Friday, October 31, 2008

حديث الكتب ...

مادري شو هفة القراءة اللي يتني هالأيام
يمكن من الفراغ القاتل في حياتي .. المهم
من زمان ما اشتريت كتب يديدة لمكتبتي!
هالمرة حبيت أشاركم آخر كتب اشتريتها
والله يستر عاد!! متى بخلصهم ^___^

فالبداية أحب أشكر كل اللي عرض علي مساعدة
في إني أحصل على الكتب اللي ناقصتني من الرواية
Twilight
جداً أسعدني كلامكم .. وايميلاتكم ومساعدتكم
شكراً لـ
Innocent
UAE Photographer
جواهر
أم سالم
وشكراً للي اشترت لي الجزء الثالث
Eclipse

المهم رحت اليوم المجرودي .. وحصلت الكتاب الأخير
اللي كان ناقصني ومب محصلتنه
Break Dawn

واكتملت المجموعة

http://lil.d84.googlepages.com/twilight-series.jpg

أيضاً من المجرودي .. خذت كتب بالعربي
"اشتقت للقراءة بالعربي"
خاصة في البزنس .. بما إن تخصصي بزنس
قلت اسوي رفرش لعمري شوي
ولكن بالعربي .. عشان استفيد وما انسى اللي درسته

خذت:

إدارة المشروعات

المتحدث الواثق

http://lil.d84.googlepages.com/business-books.jpg

ومن قبل فترة بسيطة
أشتريت مجموعة من الكتب للدكتور زغلول النجار
"سووا بحث في يوتيوب بأسمه بتعرفونه اكثر"
رائع رائع رااااائع فوق ما تتخيلون
صدق صدق أنصحكم يا تشوفون الفيديو
يا تاخذون كتبه
هو عالم في علووم الأرض
ويتكلم عن الإعجاز العلمي فالقرآن

حالياً بديت بقراءة أول جزء من الإعجاز العلمي في القرآن

http://lil.d84.googlepages.com/zalglol-series.jpg

3 أجزاء للنبات في القرآن الكريم
جزئين للاعجاز العلمي في القرآن
جزء في المفهوم العلمي للجبال


مع أرق تحية
وإدعولي أخلص قراءتهم
لاني بطيئة جداً في قراءة الكتب

8 comments:

Anonymous said...

المتحدث الواثق

سأحتاج لهذا الكتاب فورا :)

lil.D said...

عابر سبيل:

يبدو لي .. من التصفح السريع
ان الكتاب جيد :)

وإذا تبا ممكن اصور بعض الصفحات للقراءة


ومرحبا الساع

lOsT said...

يعطيج العافيه على عناوين الكتب

عيبني كتابين من اللي ذكرتيهم .. ان شاء الله بشتريهم بعد ما أخلص الكتب اللي عندي =)

الله يوفقج ^_||

arwa said...

ماشاء الله روعه المجموعه
وخصوصا حق النجار

بالتوفيــق

^ــ^

Charisma said...

very nice thing, sometime we find something occupying out attention & keeps us busy, reading is amazing did u try to read for Dail Karengy..I advise u to have a look on his books u will like it,,,c u

lil.D said...

lOsT:

الله يعافيج يا خيتو ^___^

شو عندج الحينه :) خلينا نشوف ^___^

وشو عيبج من الكتب؟

lil.D said...

بنت الشيوخ:

تسلمين ... وفعلا كتب النجار حلوة

lil.D said...

Charisma:

Well, first I wanna welcome you in my blog.

Second, Yes reading is a very nice thing, it is a good use of time, and good training for your mind, never to mention that it is useful for your knowledge.

But really I didn't read for ( Dail Karengy ) .. I shall have your advice about one of his books :) .. when i finish what between my hands right now :)