Friday, January 1, 2010

قطع .. من هنا وهناك

السلام عليكم و الرحمة
من زمان مااا ييت صوب المدونة
وفخاطري كلام وايد ... فخلوني اعبر عن مشاعري


(١)
باروكلي اشتريت اخيرا الماك بوك !!! 
ومن قمة اللغاثة خذت معاه دفايسز وبرامج
وانا اصلا حتى الان اعاني من الكتابة بالعربي
لان اماكن الحروف متغيرة٫٫٫ فتخيلوا عيل كل شي يديد؟
لووول شكلي بخلي الكمبيوتر يكره حيااااته
مثل ما انه معذبني ^ـــــ^




(٢)
ان شاء الله بنزل لكم تقارير يديده وأماكن تستحق الزيارة
الخضرا - عمان
القصباء - الشارقة
دبا الحصن 
واماكن ان شاء الله كثيرة٫ تستمتعون فيها مع اهلكم




(٣)
سؤااال فخاطري من زمان٫ ليش الواحد لا صار مشهور
او صار عنده مركز كبير او اي شي ثاني ،،،
قاموا الناس يتلصقون فيه؟
اللي بيطلع صلة قرابه غصب ... اللي بيطلع معرفه
اللي بيقول عمة ام خالة ابوه فحارتنا !!! 
صراحه شي يقهر ،، لان قبل مايعطون الشخص ويه وهو دايما عندهم!




(٤)
انا لاول مره هالاسبوع اكتشف ان في شي اسمه آآآآآش
تخيلوا بس ... اش؟ آآآآش؟ بعد السؤال عرفت انها شوربه
خاصة بالعيم .. ويوم سالت شو فيها .. قالوا كل شي هههههه


على نفس الطاري!! انصدمت نفسيا ان يوم تطلبون مناقيش
ترومون تطلبون شي اسمه حرحورة!!! حرحورة عاد؟ عبرن الاسامي؟
المهم عشان اللي انصدموا معاي الحرحورة خلطة طماطم وشطة وبصل
ماعرف صراحة شو فيها غير بالضبط !!


يحتاي اخبركم عن الخموس؟  اعتقد ان الخموس مشهور بمافيه الكفاية
اول تجربه للخموس كانت عند الكافتيريا اللي صوب البدع!!!!
والله تحريتهم يمزحون يوم يقولون ،واااحد  خموس!!!
بس هاي صدمة صار لها سنين




(٥)
كل ما اييب حلاوة لحد
ولا يكون وقت اكل
مستحيل يمر ه هالوقت بدون ما تقول وحدة
رجييييييم !!!
احس البنات يعيشن رجيم دائم!!!
يخربن يوم وعقاب اسبوع لوووول


(٦)
ماحب ابارك لحد براس السنة ولا حد يبارك لي
لكن بما انها فترة جديدة ... اتمنى للجميع التوفيق




alright! I it is really hard to type in arabic
and I don't know how to select the photos!
and I can't find the Home/End Keys on keyboard!
~_~ life is not easy

13 comments:

Anonymous said...

أولا : مبروك الماك بوك .. انا شركة الابل بكبرها معقدتني خخ احسها صعبة حتى اي بودي حذفته على اختي لأن مو فاهمة شي فيه بس ناوية اتعلم عليه ان شاءالله :)
اما سالفة رقم3 و الله صاجة مادري ليش ؟
4- الآش بالكويت عندنا يبيعونه بفرع النخي و الباجلاء و ناكله مع الخبز الايراني .. و الخموس و الحرحورة مادري شنو :p
5- هذي شي اكيد خخ انا اسوي جذي ..يا اكل وايد او كللش ما اكل
6 - الله يوفقنا اجمعين

و ان شاءالله ماتكون اخر زيارة لمدونتج :)

شاي الضحى said...

مبرووووك الماك

ولا مره جربت الآش بس شفت شكله استغفر الله

وباجي الاكل الي قلتي عنه ما اعرفه

يمكن ما يبون مستحين يقولون لج فيقولون رجيم هههههه

مشكوره :>

catwah said...

Hi sweet LilD....

