السنة اللي طافت وعدت اليهال أسويلهم حفلة لليوم الوطني
لكن للاسف بسبب ظروف ماسوينا الحفلة
وتموا زعلانين .. وزعلوّا عليّ
فقلت هالسنة ان شاء الله بسويلهم حفله
بس شوي غير
------------------------------
أول شي بخليهم يتعلمون المسؤولية، بحيث هم ينظمون الحفل مب انا
ثاني شي الحفلة بتكون تعليميه .. وايضا وناسه .. ماباهم بس يلعبون
بالعكس .. الهدف الأول يحسون بمعنى اتحاد دولتنا العزيزة
طبعا أول شهر نوفمبر .. يبتهم كلهم وقلت لهم اسمعوا
بنسوي الشهر الياي حفلة .. واباكم تقترحون شو نسوي
طبعا هالكلام فاجتماع مفتوح فالحديقة
والله لا يراويكم !! راسي نقع
لوهله حسيت بالندم اني خبرتهم قبلها بشهر
قلت لهم روحوا داخل البيت .. وكل واحد يمسك ورقه وقلم
ويكتب كل الافكار يوم تخلصون انا برا اترياكم
عطوني وبصحح اوراقكم وبشوف شو الاقتراحات اللي بنسويها
ماشاء الله عليهم تبارك الرحمن !!
ردولي باوراق وفيهن اقتراحات حلوة
------------------------------
من الاقتراحات:
اكسسوارات للشعر
اكسسوارات
مسابقات
كوبات < هم يبون يلونونهن على شكل اليوم الوطني صحون زينه اليوم الوطني مسرحيه اسئلة اغاني وشعر العاب نشيدة بيرقي << ماعرف شو النشيده
لبس وطني
غناء النشيد الوطني
تلوين الوجه رسمة الامارات
اسئلة عن الامارات
مسرحيات وطنية
شعر عن الوطن
نكت عن الوطن << هاي بالضبط ماعرف شو موقعها من الاعراب
------------------------------
حد من اليهال كل يوم لمده شهر اول ما تشوفني
"صح انا بروح الحفله؟"
وحد مايعرف وين الله حاطنه!!
------------
دقيت لليهال اليوم .. إعلان هام .. عندنا اجتماع ان شاء الله
يوم الاربعاء
24-نوفمبر-2008
عشان نرتب الفعاليات اللي كاتبينها فوق
والله لا يراويكم الحماس !! ما سكت التيلفون
كل شوي بفكرة ^__^
صح صدعه لوول لكن يستاهل الجو
------------------------------------
اشتريت لليهال توزيعات من احدى صديقاتي
"وايد حلوه التوزيعات يوم توصلني بصورها لكم ان شاء الله"
------------
بطلب لهم كيكه على شكل علم الامارات
بنزين البيت انا والعيال ان شاء الله مع بعض
"عشان يحسون بالجو"
------------
وان شاء الله الحفلة يوم الجمعة!!!
صح قبل التاريخ الرسمي
ولكن عشان يكونون كلهم موجودين
------------
وان شاء الله بحط لكم الصور من الفعاليات
^____^
------------
شو عنكم؟ اي ترتيبالت لليوم الوطني؟
------------
على الطرف حاطة استبيان بسيط
اذا حد منكم عنده اي مخططات .. اتمنى تجاوبون عليه
لكن للاسف بسبب ظروف ماسوينا الحفلة
وتموا زعلانين .. وزعلوّا عليّ
فقلت هالسنة ان شاء الله بسويلهم حفله
بس شوي غير
------------------------------
أول شي بخليهم يتعلمون المسؤولية، بحيث هم ينظمون الحفل مب انا
ثاني شي الحفلة بتكون تعليميه .. وايضا وناسه .. ماباهم بس يلعبون
بالعكس .. الهدف الأول يحسون بمعنى اتحاد دولتنا العزيزة
طبعا أول شهر نوفمبر .. يبتهم كلهم وقلت لهم اسمعوا
بنسوي الشهر الياي حفلة .. واباكم تقترحون شو نسوي
طبعا هالكلام فاجتماع مفتوح فالحديقة
والله لا يراويكم !! راسي نقع
لوهله حسيت بالندم اني خبرتهم قبلها بشهر
قلت لهم روحوا داخل البيت .. وكل واحد يمسك ورقه وقلم
ويكتب كل الافكار يوم تخلصون انا برا اترياكم
عطوني وبصحح اوراقكم وبشوف شو الاقتراحات اللي بنسويها
ماشاء الله عليهم تبارك الرحمن !!
