Monday, May 14, 2012

Bachamel with French Bread بشميل بالخبز الفرنسي


.. بشميل بالخبز الفرنسي .. 
انا كنت يوعانه :) وقلت بشوف شو فالمطبخ وبخترع أكله!
وسويت هالاكله وطعمها كان وايد لذيذ .. واحب اني اشاركم الطريقة

.. اول شي احب اقولكم ان هالشي عباره عن ٣ طبقات .. 
.. خبز فرنسي .. حشوة خضار .. وبشميل .. 

.. أولاً: تحضير البشميل .. 
البشميل عبارة عن زبدة .. زيت .. وطحين .. ونحط عليهم حليب ونخلط لين يتكثف 
(مثلا خاشوقتين طحين مع كوبين حليب .. واصبع زبدة) .. وعقب نحط خاشوقتين نشا
ونحط ملح وفلفل اسود .. ونعدل فيها حسب ما نبا .. يوم تبرد نكسر فيها بيضة
ونخلي البشميل على طرف 

.. ثانياً: حشوة الخضار .. 
تتكون من: بطاطا مقطعه طوليه وصغيره .. فلفل اخضر ،، بصل مفروم .. حبه ثوم 
وجزر مبشور .. ومشروم فريش 
فالبداية نقلي البطاطا لين تستوي شوي .. ونحط عليها البصل لين يذبل .. ونضيف الباقي
عقب نحط نص حبه ماجي او حبه كامله (حسب الكميه اللي بتسونها، انا حطيت نص بس)
ونحط معاها اعشاب (ريحان او اي اعشاب عطريه تحبونها)

.. ثالثاً: الطبقات .. 
أول شي نحط طبقة من البشميل فالصينية تحت
ونحط فوقها الخبز الفرنسي المقطع (نغطه شوي فحليب عشان يلين)
 (ممكن تحطون توست بس الفرنسي احلى)
عقب طبقة الخضار (او اي حشوى ثانيه سويتوها)
عقب رشيت شويه بقصمات (او الخبز المفتت) .. 
عقب البشميل .. 
وندخلها الفرن لين يحمر البشميل من فوق!

.. رابعاً: بالعافية عليكم ..

وهاي الصور للطريقة


3 comments:

Baby21 said...

ماشاءالله عليج شكلها يمي

تسلم الايادي يارب

Baby21 said...

ماشاءالله عليج شكلها يمي

تسلم الايادي يارب

نهــــــــــار said...

السلام عليكم
فكره حلوه وشكلها لذيذه
بالعافيه