Tuesday, May 11, 2010

My Trip To Germany (1) رحلتي إلى آلمانيا

اللي يخليني اموت بس عشان اسافر هو التصوير
ساعات اصور اشيا غريبه ويعلقون علي اللي حولي!
بس شسوي :) احب التصوير ،، هالمره بحط لكم صور
من رحلتي الى المانيا، مابسولف وايد واحشركم
دام فليكر بلووك ،، بنجلب البلوق فليكر مصغر لول
انجووووي 

ميونخ - ١


بصراحة أحب أكل الطيارة حتى لو تقولون مثل اكل المستشفيات
سم هاو احس اني مسافره لول - المهم هالسندويجه كانت مثلجه
واعتقد كانت دياي ،،،، والكوفي :( مااايسد لو كم اشرب!! لانه بصراحه
الرحله كانت فالليل ،، وماااحب جيه لاني مستحيل ارقد فالطياره
لا الواحد يعرف يرقد ولا يعرف يقرا فالظلام ولا يستمتع بالافلام!
حبيت هذا الشي الجميل اللي اتمنى اشوفه هنيه
ظنكم بينفع لو نسويه فالامارات؟ عندنا مهب؟
أوكيه!! كل شي فالمانيا كوم!! والمخابز عندهم كوم ثاني!!!
هالخبز مالهم بالحبوب وايد لذيذ! صدق احلى شي كلته هناك
استمتعت فيه حتى اااااخر ،،،، حبه لوووول
هنيه كان منظر جميل من دريشة الشقة!
هالباص يا كثر ماشوفه فدبي وبوظبي وعمري مافكرت اركبه
حتى اول يوم فالمانيا يوم شفته تجاهلته بشده ،، بس انتهى الامر فينا
ان جربناه لووول والقهر انه يحوووط وفي اماكن نبا ننزل فيها
بس شنو؟ مادل شرقي من غربي فما تفلسفت وتميت اشوف بهدوء
هيه صح شي سماعات تسمعون فيهن شرح الاماكن!
ماعرف شو ها بالضبط بس كان على يدار وحبيت اصوره بس جيه
<< اونه حركات

هنيه وين المارين!  ،، هالنافوره العجيبه
الكل يتصور هناك ،، وانا مع الخيل يا شقرا!
قلت بصور بعد لوووول 

هالمبنى كان كله ورد برتقالي ،،، حلو شكله 

مب لذيذ مب لذيذ مب لذيذ
كريمه !! بس!

المبنى اللي قلتلكم عنه؟

هذا روعني!!!!! يوم تحرك!! ماشفته عدل اول شي
الورد جميييل! ليش ماعندنا محلات ورد جيه؟
حتى تفتح النفس انك تشتري منها بداعي ولا من غير داعي لول
هنيه فالمارين مبنى كبير ،، ماحطيت صور له
بس مع الزوم شفت هالاشيا الجميله! ،،، شو هالمبنى؟
كل شي مكتوب هناك بالالماني، ،،، مافهمت شي!
الأكله المرافقه لنا طووول ايام السفر!! البطاطا
حبيت لبسهم بس محلاتهم تبند بسرعه
كنت ابا ادخل اشوف :)
الوالد الله يطول بعمره شافني مصوره هالصوره!
انا حليلي شفت درجات الاحمر والزجاج والابيض
حسيت ان اعلان حلو ،،،، صورته عشان جيه!! ولكن
هيهاااااات! شافه الوالد وهزبني هزبه محترمه 
اونه مصوره الخمر يا مسوده الويه؟ لووووول
قلت له مصوره الاعلان <<< اهم شي التفسير!
هاااااااالمحل عذااااابي مت قهر انه مبند! انا وايد احب البومه
وهم مادري شو قصتهم تارسين المحل من منحوتات البومه!
اوحيبوها كثيرا كثر ما تحب شاي الضحى فيول!! بس تميت اشوف
وصورت اشيا من محلهم على امل ان نرجع مره ثانيه ولا رجعنا لول
صور من الحدايق هناك ....





