Sunday, May 13, 2012

Joe's Cafe~ Dubai Mall تجربة لذيذة

يا الهي كم احب المطاعم الذيذة! .. 
اشعر بالسعادة يوم اروح مطعم ويكون الاكل فيه لذيذ
وبصراحه انا اثق بذوق صديقتي 
@Eng_Jorey 
يعني اي مطعم تقولي روحي سيده اروح وانا مغمضه
خصوصا هي تعرف اني احب الروزوتو (Rissotto) 
ورحت هناك وفعلا كانت من الذ الوصفات اللي جربتها! 

صور المطعم
المطعم مطل على النافوره .. وكان الوقت العصر 
فكان المكان وااايد شرح ،، خص مع النافوره :)
يعني وايد عيبني المكان صراحه كديكور ومكان!
واعتقد النافوره ع ضو النهار احلى عن المسا!

صور المينيو
خليت لكم الصور كبيره عشان تشوفون المينيو
نحن طلبنا:
١- ريزوتو
٢- كركند (لوبستر)
٣- دياي مشواي
٤- موزاريلا متبل
٥- تارت الليمون




صور الأكل .. 

اهم شي فالحياه الريزوتو! اصلا انا سرت المطعم عشان الريزوتو
وفعلا طعمها سوووبر يم يم! ،، وطلبتها مثل ماقالت مريم :) 
اكسترا صوص!! ،،، وااايد يميي :) .. والدياي كان لذيذ جدا!!!


اللوبستر كان طلب الوالده وعيبها وايد :)


الدياي المشواي مع الكسكسي .. طلب نون :)


الموزاريلا المتبل


تارت الليمون


صراحة أنصحكم تزورونه :)
مكانه حلو ويلسته تفتح النفس واكلهم لذيذ!!! 

مكانه فدبي مول - الطابق الاول - قريب من لادوريه!
مجابل ملبيري :) بالضبط!! ... 

Enjoy

4 comments:

Baby21 said...

رجعتيني سنتين ورى ... بالضبط رمضان قبل اللي فات...فطرت فيه قبل اجازتي السنوية

المطعم كان يديره مدير مغربي الصراحة كان قمة في التعامل وتحسيه يرحب بالزبائن كأنهم جايين بيته

انا بعد طلبت الريزتو يمي ... بالعافية عليكم

نزهاويه said...

رحتله باخر مره رحت دبي
شوقتيني على الريزوتو ماجربته حسافه
طلبت تيراميسو وااااااااااايد عجيبه
و اختي اطلبت بييرجر وايد تمدحها تقول لذيذه

mtgblog.net said...

امووت على الريزوتو .. و يمكن احلى ريزوتو كلته عندهم حتى احلى من ميلان .. بس اتوقع لو اخترنا السيفود احلى من الدياي ..

Fajer Mohammad said...

رايحة دبي قريب ان شاء الله و بمر المطعم
the lobester is a must have :)