البر ... هوا نقي ونظيف

اتصلت فيني الوالده تسالني متى برجع البيت

قلت لها ليش؟ قالت بنسير البر! سيييده قلت لها بسير

لا دوام ولا غيره لووول ... الموهيم 

بحط لكم صور عن الرحلة

خصوصا ان فيها مغامرات الحفر ورا الحلج 

(حلجه = عنسلانة = واللي ما يعرف بنقول سحلية البر)

عاد سحلية؟ بيسفروني ع هالكلمة ههههههههه

المهم الجو كان جميل :) بس للاسف عبرت بطارية الفون

رجعنا قريب المغرب! مالحقت اصور الا كم صورة 

My father holding the lizard

وهاي هدية لكم

بليز التعليقات مالت واااااااي وااااع وكيف ومتى

مالها داعي -ـ- 

اللي مب عايبتنه الحلجه خلاص مب معزوم ع العشى

خصوصا البنات لول .. 

بناكلها روحنا اللي مب عايبنها تدق لبيتزا ولا كنتاكي 

لووول

المهم الحمدلله استمتعت مع الوالد والوالدة

واحلى شي بالنسبة لي :)

كانت الصلاة جماعة معاهم في مكان مثل هذا

جو نظيف بلا ازعاج ،، وابويه الامام :)

شو ابا اكثر؟

الله يحفظ شوابي لي ان شالله :) ويطول بعمارهم بطاعته

وبصحه وسلامة

{وَقُل رَّبِّ ارْحَمْهُمَا كَمَا رَبَّيَانِي صَغِيرًا}

اتمنى نعيد الرحلة مرة ثانيه! جد افتقد اجواء البر

ناقص بس اليرابيع (اليرذي) والجراد

وتكتمل الوليمة!

عاد ،، بما اني اتكلم عن الرحلات مثل هاي 

يقهروني اليهال الحين! الا مايبون الرملة

ولا يخافون من العراقيب 

ولا اللي ما يبون يسيرون (مافيهم) ومادري شو!

وبعيد عن اليهال نتكلم عن الكبار - رفع الضغط

اللي بتم ماسكه البلاك بيري (مع احترامي الشديد للثقافات)

واللي مافيهم يطلعون عيالهم ما عيالهم < شلوووهم معاكم مثلا؟ 

واللي بيروحون مولات ولا اسواق!

(وانا مب احسن عنهم خصوصا لو يا طاري الدوام)

والمشكله! ان يوم نسير الكل يستانس!

بس ليش العيازة من سيرة البر فالبدايه مادري!

يبالي اسويلهم تورنيدو فالبيت :)

ونجهز رحلة عائلية بعيدة عن التكنلوجيا 

^ــــ^

قلت لكم ان هوا البر يرد الروح؟

Strange Louis Vuitton commercial إعلان جمييل لماركه لوي فيتون

طويل بالنسبة لإعلان!

بس فكرة غريبة وحلوة

Click Here 

شرايكم؟

Table Cup Holder Clip

حلو للدوام

إلى كل من أعارني نظارته السوداء، أبشركم، سأستبدلها بنظارات ملونة

كلما حاولت أن أعبر عن بعض ما يجول في نفسي، وأبدء بالتفكير بما سأكتب، أبدء بصف حروف كثيرة، قد تكون مترابطة وقد تكون فقط حروف متناثرة في مواضيع عدة، ولكن ما يجمع هذه الأفكار جميعاً أنني أعجز عن جمعها في مدونتي.

ما دفعني للكتابة اليوم هو تعليق بعض صديقاتي بهدوئي منذ فترة، فقد "طنشت" هذه التعليقات، إلى أن علقت إحدى صديقاتي العزيزات بنفس التعليق، تظن أنه لربما أصابني مكروه؟ أو هناك ما يعكر مزاجي، ولكنني أجبتها بابتسامة وأخبرتها أنني لا أشكو من شيء! 

