السلام عليكم ورحمه الله
حبيت اشاركم اليوم رحلتنا لمسقط
حالياً عندهم مهرجان الربيع! ... وقلت فرصه نروح!
وهاي المره الاولى اللي اروح فيها مسقط ... واااايد حبيتها
وان شالله ما تكون الاخيره! ،،، بس طفرت الوالد مسكين
قال توبه اشلج مره ثانيه لووووول
سكنا في فندق اسمه تريجر بوكس
مب ع البحر! لا برا شوي .. وكان جدا نظيف وحلو
يعني لو سايرين وعارفين ما بتمون فالفندق .. ها حلو
لو تبون سبا وغيره٫ عندهم مجموعه كبيره وفخمه جدا!
مثل الانتركونتيننتال - البستان - ذا شيدي - الشانغريلا - حياة رجنسي
هالفندق (تريجربوكس) الريت ماله كان زين وحلو!
صراحه توقعت يكون اغلى .. لكن يمكن لانه مب ع البحر ارخص من الفنادق اللي فوق!
وبعد اعتقد انه اربع نجوم!
موقع الفندق اللي سكنا فيه:
http://www.treasureboxhotels.com/
صور الفندق:
اوكيه نحن سرنا بس ليله وحده :) فما رحنا وايد اماكن!
وهاكم بعض الصور:
هالمكان ماعرفه وين بصراحه! بس جدا راقي وجمييل
اعتقد اخر الممر ها استراحه للسطان قابوس ع البحر!
هو استراحه او شي ثاني؟ ماعرف! بس شوفوا المكان كيف
المهب كانت باااارده والجو جنااااان
ريحه الورد مع المهب! صراحه كان ودي اتم اتمشى هنيه اكثر
الاستراحه او ماعرف شو لول
ع اليمين تشوفون هالمنظر
كان ودي اسير اقرب واصور! بس الوالد ماعطاني فرصه
قال هي ليله وحده خلونا نشوف اماكن غير!
ع فكره في اكثر من متحف هنيه وشكلهم جيه صغار
اتذكر كان في متحف اسمه الزبير؟ ماعرف! كان ودي اسير :(
وكنا سايرين صوب سوق مطرح وطلع مبند! يفتحون الساعه خمس العصر!
الظهر عندهم استراحه ع قولتهم :) بريييييك
تمشينا فالجوار
حاولت ادخل شي من هالقلاع بس كله اونه ممنوووووع
وتميت مسويه حشره عشان جيه ابوي قال ما بييبني اقين
يقولي ممنوع اقوله الاجانب فالتلفزيون يدخلون ،، ليش الشرطي قال
اوين شو؟ ها قلاع عسكريه ممنوع الدخول! ليشششششششش
وها سجن الجلالي
ابوي يقولي من يدخل هالسجن اول ما يطلع منه حي
وقعد يخبرني عن الناس اللي شردوا والتعذيب وغيره ! مغامرات!
اول شي ضيعنا اي قلعه عقب خبرنا الشرطي ان ها سجن الجلالي
ومن احد المواقع يقولون:
لا ينسى العمانيون " سجن الجلالي" إبان أربعينيات وخمسينيات القرن الماضي، حيث يعتبر دخوله "منعطفا من الطريق إلى القبر مباشرة" كما قال أحد كبار السن الذين عايشوا تلك الحقبة من تاريخ عمان ، قبل أن يسقط السجن مطلع سبعينيات القرن المنصرم.
هالقلعه اللي مسويه عندها حشره ومن عندها صورت سجن الجلالي
عيل منعطفا الى القبر!
وهنا تمشينا شوي وصلنا صوب كرنيش مطرح
لان كنا نبا نسير صوب السوق
هنا صوره بانوراما
(اضغطوا عليها)
مصوره لكم فيديو!
بيكون فالحلقات القادمه ان شالله :)
9 comments:
wow
شكلها كانت رحلة حلوة
زين غيرتي جو شوي
تقبلي مروري
عليكم بالعافية يارب :)
أمتعتينا بهالصور
ماشاءالله
عليكم بالعافية
I luved Muscat when I went there the first time.. and now ur post makes me feel like going there again <3
السلام عليكم ..
ماشاء الله كشته حلوه
الله يحفظلج الوالد يارب :)
....
بس الفندق شكله نايس
والصور وايد حلوه
وخصوصا الصور البانوراميه عيبتني
تسلم عدستج
وفي إنتظار كل جديد
..
في حفظ الله
وناسه ماشاءالله..
وايد حبيت الصور ..
تسلم ايدج :)
وقولي حق اونكل اني بروح بدالج المره اليايه خخخ..
ومرسي..
ههههه ليش ممنوع صح ..يعتي قبل كانت سجن الحين عادي !!
بس احس يباله اسبوع مو يوم ؟؟
حلو الصراحة و عجبني الفندق واااايد
Nice pic'z
w almkaan shaaklaah ksh5aa
Keep Going sis
laa 3dmnaa alzood mn 9oobch
Post a Comment