ردولي باوراق وفيهن اقتراحات حلوة
------------------------------
من الاقتراحات:
اكسسوارات للشعر
اكسسوارات
مسابقات
كوبات < هم يبون يلونونهن على شكل اليوم الوطني صحون زينه اليوم الوطني مسرحيه اسئلة اغاني وشعر العاب نشيدة بيرقي << ماعرف شو النشيده
لبس وطني
غناء النشيد الوطني
تلوين الوجه رسمة الامارات
اسئلة عن الامارات
مسرحيات وطنية
شعر عن الوطن
نكت عن الوطن << هاي بالضبط ماعرف شو موقعها من الاعراب
------------------------------
حد من اليهال كل يوم لمده شهر اول ما تشوفني
"صح انا بروح الحفله؟"
وحد مايعرف وين الله حاطنه!!
------------
دقيت لليهال اليوم .. إعلان هام .. عندنا اجتماع ان شاء الله
يوم الاربعاء
24-نوفمبر-2008
عشان نرتب الفعاليات اللي كاتبينها فوق
والله لا يراويكم الحماس !! ما سكت التيلفون
كل شوي بفكرة ^__^
صح صدعه لوول لكن يستاهل الجو
------------------------------------
اشتريت لليهال توزيعات من احدى صديقاتي
"وايد حلوه التوزيعات يوم توصلني بصورها لكم ان شاء الله"
------------
بطلب لهم كيكه على شكل علم الامارات
بنزين البيت انا والعيال ان شاء الله مع بعض
"عشان يحسون بالجو"
------------
وان شاء الله الحفلة يوم الجمعة!!!
صح قبل التاريخ الرسمي
ولكن عشان يكونون كلهم موجودين
------------
وان شاء الله بحط لكم الصور من الفعاليات
^____^
------------
شو عنكم؟ اي ترتيبالت لليوم الوطني؟
------------
على الطرف حاطة استبيان بسيط
اذا حد منكم عنده اي مخططات .. اتمنى تجاوبون عليه
20 comments:
ماشاء الله عليج
وربي يحفظ عيالكم و يحفطج فديتج
,
نحن ان شاء الله بعدنا ماخططنا بس الحين اقول حق خواتي انه يوم الاتحاد بنسوي فعاليات
و ان شاء الله خير
^^
عاد نترياالتقارير عقب
اوكيك يا حلوو
صراحة
وااااااااااااااااااايد حلوة الفكرة
أولا تشجعين اليهال
ويحسون بالمسؤولية من ناحية ثانية
وبعد بيحتفلون فالبيت
حبيت الفكرة
وعادي اجربها
ثااااااااااااااااااانكس
صراحة
وااااااااااااااااااايد حلوة الفكرة
أولا تشجعين اليهال
ويحسون بالمسؤولية من ناحية ثانية
وبعد بيحتفلون فالبيت
حبيت الفكرة
وعادي اجربها
ثااااااااااااااااااانكس
ماشاء الله عليك ليييل
الوطنيه عاليه عندك اشووف ><
انا فعالياتي في اليوم الوطني طبعاً اذا فيه "إجازه "
هو اني البس اخضر وابيض
واحط ستكر علم السعوديه صغيييير ع البلوزه
وارووح اصلي التراوويح
||
||
:)
يومنا الوطني برمضاااان
:)
بس احب الحماس وتنظيم الفعاليات زي كذا ,, لا تنسين نشيدة امااراتي ,, حب الوطن ماهو مجرد حكايه خخخخخ
ننتظر التغطيه ^_*
حلو التنظيم والفكره ككل والفعاليات بعد
وفرحه الصغار تستاهل التعب
بس بالنسبه لي ماأحب احتفل بغير العيدين :)