في الحقيقة، هو هدوء داخلي أعاني منه منذ فترة ليست ببسيطة، بدأت أفتقد لروح ما حولي، فقد كنت أستمتع بكل شيء، ولكن تدريجياً أصبح كل شيء حولي لا قيمة له، أصبح شكل مادي لا أكثر.  أفتقد الضحك بعيداً عن المجاملة،  وأفتقد إلى روحي التي كانت تتحمل من كل الناس، فأقابلهم بثغر باسم مهما كانوا يفعلون بي أو يقولون عني، أما الآن فأنا لا أستطيع أن أبتسم دون مجاملة!، الأسوء أنني بدأت أفقد الحوار مع من حولي، في السابق استمع واناقش واضحك واغضب واندمج مع شتى المواضيع حتى لو كانت لا تعجبني! أما الآن فلا أستطيع ذلك، فألتزم السكوت وأكتفي بالنظر.

لا أعرف ما سبب فقداني لكثير من المشاعر، ولماذا بدأت أرى معظم ما حولي بلا قيمة، لا أعرف ما ينقصني! أحمد الله وأشكره على نعمه التي أنعم بها علي، فما الذي أطلبه أكثر؟ ،،،،، أنا لا أعرف ما الذي أريده، وبت أفكر كثيرا قبل أن أتحدث إلى غيري، فمنهم من يقابلك بكل حب، ولكن كحب الصياد لفريسته، فيختارون الوقت الذي تقع في فخ (حسن النية) معهم حتى يبدؤوا بتفسير كل شيء على هواهم، أما البعض الآخر، فهم أناس لا يفكرون إلا بمصالحهم الشخصية، وقد يدعمونك في حياتك! فقط ليصلوا إلى شيء يودون الحصول عليه، حتى لو تكلف ذلك أن يستخدموك كوسيلة! ،،،،، الأسوء عندما تعرف نواياهم، ولا تسطيع أن تحرك ساكناً! فأنت ترى وتسمع ،،،، وتسامح

على مدى الشهور السابقة، بدأت أرى الحياة بمنظور آخر، منظور لا طالما عميت عيني عنه! فقد كنت أرى الجميع كما أمرنا رسول الله صلى الله عليه وسلم بحسن نية، وحتى إن تأكدت من سوء نواياهم كنت ألتمس العذر، وأسامح، وأحتسب أجري عند الله، فوالله وحتى الساعة! أرفض أن أغير من نفسي وأعاملهم بالمثل! ،،، المنظور الجديد هو منظور من نظارة سوداء، أثرت فيّ بشدة! ،،، جعلتني أنطوي داخليا على نفسي ،،، سامح الله كل من أعارني نظارته السوداء! ،،،، سامح الله كل أدخل هذا البرود إلى قلبي ،،،، وسامح الله كل شخص أمكنه الله من التحدث، فتحدث بحديث يجلب الحزن والإكتآب لمن حوله! ،،، وحسبي الله لكل من كان أسوداً دون الحاجة إلى النظارة! موضوعي لا يتحدث عن علاقات، ولا قصص حب! ،،، وإنما تشتت بين أروقة العمل، والمنزل، والصديقات، وممرات أخرى.

رسائل: 

لكل من أعارني نظارته السوداء، رجاءً فقد اكتفيت! كونوا أكثر تفاؤلا! واذكروا الله! وانشغلوا بذكره اناء الليل و اناء النهار! ولتفرغوا طاقاتكم السلبية إليه! فربي هو الوحيد القادر أن يفرج عنكم ويشفيكم ويكتب لكم الخير حيث كان! 

إلى (نفسي) ،، ألم تكتفي من الهدوء القاتل؟ ألم تشتاقي إليّ؟ فقد اشتقت لكِ! واشتقت لتأملك بكل ما حولك! واشتقت لنظارتك  الملونة! التي تلون حياتي بالخير وطاعة الرحمن، ألم يئن الأوان بعد؟ نفسي العزيزة، عودي للتفاؤل، فأنتِ لستي أنتِ دون ابتسامتك وتفاؤلك.

إلى قراء مدونتي! ، لا تسمحوا لأحد أن يعيركم نظارتة سوداء، استمعوا لهم، ساعدوهم، ولكن لا تتأثروا بهم ... حتى لا تتحول حياتكم إلى صقيع يصعب إذابته.

إلى صديقتي ... شكراً جزيلاً، فقد كنت أحتاج لمن أتحدث إليه

"سبْحانَك اللَّهُمّ وبحَمْدكَ أشْهدُ أنْ لا إله إلا أنْت أسْتغْفِركَ وَأتَوبُ إليْك"

The Ramen Girl (2008) Movie فلم عجبني

السلام عليكم والرحمة

اليوم شفت فلم وايد وايد عجبني! 

