IT HURTS ! But what did you say again?

يكلمني رئيس القسم اليوم، وانا افكر بشي ثاني

واقفه جدامه مسويه عمري مركزة معاه واهز راسي

وايديني تلعب بالبين ريموفر، مب توتر لكن اتريا يخلص

وجيه وانا عاجبني صوتها ومندمجه فحركتها

لان الجهه اللي تحت تلعق فاللي فوق، وافجها

واشوف رئيس القسم وانا: أيوه - صح - نعم - همممم أها!

وفجأه وبدون سابق إنذار! ... كان شكلي بالضبط نفس جيه:

ودي اصرخ هاييج الصرخه!

ودي ادور امي 

ودي امسك صبعي واقول عااااااااااااااااآآآآ

تميت ماسكه الريموفر بكل ادب واشوف تحت وانا اهوس ع السبابه

بالغلط غرزت الطرف الحاد فصبعي عدال الظفر

وللاسف من كثر ما كنت مركزه فالصوت 

حسيت بصوت الحديد وهو يخترق طبقه الجلد!

وليته سطحي 

الحين شو اسوي؟ اقوله اسكت؟ 

اصارخ اصيح؟

هيهاااااااات -ـ- جيه بهين النقاب لووول

تميت ماسكه صعبي اوني ماسكه الريموفر بكل ادب

وفخاطري ، فالعقل الباطن يعني ،،، الصريخ شل الدنيا

والله اني ما اذكر شو كان يقول!

كنت اقول ليش ما نزل دم؟ معقول اني اتخيل اللي استوا؟

يالله الحمدلله!

شوي الا الدم نازل ع شكل خيط رفيع من داخل الجلد لبرا

مب وايد! مثل غرزه الدبوس

بس كنت:

يعني الصدق الصدق صح يعور! بس الصدمه تعور اكثر

وجيه بيني وبين نفسي اعرف ان ما يستاهل

بس ماعرف ليش نحن مرات نتوقع ري أكشن اكبر؟

Silly Me !! 

وتميت ماسكه اعصر صبعي مثل اليهال

لازم ينزل دم عشان هو (يعور) اونه يعني!

ولو مب جرح عميق؟ غصب يعني؟

lol

اقص على عمري؟

المهم اني كنت مندمجه ويعلم الله اني ما اذكر شو كان يقول رئيس القسم

لين ما قال: شكراً جزيلا واتمنى لكم اجازة سعيدة!

واللي يبا يستاذن ويطلع الحين عادي ...اليوم الخميس

الويه تحول على طووول:

ولميت اغاراضي بسرعة وقعدت ع المكتب اشوف الايميل

بدون تأنيب ضمير وانا العب السنافر والمزرعه واتريا الدريول

بعدين! فالبيت وفي اخر اليوم! احس جنه شي يعورني؟

نعم؟ الحين تذكرت؟

lol! 

It is kindda creepy to feel pain, and forget it once I felt the weekend started! and when I'm almost asleep I just rememebred the pain again! Am I Fooling Myself? *Giggles*

Have a nice weekend all!

إجازة سعيدة للجميع :)