يم يم من ستار بكس ،،، اول مره كلتها كانت في تركيا
عقب سيده طلبتها يوم شفتها فالمانيا ،، كيكه الجزر
من اسمها الواحد يحس في شي غلط لول بس لذيذه جربوها

تخيلوا؟ الجو كان عادي وحلو وجميل عقب نفاف بسيط
ونحن نتمشى ولا مظلات ولا شي ،، ومره وحده تسبحنا بالماي!
ههههه عاد لين وصلنا الشقه .،،، كنا ماخذين فري لايف لاندري!





استمتعت فاول يوم ،،، كان يوم استكشافي!! بس كرهت عمري فالمارين لول
حسيت اني فدبي! لا لا ،، كميه العرب والخليجين فالمارين اكثر من دبي
اذا مضيعين حد من ايام الابتدائية ،،، بتحصلونه هناك!
^ـــ^




Will be continued! 

18 comments:

AM.SA.CHANNEL said...

هي المارين يقوولوون وايد عرب فيه جنج في البلاد مع إني ماجد سرتله بس اللي أسمعه
و نتريا فلكر 2

Haneen said...

رحلة جميلة مشالله
أعجبتني لقطاتك للطبيعه و الحدائق
سبحان الله جنان
وصدق دايم لما أشوف حلى او كيك أحس انه فيه شي غريب يطلع طعمه لذيذ! عليكم بالعافيه

رحلة موقفه و حمد لله على سلامتكم ..
بأنتظار المزيد :)

شاي الضحى said...

انتي نفسي بالضبط

امشي واصور حتى لو شي ماله سالفه لووول

واهلي كله يتحلطمون علي

حلوه الصور والرحله احلى


شكرا :)

رورو الشخبوطه said...

وناسه ابي اسافر..

وشوقتيني اذوق كيكة الجزر..

ومتابعينج ..

مشكوره..

ڹبض ٱڵحرۆڣ said...

حلوووه الصور مشالله
وشكله الجو أحلى
انشالله استمتعتي بهالسفرة
أحلى شي الجدار حاولت احصل فيه شي مميز
ماحصلت هع هع :p

مدونتج من أول المدونات الي جذبتني

دمتي بود
نبض الحروف
كانت هنا ..

بحث الويب said...

شكرا على مجهودك الرائع

Anonymous said...

الحمدلله على السلامة :)
متابعة:)

mo3ath said...

that looks interesting bel 3afya 3alaych and glad u had fun ;)

I'm dying to go to Italy ans Spain to take some shots there :(

lil.D said...

AM.SA.CHANNEL
وايد فوق ما تتخيلين
يعني مب مريح تروحين هناك
كل حد يشوف كل حد! وجنج مسويه شي !!!
لووول هي مره سرناها استكشاف ومره شوبينغ قبل ما نسافر!

lil.D said...

Haneen:

تسلمين يا حنين
اخيرا في حد يشاركني الشي الغريب!
انا احب اجرب كل شي غريب لول
بس بعيد عن الاشياء البحريه

الله يسلمج من كل شر

lil.D said...

شاي الضحى:

ههههههههههه انا اختي تقول اني مستويه نفس الهنود
امشي واصور كل شي لوووول
المهم نصور

lil.D said...

رورو الشخبوطه:

يالله بعزمج على الكيكه
تعالي العين ^ـ^

lil.D said...

نبض الحروف:

الله يحلي ايامج من كل شر
اونه ينقال لها لقطه خنفشاريه لوووول
عجيبه وجميله بس يبالنا مترجم هههههه

lil.D said...

بحث الويب:

العفو وحياك

lil.D said...

Hopeless Sight:
الله يسلمج من كل شر
سعيده بوجودج ومتابعتج
^ــ^

lil.D said...

Hopeless Sight:
الله يسلمج من كل شر
سعيده بوجودج ومتابعتج
^ــ^

lil.D said...

Mo3ath:

حياك ياخوي ،،، انا ماظن ان ايطاليا من احلامي بس جزرهم حلوه
هههههههه والاكل من اهم الاسباب بتشجعني اروح
بس اسبانيا؟ ما الومك وايد حلوه ^ـــ^ وفيها اشيا كثيره

ان شالله تروح وتراوينا الصور!

Unknown said...

المراوح شي منها في جزيرة صير بني ياس
وكيكه ستاربكس is the best (y)