اسمه:

The Ramen Girl (2008)

يعني هو صح مب يديد، لكنه يديد بالنسبة لي لووول

الريتينغ له تقريبا بي! في ياهوو

بالنسبة علي اشوفه

B+ !

(حشى جامعه!)

قصة الفلم:

بنت امريكية يشرد عنها صقيقها < الحمدلله والشكر ع الترجمة

وهي فطوكيو وعانت من انواع الاحباطات

راحت تاكل في محل رامن 

(صورة الرامن للي مايعرفه)

الموهيم وشافت الناس يستانسون يوم ياكلونه

وحشرت عين امن يابت راعي المحل! لووول

الا يكون - السينسي - ويعلمها

وهو ماقصر فيها لووول انواع الحالات النفسيه طلع فيها

ما خلاها تنظف حمام لدريشه لجدر! 

ولا هو يعرف انجلش

ولا هي تعرف ياباني

الكلام بالاشارات بينهم وكل حد يضارب بروحه لووول

الفيلم كوميدي :) 

اعتقد البنات بيحبن الفلم! مب الاخوه العرب :)

I just like the movie and I thought to write about it XD

I want ramen! 

Dubai Festival City ثاني يوم في عيد الأضحى

اشتقت لمدونتي :) صار لي فترة ما كتبت شي

مع ان في جعبتي الكثير والكثير! ولكن أجاركم الله من الكسل!

الموهيم! كل عام وانتو بخير < مب جنه خلص العيد؟ ههههه

عادي عادي صح؟ :) أدام الله عليكم الأعياد والأفراح!

هاي أول مرة صراحة نطلع ونسير دبي من ثاني ايام العيد

بالعادة اول يومين ثلاث ما نطلع :) لاستقبال الاهل والاصدقاء!

أنا أحب شي اسمه فيستيفال ستي!

مع ان الاغلب يحبون اماكن ثانيه فدبي! لكن ماعرف ليش احبه!

يمكن اهدى من اي مكان ثاني وفيه مطاعم حلوه

<< اهم شي المطاعم لول

المهم حشرتهم :) والحمدلله سرنا واستانسنا!

كنت اتمنى باقي الأهل يروحون :) وبنات عموتي

بس سبحان الله! ما الله كتب 

غير المره ان شالله ^ـ*

الموهيم! هاي الصور

الحلو ان الفيستيفال سيتي كان فاااضي 

لين وقت العشى بدت الزحمه ^ـ^ ممم

--------------

هاي الصورة اهداء لانسنت 

لان هنيه تلاقيت معاها :) صديقة عزيزة :)

هي ورجيماتها ماطاعت تاكل وخذتنا كولد ستون!

هاي الصورة للطيفة :)

دايما ترسم مباني! واحب رسمها وايد

وحسيت هالمباني جنه هي راسمتنهم لول

L'Occitane !!!

محلي المفضل :) كل شي عندهم روعه!

ع فكرة، اللي شعرهم فيه شوي جفاف

جربوا شامبو الشيا :)

ما بتندمون!

كان في مجموعه استعراضات 

اغلبها موسيقي - الناس متجمعين 

الصبح والمسى! بس ماكان شي يستاهل صراحه؟

او يمكن لاني ماحب الاجواء (الصاخبه) ممم

هالكوفي شوب موجود فالطابق الاول

نسيت اسمه! بس انا واختي سميناه

"كوفي دراكولا"

بغيت ايلس فيه :( كم مره سرت ورديت عليه

فاضي مافيه حد، بس للاسف ماشي وقت

لكن مره ثانيه بسير! شكله حلو هههههه

عشان نقعد ع كراسي دراكولا!

هاي صوره من الطابق الثاني

للطوابق تحت، حبيت الاضاءه!

هنه عدال كوفي الدراكولا - حصلنا محل للمساج

وخلينا الوالده تسوي ريولها - وايد عيبها واستانست عليه

ههههه الحين ماعندها مانع لو نقولها نسير الفيستيفال

!بس ترا يباله مواعيد

وهاي الاسعار! ادري مب واضحه لول

عااااااااد الحين احلى شي صار فها اليوم لووووول

مطعم يا سوشي !

