Friday, September 10, 2010

كل عام وأنتم بخير - وعساكم من عوادة العيد


العيد هل هلاله 
كل الطرب يحلاله
يا ربنا زيد النعم 
وحسن جميع الحاله
كل عام وانتو بخير وعساكم من العايدين والسالمين
وان شالله عيدكم هذا كله فرح وسرور
وعسى الله يتقبل طاعاتكم في شهره الفضيل
--
بصراحة أنا أحب العيد، بكل مافيه
اتحمس ولازم انش من وقت حتى لو كنت سهرانه
واقعد اتريا اليوم الثاني على احر من الجمر
حلاة اليهال مستانسين وكاشخين 
عاد خص الكنادير والطرابيش
الله يحفظهم ياربي من كل شر
عاد قبل كنا ناخذ العيدية الحين نعطي 
وبعدني مصرة اني اخذ عيدية! حتى لو خمس
شسوي؟ احب العيد! 
احس ان الواحد ياخذ عيدية هاي من طقوس العيد
وماحب اشوف حد مبوز وزعلان ولا متكدر فالعيد
لان  فدينا من سنن العيد الفرحة والسرور والتطيب والتزين!
--
فحتى لو حد يحس العيد ملل او مب مثل قبل
انتو خلو العيد مميز بانفسكم :)
على العموم ^ــــــ^ اتمنى للجميع ان يكون عيدهم جميل وسعيد

أتحرى العيد أكثر من طفل
وأتعذر فيه لجل أسأل عليك
واسرق اللحظات منك بالعجل
فيه ابارك لك، وابارك عمري فيك



30 comments:

رورو الشخبوطه said...

كل عام وانتي بخير..

وتقبل الله طاعتج..

صاج المفروض كثر مانقدر نستمتع بالعيد :)

ومشكوره..

HάķöØnã✿რätatã said...

kel 3aaaam Oo enty b2aaaaaalf 5air

3saaa ayaaaamech kelhaaa fara7 Oo s3aadaaaaah yaaa RaaaaB =D

Amwaj said...

كل عام وإنتي بخير
وعيدج مبارك :)

هديــل said...

كل عام وانتي بخير

وعساج من عوادة =)

Samt♥AlbadoO said...

عسـآج من العيـآيدين يآربيه
ومبـآركن عيدج ^__^

Katkoota xD said...

كل عام و انتي بخير

عيدج مبارك

و تقبل الله طاعتج

قاسي مشاعر said...

وانتم بخير وصحة يارب

نمووول said...

عيدج مبارك
تقبل الله طاعتج وكل عام وانتي بخير ,,

S:h:a:m:W:a:A:H ♥ ♪ said...

ينعاد عليج كل سنة بفرح وسرور ^^

الصراحة
في السنوات الأخيرة قمت احس إن العيد فعلا صار ممل
والفرحة لليهال
حتى اليهال فرحتهم بالعيد مو مثل فرحتنا قبل قبل لما كنا نعرف انه باجر العيد اوووه تقوم قومة ونقعد نركض في الحوي من الفرحة خخ
أيام والله

ودمتي بود ^^

Anonymous said...

كل عام وأنتم بألف ألف خير
وتقبل الله الطاعات

سعيد

:)

maram said...

كل عام وانتي بخير

وتقبل الله طاعتج

Anonymous said...

كل عام وأنت بخير
ومن العايدين الفايزين
^__^

Anonymous said...

تقبل الله طاعتكم و كل عام وانتي بخير ليل دي

ان شاء الله تكوني حصلتي على احسن عيديه هالسنه
^^

مهرة سالم said...

السلام عليكم..
كل عام وإنتِ بخير
وعساكم من عواده
وأن شاء الله هالعيد ما شردوا عنج أهلج
وسرتي تسلمين وياهم ...
....
في حفظ الله

lil.D said...

رورو الشخبوطه:

عساج من عواده العيد :)
وان شالله استانستي بعيدج

lil.D said...

هكونا متاتا:
عاااش من شافج :)
والقايل ان شالله
عساها ايامج كلها خير وسعاده

lil.D said...

أمواج:

وانتي بخير والله يبارك فيج
مرحبابج :)

lil.D said...

هديل:

مرحبا هديل :) عساج من العايدين والفايزين
وان شالله كان عيدكم مميز ^ــ^

lil.D said...

Samt AlbadoO
وانتي من العايدين والسالمين :)
هلا ومرحبا :) لونغ تايم نو سييي

lil.D said...

كتكوته:
الله يبارك فيج وتقبل الله منا ومنكم صالح الاعمال ان شالله ^ـــ^

lil.D said...

نمول:

وانت من العايدين والسالمين :)
والله يتقبل منا ومنكم صالح الاعمال ان شالله
^ــ^

lil.D said...

ShamwaAH:

هو نحن كبرنا شوي (مب وايد لول) وما بيكون العيد مثل قبل
بس ع الاقل نحاول ان نستانس فالعيد كثر ما نقدر :)
ونفرح اليهال مثل ما كانوا اهلنا يفرحنا!

اتمنى ان عيدج كان كله فرحه وسرور

lil.D said...

سعيد:
وانت بخير يا سعيد
وعساك من عوادة العيد :)
اتمنى ان عيدكم كان مميز ^ــ^

lil.D said...

Anonymous:
وانتو بخير ان شالله ^ــ^
شكرا ع التهنئة والمرور

lil.D said...

May:
منا ومنكم صالح الاعمال ان شالله
عاد العيديه طلبناها طلبه :)
يوم يعطون ياهل عيديه اقولهم وانا؟
عاد حتى ما وصلت ١٠٠
لكن المهم استانست انهم عطوني عيديه

-ـ-
عاد الحين اوني انا اللي اعطي عيديه مب هم يعطوني

lil.D said...

نهار:
مابا اقولج اني اول ما شفت ردج قعدت اضحك
ههههههه من قلب بعد لوووول
لان الصبح لقيت امي وقالت:
ماسرنا مكان هالمره عشان ما تزعلين
هههههههه تهديد!
لا ما ساروا عني وسرت سلمت معاهم ع الاهل :)
وكل عام وانتي بخير ^ـ^

lil.D said...

مرام:
شكرا :)
وتقبل الله منا ومنكم صالح الاعمال ان شالله

مهرة سالم said...

هههههههه
وحليلهم أهلج أنا اذكر شو سويتي وهم في وسط العاصفه تبينهم ينسون
بس الحمدلله حبوبه
إنج السنه قدرتي تزورين الأهل
وأن شاء الله دووووم مبسوطه

~أم حرّوبي~ said...

عيدج مبااااارك :)
وعساااج من العايدين السالمين ^^
اي والله ونااااسه العيد ..انا ابوي وامي شو ما كبرنا يعطون عيدية خخخ :)
وعسى ايامج كلها فرح وناسه ^^

الموسوعة الحرة said...

تهنئة عيد الفطر المبارك:
نتقدم اليكم باسمى آيات التبريك وازكى الدعوات واحر التهانى وارق الامنيات بحلول عيد الفطر السعيد لعام 1431ه-2010م.
اعاده الله سبحانه عليكم جميعا بالمحبة والود والالفة والسداد واليمن والبركات وتقبل الله صيامكم وقيامكم واعمالكم وغفر ذنوبكم وعفى عن تقصيركم ودفع عنكم كل مكروه... سائلينه سبحانه وتعالى ان يعم الامن والسلام والرخاء على البشرية جمعاء وان يسدد خطاها انه سميع مجيب الدعاء..