بما إني سهرانة .. فأمس بالنسبة لي هو اليوم..
ساعات يوم ادخل مدونتي أضحك :) .. لانها بالضبط تترجم حالة افكاري
Thoughts Transitions
ترجمة أفكار!
اللي اقصده .. مره بالفصحى
مره بالعامي .. مره سوالف ومره جد
ومره تقني .. ومره طبخ
مره أفلام .. ونينتنو وي << انحرقت الوي ومن يومها تعبانه نفسياً مره انجلش ومره اسباني << عاد أوني اعرف اسباني .. ها تشبيه بليغ لوول سوالف يعني على العموم .. احب اكتب اي شي ايي فبالي تحملوا
------------------------------------
Privacy!! IS A MUST
كل شخص يكتب في موقع باسم مستعار يكون في سبب .. اللي هو
You have your own privacy
كل شخص يحب يشعر بنوع من الخصوصية ..
من فتره اكتشفت انه في حد اعتدى على خصوصيتي يمكن من غير قصد
وقررت قرار "شنيع" .. اني اترك منتداي العزيز اصدار الامارات
وحتى مدونتي! .. ولكن قررت فالنهاية
انه ما اودر اكثر شيئين يحسسني بالسعادة يوم اقضي وقت فيهن
خصوصاً ان الواحد يدس الشي لو كان خطأ :)
وانا افتخر جداً بمدونتي الخربوطيه العزيزة
"لا تخافون ادري ما تستغنون عن مدونتي هههه"
سنفور مهندس
يقول عابر سبيل في تدوينته
"مدونات السنافر"
Twilight
مازلت اجاهد في قراءة القصة
رغم انها رائعه بس احس النت يشغلني عن القراءة !!
رغم إن الفلم نزل فالسينما .. بس مادري ليش احس انه سخيف
مب مثل القصه!! .. من التريلزر .. ماعيبني الممثل احس اللي فالقصه
واصفتنه الكاتبه بشكل غير >___< حد راح؟
رسمة
قلت لرمادية اني بحط رسمة شفتها
رسمتها سنة 2001
واول ماشفت الرسمة تذكرت رمادية
لانه الرسمه بالقلم الرصاص
.... هاه رمادية شرايج برسمي سنه 2001 لووول
Thoughts Transitions
ترجمة أفكار!
اللي اقصده .. مره بالفصحى
مره بالعامي .. مره سوالف ومره جد
ومره تقني .. ومره طبخ
مره أفلام .. ونينتنو وي << انحرقت الوي ومن يومها تعبانه نفسياً مره انجلش ومره اسباني << عاد أوني اعرف اسباني .. ها تشبيه بليغ لوول سوالف يعني على العموم .. احب اكتب اي شي ايي فبالي تحملوا
------------------------------------
Privacy!! IS A MUST
كل شخص يكتب في موقع باسم مستعار يكون في سبب .. اللي هو
You have your own privacy
كل شخص يحب يشعر بنوع من الخصوصية ..
من فتره اكتشفت انه في حد اعتدى على خصوصيتي يمكن من غير قصد
وقررت قرار "شنيع" .. اني اترك منتداي العزيز اصدار الامارات
وحتى مدونتي! .. ولكن قررت فالنهاية
انه ما اودر اكثر شيئين يحسسني بالسعادة يوم اقضي وقت فيهن
خصوصاً ان الواحد يدس الشي لو كان خطأ :)
وانا افتخر جداً بمدونتي الخربوطيه العزيزة
"لا تخافون ادري ما تستغنون عن مدونتي هههه"
سنفور مهندس
يقول عابر سبيل في تدوينته
"مدونات السنافر"
"مدونة السنفور مهندس : ضائع بين التصاميم، تدخل المدونة، تكتب تعليقا فيتغير شكلها مباشرة !
لديه آلاف التصاميم والقوالب لا يستطيع اختيار المناسب منها حتى الآن، يريد أن يكون ذو تصميم مميز دائما، ينجح احيانا، لكنه يحب الهندسة والتغيير، فينقل العمود الأيمن لليسار، فتنهار المدونة، ثم يبحث عن تصميم آخر، كل ذلك يتم في يوم واحد !"
صراحة، من يومها كل ما أفكر اغير ثيم مدونتي اتذكر كلام عابر سبيل واضحك
لانه بالفعل انا الحين افكر بتصميم جديد لمدونتي
شنسوي ... مثل ماقلت سنفور مهندس يحب الهندسه والتغيير
"وابشروا بالتصميم اليديد قريبا ان شاء الله"
"ثقة .. أونه عاد؟"
أمس (اليوم بالنسبة لي) سرت بوظبي موعد في مستشفى خاص
أنا للحين ماعرف هل بطاقات ضمان ثقة نقمه ام نعمه علينا؟
كل المستشفيات الخاصة اصبحوا العن من الحكومي قبل!
مبوزين ومعصبين وحالتهم لله .. داقين علي من العين
عشان ايي اشل اوراقي .. وبعد يومين اللي هو اليوم سرت
اتريت عشر دقايق عند الرسبشن اتريا حد
ويوم يا الشخص .. قلت له لو سمحت دقيتولي عشان اخذ اوراقي
عطيته الاسم وكل شي
مسك مجموعه أظرف دور فيهن اسمي وقال: ماشي اسمج
تميت اشوفه .. قلت له شو يعني ماشي؟ انتو داقين؟
على طول عصب .. قال يعني شو ؟ ماشي يعني ماشي شو اسويلج
والدكتور اصلا مسافر امريكا
وبكل (وقاحه) < اسمحولي ع الكلمه
قام وخذ اوراق الشخص اللي بعدي !!!