YA SUSHI

هالمطعم اللي الاكل فيه يتحرك ههههههه

كل مره بس اخطف واشوفه! هالمره سحبت اختي نجرب!

احس وناسة :) !

طبعا اول شي دخلنا المطعم هو الفضول!

ان نجرب شي يديد :)

اول ما دخلنا يانا واحد ياباني

شافنا حليلنا ما ندل شرقنا من غربنا!

وقال اول مره اتون؟ قلناله هيه

شرح لنا ان عندهم سوفا وعندهم مجابل الاكل

وعندهم برا ، ونحن قلنا نبا نقعد وين الاكل يدور لول

بعد ما قعدنا! سالنا اذا نعرف نظامهم فالمطعم!

قلناله لا! قال ان الاكل عندهم بالوان الصحون

يعني عشان تعرفون السعر - شوفوا لون الصحن

واذا تبون شي غير ممكن تطلبون من المينيو! 

طبعا اختي العزيزه استوت مثل القطوه هناك!

كل ما خطف شي جدامها تبا تسحبه!

وانا اقولها نحن بس بنجرب ما نبا نتعشى هنيه!

المهم شوفوا كيف تقعدون ومجابلين اللي يطبخون

أول شي عبالنا اكلهم ماصخ

وماله اي طعم! بس جد جد؟ اكلهم وايد حلو :)

ويستاهل التجربه! 

اختي ياها شد عضلي وهي تستخدم الجوب ستيكس لول

بس فالنهايه قدرت انها ما تستخدم الشوكه! 

هاللي سحبته :) 

(هاه من يعرف سعره؟)

انا طلبت من المينيو نودلز

الخضره مالتهم وايد حلوه!

فكلتها ولكن ما كلت النولز 

ومازال الاكل يمر واختي تحاول تنزل شي غير

لكن هيهات! ما خليتها لوووول

هههههه عقب ما خلصنا 

انتبهنا ان في فص اسمه هيلب!

وماعرفنا لشوه، سؤال اختي العجيب: مساعده فشوه مثلا؟

قلت لها صبري انا بخبرج وكلييييييك 

وفجآه ما نسمع الا اصوات فالمطعم!

وليت جدامنا مولع !!!! هههههههههه

يوم يانا واحد من اللي يطبخون، قلت له الفاتوره لو سمحت

لوووول هو روحه ضحك - عيل عشان شو الهيلب؟

مثلا نبا نطلب زياده؟ لول

نسيت اقولكم ان شي اونيغير @@ وكعك الاررررز

طبعا عيوني قلووووب بس ماخذت شي :(

عشان اتعشى فمكان ثاني! بس للحين خاطري بكعك الارز 

<< كابامارو

هنيه من ورا المطعم من برا

ومع ان المسا! الحفلات الموسيقيه لازالت تصدح!

عقب سرنا نتعشى في برج الحمام!

كنا نبا الجهة الثانيه عند المارين :(

بس ماشي كله فللللللل 

 انا هالسيره كلها عشان نشوف الشلق! 

(الالعاب الناريه)

لان شفت فالتلفزيون ان بيكون فالعيد

وفالنهايه يلسنا فهالمكان

هالجهة بين المباني :( وماقدرنا نشوف 

بس المكان كان جدا جميل! 

ومع ريحه الشيشة! حسيت اني فمصر لول

بس فعلا فعلا المطعم جدا رائع ونظيف

وخدمتهم ماشفت مثلها! واحترام واسلوب!

اكلهم لذيييذ :) ابا ارد لهم مره ثانيه! 

وعاد لو سرتوا! لا تنسون تجربون الجاي مالهم!

بالنعناع انمااااا اييييييه!

عاد على صوت فيروز؟ وهالماي والجو الحلو؟

ما تبون تنشون :(

ونحن طالعين، حصلت هالمحل

عدال كولد ستون

(عفكره كولد ستون كانوا مسوين عروض حلوه

مثل يفرون الاسكريم ويمسكونه مثل البيسبول)

الموهيم! المحل للشاي ويبيع اشيا مغربيه

هاي قلاصات مغربيه حبيتهاااااااا

وهاي ست انواع شاي مختلفه

حلوه هدية

هنيه احلى شي! الغوري! انوااااااع

بس لاني احب الكوفي اكثر؟ فما خذت

انواع وايد حلوه :) واسعارهم حلوه!

