حبيتها وهي تكتب ان كل مره حد يعاتب البنت ويتهمها انها تتشرط ع الرياييل ومادري كيف او ان هيه كبرت وماعرست وكل الضغط عليها جنها هيه السبب ،، وحاطه امثله من الناس اللي يتقدمون ههههههه لووول المهمم بحط لكم مقطع وصفحه من الكتاب,,,, اضغطوا ع الصور عشان تشوفونها بحجم كبير وتقرون




المهم الاخت برااايد مثل ما تسمي عمرها ،، عندها مدونه ،،،، فيها هالسوالف كلها ممكن تقرونها:
http://wanna-b-a-bride.blogspot.com/




Take Care all 
and I hope that bride got a husband now 

26 comments:

شاي الضحى said...

ماقريت الكتاب

بس سمعت عنه وايد والكل يمدحه


الحين قاعدين يصورونه مسلسل لرمضان القادم


:)

رورو الشخبوطه said...

قريته قبل فتره..

بس عنوانه يثير الشبه كنت اقراه وانا خاشه العنوان خخخ..

وعجبني ماشاءالله التطور اللي مرت فيه الكاتب من مجرد تدوينات بسيطه بالنت لي كتاب والحين بيصورنه مسلسل ماشاءالله..

مشكوره..

lil.D said...

شاي الضحى
حياج يا خيتو من زمان ما جفتج ^ـ^
انا شفت لقاء في يوتيوب عساس بيسونه فلم
مسلسل ولا فلم انا ابا اشوفه صراحه
يبين انه بيكون فنان ^ــ^
احيدج تحبين الكتب جربيه!

lil.D said...

رورو الشخبوطة

ههههههه انا نفس الشي
ترا اقولج امي هزبتني عسبت الكتاب!
بس جميل وفنان

نتريا المسلسل عيل لووول

Fishah said...

من زمان ماقريت كتب .. بس دام انه من النوعيه اللي فيه قصص تضحك شكلي بقراه

الغلاف يشوق :)

بس بسوي مثلهم واخش العنوان لوووول
مو ناقصين كلام ههههههه

يسلمووو :)

Hopeless Sight said...

يعطيج العافية
شجعتيني اقراه :)

Hopeless Sight said...

يعطيج العافية
شجعتيني اقراه :)

Anonymous said...

اليوم أقول حق وحدة في الدوام

مصرية في كتاب اسمه جية وقريت منه

مقتطف وقعدت أضحك هههههههه وقلت لها
لو رحت المكتبة ولقيته اشتري لك واحد
ههههههه بس لما اقراه بقصفه بس عشان

محد يقرأ العنوان ويعملها قصة

يسلموااا على الكتاب ^_^ والبلوج


بحر

aseel said...

اهلا ليل
هههههه
الكتاب هذا تحفه قريته في الصيف وقريت المدونه اعجبني حسيته مضحك ينفع يتصور ك سيتكوم ههه
سمعت انه بيصير مسلسل او اظن هي كتبت كذا في مدونتها تحمس وانتي تقرين معها تدخلين جوها حتى بكتاباتها في المدونه
عارفه عملتلها دار النشر مدونه موازيه بالايطاليه :) يا الله عقبالك ياحلوه وتنشرين كتابك ونعملك مو بس مدونه بالايطالي الاحتى بالياباني

سلام خيتو :)

Anonymous said...

:( :(
انا ماراح اقرأالكتاب.. لأنو ما إلو هدف ولا بحل أي مشكلة
بس بيتمسخر عالوضع الحالي بس
:(
:(

Mai alRomaithi said...

اوفففففف.. عاد مره ليل دي ييتي ع العوق, "عايزة اتجوز",هع
الكتاب شكله ولونه حلو, بس المشكله مكتوب بالمصري
عاد نحن شو يفججنا, هع
بس تعالي اتخبرج, توني اعرف انج من العين, وزين انج خبرتيني انج جايفتنه فبوادي, يبالي اسير ادوره
نتريات يديدج ومن متابعينج :)

Anonymous said...

