Hard At Work - Emirates Mall

امس سرت مول الإمارات .. كنت أبا أكتب موضوع عن العجب العجاب اللي شفته هناك

بقولكم ملخص بسيط

الأجانب:
عدم أحترام للشهر الكريم، خصوصا الحريم لابسات فوق الركب و
من فوق يالله جان بيكون مستّر
اذا ما بيلزمونهم فالايام العادية بالتزام الحشمة،
على الأقل في هذا الشهر الفضيل؟

البـنـات:
للاسف اذا قلنا للأجنبيات رمضان وحشمن الشهر،
شو بنقول للمواطنات؟ وأنا هنيه ما أخص بنات دبي
بالعكس اللي شفتهم اليوم بنات من مدن ثانيه
وفصل وأصل .. يعني لاحد يقول مب اماراتيات ولا ايرانيات
وللأسف حتى الخليجيات
جنه العيد!! .. ميك اب وعبي كشخه والشعر برا ..
ماعرف صراحه شو مفهوم الصيام!

الماركات:
هوس غير طبيعي! ..
أفضل أني اشتري أكثر من شي من ماركات متوسطة السعر مثل
Guess
Mango
Zara
...etc
على اني اشتري شي واحد بخمس آلاف وطالع!
والمشكله المول اكثر شي زحمه وين محلات الماركات
مع انه من سنتين تقريبا كان هالمكان يـ ـصـ ـفـ ـر

ZARA:
محلي المفضل، تيشيرتات القطن مالتهم وايد مريحة وحلوة ..
وأحلى شي اليوم شفته فالمول هو هالقميص
اللي نوعا ما يذكرني بعمري هههههه
الواحد صدق يشتغل فذمه وضمير يوم المسألة تتعلق بالاسويتس!
صراحة كنت ابا اشتري منه،
ولكن العجلة أخرتني اني ادور وين مكانة،
لانه شكله هاي وحده يت بتاخذه
وعلقته أي مكان لانها غيرت رايها
شرايكم؟





والسموحة