بالتووفيق
محد شراتي:
تسلمين يالغاليه
يالله اذا سويتوا فعاليات خبرونا شو سويتوا
واكيد ان شاء الله بحط تقرير
أموون:
الله يحلي ايامج ان شاء الله
هيه حليلهم اليهال ^__^ بعد انا بستانس معاهم
واذا جربتي خبريني
رمادية:
أوه!! لا لا
بعد تعرف حب الوطن
وتقول ما تفهم كلامي بعد :(
اشك فيج عرج اماراتي
هههه ايام المدرسه كانت الشله تحط علم صغير ع المريول مال المدرسه ^_^
ذكرتيني :(
بنت الشيوخ:
أنا ما اخذه كعيد .. لاحظي كاتبه يوم وطني .. ولكن اخذه كيوم مهم لازم عيالنا يتعلمون فيه اهميه الاتحاد اللي مر على دولتنا .. عشان جيه الحفله والفعاليات اكثرها تعليمي .. :) وانتي باي نشاط فالمدرسه بتسوينه .. الا بتخلين فيه نوع من الفن ستف ^__^
شكرا بنت الشيوخ
وفعلا فرحه اليهال تستاهل التعب
حطي لهم علم وساريه ومن الصبح صفيهم وخليهم يحيون العلم وحطي في مسجل السلام الوطني للدولة وهالشي كرريه خلال ايام العيد الوطني.
rashid
ههههههههههههههههه
نكت عن الوطن خخخخ بموت ظحك
فديتهم ياربي
ماشاءالله عليج
Ro7e 3lelah
تدرين اني سويت هالفكره وخلاف التنفيذ بيكون يوم اليمعه اذا الله راد ,,
وسويت كذا بروفا للعيال وطرشت مسجات للعايله الكريمه خص الحريم منهم
وقلتلهم مابيحدرون البيت اذا هب لابسين عربيه ويكون لونها من اولان العلم وكل وحده شاله وياها جم طبقه فيها اكات شعبيه ^ ^
والعيال كنادير ومتسفرين غير جيه آوت
ومتفقه ويا العيال نسوي في ابهاتهم وامهاتهم مقالب حلوه ^ ^
والشباب بيرزفون غصبن عن خشومهم هو بيكون من الالعاب وبينفذونه غصب
وفيه حركات وجيه
ع بالي الروحي الي اسوي هالشي بس ظهرو وايدين خبايل شراتي وناااسه ^ ^
واتريا تقرير يومج ف المدونه
راشد الفلاسي:
أكيد السلام الوطني شي مفروغ منه
يسلمو ^_^
روحي عليله:
هيه والله اونه نكت عن الوطن
اعتقد هم مب قصدهم نكت
قصدهم حوار
لانه حاولوا يفهموني بس ما رمت استوعب
بس المهم شكله قصدهم هب نكت شي ثاني
Anonymous:
ماشاء الله عليج
انا بعد عزرت عليهم ع سالفه اللبس
متاكده ان اليوم عندكم بيكون حلووو
عاد عقب لازم نشوف تفاصيل !! بعدين شو المقالب؟
و بلادنا حلوة
: )
!!
فكرة جدا طيبه ..
أحس هالشي بيعزز فيهم حب الوطن ..
من قتراحاتهم لاحظت انهم مهتمين بهاليوم وإن حب هم لوطنا كبير ..
حفظهم الله جميعا .. ويعطيج العافيه ^_||
Dubai:
وبج تحلى اكثر ^_^
lOsT:
الحين حتى الكبار متحمسين
وبعضهم مستغربين . أونه اول مره نسوي فالبيت حفله؟
ولكن فالنهايه الحمدلله الكل متحمس
^_^ شكرا لوست
الله يحفظلج اليهال ويخليهم لاهلهم
انا احب اليهااال واااايد
وحلوة اكارج وتخطيطاتج ليل
ربي يحفظكم وكل عام وبلادنا بخير
سي يا
سالم الامارات
Post a Comment