هلا ليل
اممم اذا نفس القصص اللي في المدونة أكيد الكتاب ممتع

كنت أدش اقرا من المدونة من زمان
من أول ما سوتها
وانقطعت فتره طويلة
والحين بس عرفت انها سوت كتاب من مدونتج
كنت كله اشفر بالمصري هاذيج الفتره .. تأثرت ببرايد

Um Reem

AM.SA.CHANNEL said...

هاي القصة الوحيييييييده اللي خلتني أفطس من الظحك
كل قصة إتظحك و في نفس الوقت فيها هدف و صح تنقل الحال الموجود
يعني البنت يوم إيها الخطيب يمدحوونها مدح و الريال نفس الشي كأنه مافي مثلهم
و آخر الشي كله جذب
بس الصراحة هالقصة روووووووووعة

اقصوصه said...

سمعت وايد عن هالكتاب

وكان ودي اشتريه

بس للاسف طوفت معرض كتاب بوظبي

ومعرض كتاب عيمان بعد

لهالسبب ما شريته

حلو انه موجود فالمول

ان سرت هاك الصوب بدوره اكيد

قرائه ممتعه اتمناها لج :)

لطيفة الحاج said...

احم احم،
شو قصدج باني احب ايمع كتب؟؟
جنج شفتي ان المكتبة طفحت واستويت استخدم اي خشة في الحجرة عشان اخش فيها الكتب اللي ثلاث ارباعهن ما قريتهن لين احين وبعدني كل ما احس اني متضايقة اسير آخذ كتب!

الكتاب هذا جميل جدا حبيته وايد =)

lil.D said...

Fishah:
حلو الكتاب وصغير بتخلصينه بروحه
بس فعلا دسي العنوان
هههههه ينفهم غلط!
بس الغلاف يجنن
ولا شرايج؟

lil.D said...

Hopeless Sight:
الله يعافيج
اقريه وبتضحكين من قلب!

lil.D said...

بحر:

اقصفييييييه لان في وحده صار لها موقف مب جميل ههههه
وهي شاله الكتاب الدوام وشافوه عندها هههههههه

حياج يا بحر

lil.D said...

بحر:

اقصفييييييه لان في وحده صار لها موقف مب جميل ههههه
وهي شاله الكتاب الدوام وشافوه عندها هههههههه

حياج يا بحر

lil.D said...

aseel:
انا حاولت اقراه فالمدونه
بس بيني وبينج؟ احب ريحه الكتب!
وشفت فمدونتها انهم راح يترجمونه

هههههههه اتخيل يسون مدونتي بالياباني
خلينا ع العربي يا اسييييييييل

وحياج

lil.D said...

Anonymous:
هههههه
مب مصخره مصخره
ولكن يبين حقيقه فالزواج
البنت ما بتقول لاء على زوج وهو زين؟
بس الناس تحكم بعدد اللي انردوا
:)

lil.D said...

Mai alRomaithi:

ايوه يا ماي اثرج من العين بعد
افا عليج الكتاب واصل بنطرشه صوبج لو تبين ههههههه
بس دسيييه

lil.D said...

Um Reem:

هيه اعتقد شلت مواضيع المدونه وسوت منهم كتاب
انا بسبت الكتاب تميت كم يوم جالبه مصري!
بس ات ووورث ات ههههه

حياج خيتوووه

lil.D said...

CHANNEL:
اوه لا تطرين سالفه الجذب
يعني المعرس ايي وجنه خلااااص مافيه شي غلط عليه
وعقب تطلع الفضايح لول
الله بس يستر

lil.D said...

اقصوصه:
انا حصلته في المجرودي
يعني بتحصلينه اي مكان اتوقع
^ـــ^
بيعيبج

lil.D said...

لطيفة الحاج:
حيالله دوده الكتب :)
نورتي المدونه يا عسل!!!

ترا هالطبع هو اللي يخلينا نعرف الكتب اليديده!
الله لا اييب لج ضيقه ^ـ^