Saturday, November 29, 2008

فعاليات اليوم الوطني الـ37

الاحتفال باليوم الوطني كان غير نوعاً ما
الحمدلله الكل استانس وغير جوً
هاي بعض الاشياء اللي كانت للحفلة
اكياس على شكل علم الامارات .. فيها هدايا

Photobucket

توزيعات اشتريتهم من وحده اعرفها وحطيتهم في بوكس من خوص

Chocolate

زينه
نفس الشلق بس اللي يطلع ورق
مارشميلو < حلاوة القطن لتجديد الذكريات شربت < مال اول بعد لتجديد الذكريات زينه اعلام ..إلخ Stuff

بدينا بتعليق الاعلام والزينة فالبيت

Flags

استعدوا اليهال ولبسوا اللي اتفقنا عليه
على فكرة حتى الكبار لازم يربطون شرايط على الوان العلم
او شالات او كابات .. المهم لازم يشاركون

وما ننسا بناتنا المبدعات ماشاء الله عليهم
"قولوا ماشاء الله"
اللي قمن الحفل .. ولابسات ثوب وكندوره وزي تراثي يعيش الجوو
Tradition

حطينا شاشة كبيره ... شغلنا فيديو واناشيد وحطينا صور
وكل شي يكون عن الاتحاد وشغلنا السلام الوطني
وكل الموجودين وقفوا وقالوا النشيد الوطني
^__^ كان حلو
Party

بدوا البنات بتقديم الحفله والترحيب بالحضور وقراءة القران

Schedual

بعدين سوينا مسابقات .. كان الجوو حلو
وكل الاسئلة طبعا كان عن الامارات والاتحاد وحكام الامارات
واشياء كثيرة .. والحلو انه قلنا لليهال
الاجوبه اللي ما تعرفونها كل حد يختار شخص كبير
ياخذ منه الجواب .. واللي يوصل اول ياخذ الهديه
فاستوى نوع من التفاعل بين الكبار والصغار

حتى الخدامات واللي فالبيت خليناهم يشاركن معانا
وسالناهم وخليناهم يعرفون نحن حق شو مسوين هالحفله؟
"وحده قالت تبا تتصور مع الاعلام والزينه وكل شي تبا تخبر اهلها
عن اللي نسويه وعن اليوم الوطني"

عقب كنا مسوين اكل تراثي وما ننسا الشربت
"استانسوا عليه الكبار اللي يتذكرونه اما الاصغار استنكروه"

Old Jice


عقب يبنا نجمة الحفلة ^__^
الكيكة الخاصة باليوم الوطني .. الكيكة كبيره كانت ولذيذة
لو طالبين فيها سعر اكثر صراحة تستاهل
شرايكم؟

UAE Flag Cake

وبعد مرسوم على اطراف الكيكه الاعلام

Photobucket

رسمنا على ويوه اليهال الاعلام وجيه بعد ما كلوا
كانت اشكالهم كيوت ماشاء الله عليهم !!

Photobucket

وعقب مثل ماتشوفون نقعنا شلق الاوراق
هنيه وايد استانسوا اللي قاعدين ^___^

Photobucket

وخلصت الحفلة والكل مستانس الحمدلله

End of the party


حبيت اقولكم شي .. ان الحفلة فالبداية الكل كان مستسخف فكرتها
انه كيف نحتفل فاليوم الوطني فالبيت؟
متعودين فالمدرسه
مسيرات
الجامعه
لكن البيت؟

ولكن فنهايه الحفله الكل كان مستانس والكل كان يرمس عن الحفله
الحمدلله وصلتني ردود افعال ابدا ما توقعتها
ومن ناس توقعت يخربون الحفله من تعليقاتهم
اول شي كانوا مستانسين فيها



اسمحولي على التقرير مختصر صح؟
شسوي اكثر الصور .. عائلية

^___^

شرايكم؟





10 comments:

arwa said...

ماشاء الله تبارك الله

روعااا الجو صراحه

ليش ماعزمتوني وياكم
>_<

احلى شي عجبني فكرة البس التراثي حق البنات الله يحفظهن

|[ محد شراتي ]| said...

ماشاء الله ، ،

حلوو وايد الصراحه

ليتني حضرت : (

نحن ع الاثنين جان الله راد بنسير العزبه ومناك بنحتفل :P

عاد ان شاء الله ماتخترب المخططات ><"

Anonymous said...

ماشاء الله عليكم حفلتكم طرررر بمعنى الكلمه

عيبني طرحج للموضوع والحفله والصور تشهد ،،

ياربي يحفظهم ويخليهم لكم

حلات الاحتفال ف البيت خص انه شوابنا والعيايز ،،

وجان ع التنقيد ها لابد منه ^^

يعطيكم العافيه

قلبي ماركه

Ro7-aL3in said...

:( وايد وايداات غيرانه منكم
أنا تحمست يوم قلتي عن الفكره..قلت يا سلام بسوي شراتكم..لكن الكل استخف بالفكره..وضربت أحلامي في عرض الحائط

lil.D said...

بنت الشيوخ:

ههههه شرايج؟ اتين على عيد الاضحى؟

الحمدلله الجو كان حلو كتير كتير ^_^


والله يحلي ايامج .. يسلمو

lil.D said...

محد شراتي:

هاه سرتوا العزبه؟

يالله عاد ماشي شرات العزبة

ان شاء الله تستانسون

lil.D said...

قلبي ماركة:

هيه حلو الاحتفال فالبيت
أول مره نحن سوي فالبيت

بس كانت حفله حلوه ^___^

اسمج مميز لول

lil.D said...

روح العين:

هههههه ليش الغيرة عاد
تدرين؟ انا اول شي الكل استسخف بالفكرة
ووصلتني تعليقات غريبه
بس يوم شافوني بسوي الحفله والموضوع جد
وقلت لهم خلونا نغير جو شوي ^_^
ولين آخر رمق فالحفله اقاوم افكارهم السلبية
والحمدلله قدرت!!


طبعا بعد هاليوم تعلمت درس اني ما اهتم ابدا لكلام حد اذا كان محبط :) ولاتعليقاتهم .. اذا فبالي شي بسويه حتى النهاية !!


جربي انتي :) مب لازم الحفله .. باي شي ثاني

Anonymous said...

السلام عليج ورحمة الله وبركاته ..

ما شاء الله جد حلوة الفكرة و ياااريت لو كل حد يسوي جيه ...

ما شاء الله عليج اختيه

تقبلي تحياتي

lil.D said...

عليكم السلام والرحمه
هلا عواشي .. الله يحلي ايامج

نحن بحاجه انه نحس بفرحه الايام اللي تمر علينا
مب دوم كل شي يمر بلا احساس :)


شكرا خيتو