Monday, November 29, 2010

البر ... هوا نقي ونظيف

اتصلت فيني الوالده تسالني متى برجع البيت
قلت لها ليش؟ قالت بنسير البر! سيييده قلت لها بسير
لا دوام ولا غيره لووول ... الموهيم 
بحط لكم صور عن الرحلة
خصوصا ان فيها مغامرات الحفر ورا الحلج 
(حلجه = عنسلانة = واللي ما يعرف بنقول سحلية البر)
عاد سحلية؟ بيسفروني ع هالكلمة ههههههههه

المهم الجو كان جميل :) بس للاسف عبرت بطارية الفون
رجعنا قريب المغرب! مالحقت اصور الا كم صورة 




My father holding the lizard

وهاي هدية لكم




بليز التعليقات مالت واااااااي وااااع وكيف ومتى
مالها داعي -ـ- 
اللي مب عايبتنه الحلجه خلاص مب معزوم ع العشى
خصوصا البنات لول .. 
بناكلها روحنا اللي مب عايبنها تدق لبيتزا ولا كنتاكي 
لووول


المهم الحمدلله استمتعت مع الوالد والوالدة
واحلى شي بالنسبة لي :)
كانت الصلاة جماعة معاهم في مكان مثل هذا
جو نظيف بلا ازعاج ،، وابويه الامام :)
شو ابا اكثر؟
الله يحفظ شوابي لي ان شالله :) ويطول بعمارهم بطاعته
وبصحه وسلامة

{وَقُل رَّبِّ ارْحَمْهُمَا كَمَا رَبَّيَانِي صَغِيرًا}

اتمنى نعيد الرحلة مرة ثانيه! جد افتقد اجواء البر
ناقص بس اليرابيع (اليرذي) والجراد
وتكتمل الوليمة!

عاد ،، بما اني اتكلم عن الرحلات مثل هاي 
يقهروني اليهال الحين! الا مايبون الرملة
ولا يخافون من العراقيب 
ولا اللي ما يبون يسيرون (مافيهم) ومادري شو!

وبعيد عن اليهال نتكلم عن الكبار - رفع الضغط
اللي بتم ماسكه البلاك بيري (مع احترامي الشديد للثقافات)
واللي مافيهم يطلعون عيالهم ما عيالهم < شلوووهم معاكم مثلا؟ 
واللي بيروحون مولات ولا اسواق!
(وانا مب احسن عنهم خصوصا لو يا طاري الدوام)

والمشكله! ان يوم نسير الكل يستانس!
بس ليش العيازة من سيرة البر فالبدايه مادري!

يبالي اسويلهم تورنيدو فالبيت :)
ونجهز رحلة عائلية بعيدة عن التكنلوجيا 

^ــــ^


قلت لكم ان هوا البر يرد الروح؟



12 comments:

عبيد الكعبي said...

حمد لله على السلامة
ما شاء الله منطقة حلوة وجو اروع من خلال الصور ..
يبالج كاميرة خاصة عسب تصورين كل شي ..

بس ما خبرتينا وين هالمنطقة الحلوة ؟؟
خاطري امس حلجة ؟؟هههه

نهــــــــــار said...

السلام عليكم ...
ماشاء الله رحله حلوه
الله يحفظلج شوابج يارب
...
سحليه هههههه
لا ماشاء الله شرح روووعه
....
تصدقين الصغاريه يستانسون بطلعت البر والتمردغ على الرمول
والأهل يرتاحون لا يحاتون عيالهم بيكسرون شي ويغرمونهم جيمته شرات المولات
...
أن شاء الله يارب دوم هالوناسه عليكم
بس صج ناقص اليراد :)
..
في حفظ الله

Amwaj said...

عليكم بالعافية يارب :)

lil.D said...

عبيد الكعبي:
أولا حياك في مدونتي يا خوي :)
شو كاتب تبا تمس حلجه @@ ولا تمسك؟ لووول
في فرق ترا هههه

رملة الهير :)

lil.D said...

نهار:

عليكم السلام والرحمه
شفتي؟ ههههههه بعدنا بنجمع مترادفات اخرى لووول

والله صدقج اليهال يستانسون فالبر :)
وحتى الاهل بس يبالهم حد يدفششششهم عشان يسيرون!


قربي نهار؟

lil.D said...

Amwaj:
الله يعافيييج

cutemum said...

رووعه البر
اذكر يوم كنا اصغاار كنا نطلع جماعه وعلى اغنيه ميحد احب البر والمزيوون
يعطييج العاافيه

صفحات مُلطخّة بحروفي said...

وناسة ،
عليكُم بالعافية ^^

Samt♥AlbadoO said...

يـآآآآآآآآآآآآآي احـــــلى بووووووست
ينـآسبني ههههههه

استـآآآآآنسسسسسسسسست عليييج
وعلى الرحله والصوووور

من زماااااااان ما رحنا رحلات خآصه فالحلج هههههه


يجنن البوووست
وللحظه اتحريت عمري ادل هالمكـآن
بس يوم قلتي الهير طلعت غلطآنه

>> اتحريتهآ في منطـقة "الشبج" فالعين طبعآ
يمكن ما اتعرفين هالمنطقه لانها تسميه جديييييييييمه ^^


استـآآآآآآآآآآنسسسست صدق على هالبوست

=)

~أم حرّوبي~ said...

سحلية وجراااااااااد ياإلهي خخخخخخ
سحلية هلكبر شو فيها ينأكل خخخخخخخ
بس اول مره ادري انهم يسمونها حلجه !!

بس البر ونااااااااااسه احب هالطلعات والجو مبين بارد وحلو ^^

|:| DUBAI |:| said...

أحب البر و المزيون

: )

غرامي هاي الطلعات

: )

إستثنــــــــاء said...

وااااي واااااع