وعند الباب الرئيسي - شي محل مممم

يبيع شغلات المطبخ والبيت وهيك! 

وحاطين هالكراسي ع الباب ؟ حبيتهم :)

وهااااي كانت رحلتنا! 

الحمدلله استانست :) واتمنى نرجع نسير مره ثانية في اقرب فرصة!

< مب جنه خلاص بيبدا الدوام؟

Layered Fruit Yoghurt روب المراعي بالفواكه - الكرز والفراولة

لو سمحتوا ماحد يناقشني بها الشي ابدا ابدا!

فالدوام وحدة تقولي هذا الشي لليهال

والاغلبيه يقولون يحبون الروب العادي 

بس ماعرف كيف ما يحبون هالروب؟

جد جد ترا خفيف وحلو! وبعد هفة السريلاك

انا الحين يايتني هفة الروب هذا

يعني بدال ما اتفلسف واكل انواع الحلويات بحجه اني يوعانه

احط في شنطتي هالروب، لو دوامي للمسى

ما اتفلسف وايد واكل جنك! 

ولو كان خاطري بشي سويت هذا وايد هيلثي!

بدال الحلاوه وغيرها :)

الموهيم، حبيت فيهم انه يسونه من حليب منزوع الدسم

(بس عاد طبقه الفواكه لاء لول)

Supper Yummy and Healthy :D

and I'm using it for my diet XD

hopefully I will be able to lose weight !! 

A Cup of Coffee at work ,,

(1) Weight Vs Coffee
I hate when my weight just goes up! and I wonder is it because I eat chocolate a lot or because since one week I'm drinking the Coffee that the office boy prepare? it has a lot of (RainBow), which I already know that it is full of fat! .. I should cut both of those things!

(2) Nice person
I really like *K*, she work with us and when you first see her you will not get the right first impression! but this girl prove in the second, third, and forth impression that she is so unique and different. I thought she follow the *Free Life* path! but she always read Athkar, pray, read islamic things, and Well! I notice she is so skillful in a lot of things! I just love to talk to her :)

(3) Smile to mean people
I hate when I get I know there are people who smile to my face, and talk about me on my back, I tried to be mean to them and I tried to think how should I treat them, but the thing that happen at the end, that I seriously smile to them and treat them well! .. and I just hate that!

(4) Face Cover 
A Daily question I have, WHAT WILL YOU DO IF VIEL *NE8AB* IS NO LONGER ACCEPTED AT THE WORK PLACE? I don't know why people freaks me out with those questions! I really don't know if I will be able to work like that! It is funny that one day my face is covered and the other it is not! .. PPL Get a life and stay away from my face cover!

(5) Gossips 
I hate when one employee try to be funny or fool around, they know I don't like to communicate with any one more than the range of work, why do some people can't understand that! I know I might be stone head, but this is who am I! I work in a place where if the girl smile they think that this smile hide other intentions! .. Do they expect that It doesn't matter for me? I hate Gossips and I'm not ready to get some!

(6) Promotion
I badly want to have promotion, not because I want increase in my salary (where I don't mind if it happen) but I feel it as a reward to my achievements and my hard work (YES I'M HARD WORKING) however, in my work place, personal relationships Wins! ..

(7) YES SIR YES
My manager is so moody, one day he is smiling and cheer me up, and the other he is so mad and angry only God knows why! .. I didn't know what to do with him but saying YES SIR YES whenever he ask for something! I would say YES SIR YES if he ask me to go to the moon! Do I even have a choice?

(8) My Own Office
Before I hated the idea of having my own office, but now I really want that, because I can kick people who I don't want to see, or control the place more than now! .. Sometimes I just can't say anything when I see "unwelcome" people in my office! They finish their work with my colleague.

(9) Being silent Vs Big Bang! 
I wonder why people think if you keep silent then you don't have work! I hate when one of the guys talk every day all the time how busy he is! while as a group we know he has low pressure in work, however his method of Big Bang thing make every one thinks he is the best! .. I tried it for period of time and it works! .. PPL! See the outcomes not the blablabla !!

(10) I wish I can shut up
I really wish that I could well choose my words, I used to be direct person, but not any more! .. and I'm trying to change more to shut up! .. when I get angry I should get lost! far away from work! .. better than what could happen if I stay :D