Sunday, January 4, 2009

حوادث .. بعربانات كارفور ..

أوكي الموضوع اليوم شوي غريب .. ولكن ما بيطلع مني إلا من باب القهر .. والقلق .. والتجارب السيئة ..
الحين أنتو يوم تسيرون السبرماركت .. وخصوصاً كارفور .. أتمنى أنكم "تسوقون" العربانات بذمة وضمير
خلااااص .. الحوادث اللي تستوي فكارفور فضايح "متلتله" .. لازم الواحد يراعي مشاعر الشخص المدعوم

http://www.swissinfo.org/xobix_media/images/keystone/2007/keyimg20070821_8124291_1.jpg

اليوم فكارفور ماشية في امان الله .. وحليلي يالسة بتشرا .. الا شوي واحد الله يهديه بس .. ماشي سرحان!!
وتخيلوا شكل الحادث الغبي يوم حد يمشي سرحان ولا يشوف الناس اللي حوله؟ الحمدلله ماكان يربع ..
ولا جان طحت على ويهي .. وزين تلاحقت عمري وبعدت العربانة بيدي .. ولا هو شرد ولا جنه مسوي شي !!

مع احترامي الشديد للهنود خاصةً .. هم اكثر ناس يسببون الحوادث في السبرماركت أو كارفور؟؟
هم وعيالهم يمشون كأن مافي حد غيرهم فالمكان .. ولا وبيدعمونك وبيدزون بعد أكثر وأكثر وعادي تستوي عملية دهس
ههه جد!! عشان جيه نصيحة ماحد يروح ايام الزحمة .. ولو شفتوا هندي صغير زاخ عربانه افسحوا الطريق!!

الخطر الداهم الاخير فكارفور!! هم الهنود اللي يدزون مجموعة من العربانات

http://cache.daylife.com/imageserve/0aZl8DMgHwahg/610x.jpg

يعني والله ماعرف شقول؟ اليوم خلاص وقفت مكاني .. لو لفيت يمين بيلف يمين لو لفيت يسار بيلف يسار
اخر شي قلت يالله .. بنرضى بقضاء الله وقدره .. ترا فكل الحالات لازم اكون مستعده للدعمات
لين وقف وبيني وبين عرباناته اقل من نص متر .. قلت الحمدلله لووول سلمنا من حادث باكثر من عشر عربانات!!


فالنهاية .. -__- اللي عندهم عيال راعوا مشاعر الناس لا تخلونهم يصيحون ويلات بالعربانات
الواحد يحس انه يمشي فشارع هب رايح يتشرى -__-


وشكرا
محدثتكم المدعومة بعربانه .. ليل دي

10 comments:

Anonymous said...

سبحان الله الهنود الله يهديهم عناديين واااايد

حتى في سواقة السيارات

سواقتهم عجيبه جدا

و كله عناد و سااهين عن الدنيا !!

و السواقة أولا و أخيرا ذوق :)

arwa said...

الحمد لله ع السلامه محدثتنا
قبل لاتطلعين لاتنسين تحصني بالاذكار
فديتك
^ــــ^
ربي يحفظك :)

مهرة سالم said...

السلام عليكم...
ههههههههه
الصراحه هالمهنده حاله خاصه ...
تقولين كارفور مالهم وإنتي متعديه على حقوقهم...
.....
سلامات الغاليه
وشوبتسوين لا محال من تواجدهم
.....
دمتي بخير

خوله سعيد said...

:)

تصدقين حتى أنا ما أعرف أدز العربانات

وأتهرب من هذي الشغله

ولو أتشوفين وأنا أدز بتضحكين علي

:]

Anonymous said...

غير الحوادث هناك التوقف الخاطئ في المكان الممنوع :)

تريد أن تعبر لكن هناك شخصا سد الطريق عليك، فتضطر محرجا لزحزحه عربته بيدك، وإن شاهدك فإنه ينظر إليك وكأنك مجرم تود اختطافه !

أما عن الحوادث فترى بعض أسبابها القيادة بدون رخصة
يعني لما الأهل يعطون الطفل عربتهم، ويقود بطيش وتهور !!!

lil.D said...

AAM:

كلامك صح
بس المشكلة اللي دعم وشرد مواطن ههههه

بس فعلا والله يوم يدعمون حد بعدهم يدزون غصب يعني حتى لو ماشي وسع اطوف
يعني بعد بيدزون!

lil.D said...

بنت الشيوخ:

الله يسلمج من كل شر
ان شاء الله ما بنسى


يعطيج العافية

lil.D said...

نهار:

عليكم السلام والرحمة
هههه عيبتني هاي مالهم وانتي متعدية على حقوقهم


:( واذا كان مواطن شبتسوين !

lil.D said...

ماسة الكون:

ترا شي عربانات معوقات
بدليهن وخذي وحده عدله
وبتدزينها عدل!

دخيلج يوم تسيرين الجمعية خبريني
هههه عشان اتحذر لو بسير بعد

lil.D said...

عابر سبيل:

كلامك صح يا عابر
فعلا الواحد يحس باحراج يوم ينجبر يحرك عربانة شخص اخر
او حد يحرك عربانتك وانت موقفنها جيه مسوي زحمة ..


اما الاهل يوم يخلون عيالهم يلعبون بالعربانات صدق انقهر