MABROOOOK el MAAAC so happy for u.... Allah y36EECH 5ERAH O YEKFEECH SHARAH ......

UMMWA7

~CATWAH

سمو الأميرهـ ..ツ said...

مبرووووووووك ع المأأك

وعقبالي
لانه خااطريه فيه

اممم
نتريا منج أراء أكثر عن النظام
والبرامج
:)

**
و عن الأكلاات اللي ذكرتيها
ما عرفت منها شي :\

****


دمتِ ومن تحبين [لف خير

lil.D said...

Hanan:
- الله يبارك فيج يا خيتو ،،، انا بعد طول الفترة اللي طافت كنت احس الابل صعب ،،،، تبين الصدق؟ قمة المتعة ومب صعب ابدا !!! وعن الايبود !!! حرااام علييييج يجنن !!! اي شي تبينه خبريني ^ــــــ^
- الاش نحن ياكلونه العيم هنيه اعتد ،،، على العموم انا شفته بمطعم ايراني لووول

حياج يا حنااان ^ـ^

lil.D said...

شاي الضحى:
الله يبااارك فيييج ^^
لووول انا جربته مب سيء صراحه لكنه مب لذيد!

لا لا ما يستحون لو يستحون ما سمعوني الكلام الجميل عن التعذيب والرجيم او الدعوات خخخخ

حياج

lil.D said...

Catwah:

heey dear :) you've being quiet lately ;) busy with what!!! ....
thanks dear, I felt glad to see you around

lil.D said...

سمو الاميرة:
الله يبارك فييج
يالله توكلي بس خلصي الجامعة اخير لج -ــــ-

ماعرفتي من الاكلات ولا شي؟ لوووول
يبالي احط لج صور

My Books and Me said...

كل عام وإنتي بخير ومبروك عليج الماك بوك

أنا إنشالله بشتريه بس إنتي أي نوع شاريه, اللي يكون لونه رمادي؟؟

توني أدري الأحرف غير أماكنهم! إنصدمت

آبل وايد زينيين و حبيتهم وهالشهر باخذ منهم الآي فون إنشالله

اقصوصه said...

الـ(آش)ـ

حلو وايد

انصحج تجربينه

طبعا بتحصلينه

في- بعض -افرع مطعم حاتم

الحرحوه هاذي

صراحه معلومه يديده:)

سنه زاخره بالطاعات اتمناها لج

لك ودي :)

مهرة سالم said...

السلام عليكم..
بالبركه الماك بوك...
وشوي شوي بتتعودين عليه
....
خاطريه أشوف شو بتكتبين عن الخضرا
...
بالنسبه لتلصق بإلي يصير معروف
عقولة أمي تراه يعرف بنت خالت عمت شاتهم(للي مايعرف شاتهم يعني عنزتهم)
....
زعلت منج يا ليل
ماتعرفين الآش
معناته مب متابعه معاي بالمدونه
يبتلج إياه الأصلي بالصور من إيران
صراحه ماعيبني طعمه ولا شكله وصج فيه كل شي
........
الخموس
هههههه
صج جديييييم
يقولج بيكتبونه من الثراث العيناوي
لووول
....
في أمان الله

فاطمــه said...

كل عام وأنتي بخير عزيزتي

happy new year

Anonymous said...

مبروووك الماااك .. والله يعطيج من خيره ويكفيج شره

رقم 3 انتي محقه فيها .. غصب بيصير هالشخص يعرفني دامه اصبح ذا شأن عالي وكبير بما انه قبل منصبه الناس ما تحفله
الدنيا مصااالح


الخمووس .. عن نفسي ما ذقته إلا مره من صدعت الناس علييه قلت اجرب اللي يذوقونه الناس ويموتون فيه آخر شي ما عيبني خخخخخخخخ


حلاووه والرجيم = زيروا لوول
.. الناس الفتره الآخيره يقولولي يفلان تراك متنت .. اقوولهم ما متنت يقولوولي لا مبين علييك وويهك تنفخ
لوول استويت دب
اقولهم يمكن من الراحه النفسية خخخ لاتحسدوني


نريا منج كل يديد
موفقه ختيه

Autumn Silence