Wednesday, May 26, 2010

feerie EDT - from Van Cleef & Arpels

سرت أريج وانا هناك حشرني مال العطور وكل شوي اييب لي تستر! وريحتهم مو حلوه، وانا اقوله مب يايه اشتري عطور، قمه بالازعااااج! المهم قالي انزين لا تشترين انتي شو العطور اللي تحبينها؟ قلت له ديور اليديد ومثل عطور قيرلاين، المهم وانا احاسب يايه اطلع! ،،، لقيته يايب لي هالورقه معطره وعليها اسم العطر والادشن ماله، وقالي خذيها وبتعرفين ان العطر حلو، شليتها ع طووول وفريتها فالبوك!! وبعدين فالليل قبل ما ارقد تذكرتها :) وقلت الحينه بشوف عاد هالعطر العجيب !! اللي اونه بحبه!
وجيه بعد من غير نفس يالسه اطلعها من البوك لوووول 
انا وايد حبيت طريقتهم ان مسوين اوراق للعطر جيه ، لان يوم اسير اريج انسى العطر اللي كنت اباه من كثر التسترات والاوراق تدخل فبعضها! المهم ،، المفاجأة ان العطر كان فعلا رااااااائع ،،، وايد وايد حلو ،، همممم انا ماعرف بالضبط كيف ريحته بس بارده ومب قويه، بين الفروتس والورد يعني ريحته جميله جدا لووول

اتوقع البنات اللي يحبن العطور البارده بتعجبهم، لازم تجربونه ،، لان انا عقب شميته سيده اليوم الثاني طرشت الدريول ان يشتريه لي :) ،،،، 

حلو وايد شكل الغرشه لول، بس انا احب العطور اللي لونها وردي بشكل عام مادري ليش او خوخي، ولو كنت شفت لون العطر ماكنت اشتريته ههههه بس لاني شميت التستر وطرشت اييب العطر انخدعت باللون الازرق 
But it worths the try! ... VERY NICE!

Feerie Eau de Toilette is a new version of last year's edition of the house of Cleef & Arpels. The new fairy from a mysterious world introduces luxurious magic of aromas and wraps your aura with glamorous accords.
This fruity-floral combination of notes incorporated in fragrance Feerie EDT opens its olfactive gardens with violet leaves and Italian lemon zest. A heart encompasses airy notes of violet aromas along with rose absolute. Jasmine adds a characteristic and gracious accord which makes the aura sophisticated and elegant. Sweet and seductive, fresh and gentle, just like morning dew. A base features musk, sandalwood and benzoin. Nose behind the fragrance is Olivier Pescheux of Givaudan.

12 comments:

شاي الضحى said...

حلو شكل الغطى

وفي محلات وايد تبيع العطورات والورقه يكون عليها اسم العطر

وما حربت هذا شكله حلو

شكرا :)

lavender's aroma said...

حمستيني يا ليل مع اني فترة بسيطة ماخذة عطور
آخر العطور اللي اقتنيتها


Kenzo 5:40 pm in Madagascar
Eaudemoiselle de Givenchy

الأول هادي والثاني
floral

أحس هذا بارد وحلو للصيف

Malek said...

بسم الله الرحمن الرحيم
السلآم عليكم ورحمة الله وبركآته :)

يا حبكن يا البنآت للعطور
جآ افش غلي شوي ض8
استحمليني
ههههه
في بنآت الله يستر عليهن عندنا أحيآن وإحنا جالسين في البآص والجو مآطر ومغلقين كل النوآفذ

وفجأة وقبل الوصول للجآمعه او لمدينتي
صوت ولا أجمل
تس تسسسسسسسسسسسسسسسسسسس تس

ما هذا
إلا وست الحسن والجمآل ((طبعاً بعيد عن كشتها ))

ترش ما ادري شو هو بفبآف ولا شو
على نيتهم مزيل عرق خخخخخخخخ

ويا عاد يا بتنخنق من الرائحه
او تفتح الشبآك لتتجمد
وتتكرر المآسآة مع عدد من البنآت اللي يلحقو الموضه ((لكن مآشيين بعكس الطريق ض8 ههه))

أشكرك على استحمآل تعليقي
وفقكِ البآري
:)

أخوكْ
شعاع الأكوآن

lil.D said...

شاي الضحى:
فعلا الغطا وايد مميز!
بس عن سالفه الاوراق، اعتقد حسب الشركه المنتجه
مب المحل نفسه، مثلا في اريج يحطون العطر ع اوراقهم!
بس هاي خلتني انتبه للعطر اكثر

يسلمو يا شاي الضحى وان شالله تجربينه ويعجبج

lil.D said...

شاي الضحى:
فعلا الغطا وايد مميز!
بس عن سالفه الاوراق، اعتقد حسب الشركه المنتجه
مب المحل نفسه، مثلا في اريج يحطون العطر ع اوراقهم!
بس هاي خلتني انتبه للعطر اكثر

يسلمو يا شاي الضحى وان شالله تجربينه ويعجبج

lil.D said...

Lavender's aroma

مرحبا الساع :) جربي جربي يمكن يعجبج
العطر الاول ماعرفه صراحه بس اذا هادي بشوفه
الثاني مال جفنشي وايد قوي -ـ-

تتهنين فيهم يا لافندر

lil.D said...

شعاع الآكوان:

حياج يا اختي وبالعكس ههههه علقي كثر ما تبين
صراحه ضحكت من التعليق حسيت انج تعانين
خصوصا مع وصف عكس الطريق

المهم ماعتقد في حد فالدنيا مايحب العطور
بس بالنسبه للبنات عليهم بالحلال والحرام
يعني مب فالباص وفالزحمه يتعطرن؟ مايجوز
الله يهديهم ان شالله ويهدينا، واستمتعي بالعطور فالباص لول

lil.D said...

شعاع الآكوان:

حياج يا اختي وبالعكس ههههه علقي كثر ما تبين
صراحه ضحكت من التعليق حسيت انج تعانين
خصوصا مع وصف عكس الطريق

المهم ماعتقد في حد فالدنيا مايحب العطور
بس بالنسبه للبنات عليهم بالحلال والحرام
يعني مب فالباص وفالزحمه يتعطرن؟ مايجوز
الله يهديهم ان شالله ويهدينا، واستمتعي بالعطور فالباص لول

رورو الشخبوطه said...

بالعافيه يارب..

حبيت شكله حلوو ..

Malek said...

يوووووووه
لييييه يفكروني بنت عشان اسمي شعاع الاكوان يعني ض8

ما انا كآآتب أخوك
:)

يللا مو مشكله
الحين يمكن تحسي بالمعاناة اكثر خخخخخخ

مشكووورة خيتي على تعقيبك الجميل

تحيآتي
أخوكِ شعاع الأكوآن

هديــل said...

شكله حلو بس ما يندرى عن ريحته :p

عليج بالعافية

Samt♥AlbadoO said...

مسـآآآ الخير =)..!

حلوو شكله ,, خليتيه في خاطريه
ما شاء الله عليج تنفعين حق اعلانات الحينه تم في خاطريه اشم ريحته هههههه

عيبتني فكرة الورقه لو حق كل العطور جيه عسب الوآحد يروم يميز يوم بيتروحهن

امووووووووووووت على العطوووور


يعطيج العافيه على البوست ^^