انا مب من النوع اللي يحب يسوي مشاكل .. تميت ساكته دقيقه
قلت له بعطيك رقم الملف شوف يمكن حاطينه فالملف
رد وعصب وقال ماحد غيري هنيه انا وبنت
ومره ثانيه سألي منو اللي كلمج
قلت له يا اخوي .. اذا على من كلمني
تقول انه ماحد غيرك هنيه وحرمه؟
وانا كلمني ريال، شوف انت وين حطيت الاوراق
عصب اكثر واكثر
اخر شي !! يت ممرضة الدكتور وقالت شو فيه؟
بكل سخافه قالها بالانجلش يتحراني ماعرف شو يقول
"تقول أونه، عندها تقرير هنيه ونحن داقين لها"
وجيه حايس بوزه لاايعه جبده
-ياخي اذا معصب من شي لا تطلعه فشغلك!-
بكل بساطه مسكت الممرضة الاوراق اللي عداله وطلعت التقرير
امي عصبت .. من اسلوبه وكسله وردوده
وعقب قلت لها تستهدى بالله ودام حصلنا التقرير يولي
فعلا لازم ينقون ناس عندهم اسلوب ع الكستمر سيرفس!!!
او الرسبشن بمعنى اصح!
Twilight
مازلت اجاهد في قراءة القصة
رغم انها رائعه بس احس النت يشغلني عن القراءة !!
رغم إن الفلم نزل فالسينما .. بس مادري ليش احس انه سخيف
مب مثل القصه!! .. من التريلزر .. ماعيبني الممثل احس اللي فالقصه
واصفتنه الكاتبه بشكل غير >___< حد راح؟
رسمة
قلت لرمادية اني بحط رسمة شفتها
رسمتها سنة 2001
واول ماشفت الرسمة تذكرت رمادية
لانه الرسمه بالقلم الرصاص
.... هاه رمادية شرايج برسمي سنه 2001 لووول
8 comments:
أحلى شي انه هالتدوينه منيه ومناك
وبما أنك سهرآنه فصباااحك ورد
^ـــ^
وبانتظار الثيم الجديد حلو التغيير
وعقبالي أغير ثيمي المغبر< مدري متى بس
المستشفيات البنوك المعاهد كثير نقابل هالاشكال اعتقد الخلل مب من المكان الا من الناس أنفسهم ,,الله المستعان بس
Twilight < ماأعرفوش :)
الرسمه عجبتني نظرات البنوته الله يحفظها لبيتها وعيالها هههـ
همسه لرماديه > الحين صاروا عندج أكثر من منافس بالرمادي
*ـــ^
تحيتي لك
بالنسبه للخصوصيه معاج حق
بس سوي لهم طاااف وماعليج منهم
وبالنسبه للموقف
لو انا منج كاااان انطميت وتميت ساكته ><
خرخيشه اخاف من اللي يصارخون ><
الرسمه ^_____^
فيررررري نااااايس
اي والله يابنت الشيوخ كثروا منافسيني خخخخخخ
ترا هالرسمه الصغيره تعبر عن اشياء كثيره في شخصيتك
أولهم الخط خطك دائري بالضبط مثل خط اخوي عبدالله وهذا يدل على الكرم
وفعلا اخوي كريم امي تقول
يوم كان صغير,, بيتنا القديم النافذه ع طوول ع الشارع فكان يجلس هناك ويجيب كل الشيبس والبسكويتات ويحطهم في اكياس وكل مايمر احد يعطيه خخخخخخخخخخ
تقل سبيل ههههه عليه حركات من صغره
في عندك خطأ بسيط في الرسمه لازم تنتبهين له
وهو اتجاه الانف رسمتيه كنقطه
والمفروض الانف يتغير بأتجاه الشخصيه < بهذا الاتجاه
انا رسمت الانف بهذا الشكل > والشخصيه تناظر قدام في رسمة" حلوة الاحساس " يعني عكست الموضوع
وتمت شرشحتي من قبل منافسي>< كاتب النقد خلف الرسمه
عاد يوم شفت النقد انقهرت وأعلنت التحدي ><
^_^
اتمنى اشوف رسمات اكثر :))))
وعذرا ع الاطاله
مسائج عسل يا بنت الشيوخ
والله تولهنا عليج .. فجأه اختفيتي
ولكم باك
يالله عقبال ثيمج اليديد بانتظاره
الناس فعلا شي فيهم .. مرات تقولين ما تلومينهم من الضغط ومرات تحسين بقهر!!
احم انا مانافس حد ارسم بروحي لووول لا تخلين العرج ينط عند رماديه وهي عندها امتحانات .. عقب بتقول تبا ترسم اكثر
رمادية:
هيه والله طاف ^___^
الموقف :
لا هو ماصارخ بس يكفي ملامح ويهه واسلوبه الزفت اسغفر الله >_< وانا عاملته ببرود بعد!!
الرسمه: ياخي لاحظي انج تعدلين لي رسمه الحين من 7 سنوات لووول ... وين تبين >_< .. واصلا ماحب ارسم الخشم ولا الفم مادري ليش >_< ..
خطي لين الحين جيه احسه كوميك سان
يالله بشوف رسمات ايدد وبراويج
أشوف المدونة شي شخصي
لو تكتب بالهندي مب مشكلة !
أهم شي تكتب
بخصوص سنفور مهندس
شكلي لازم أغير إستايل المدونة
لاني في واحد ماكل جبدي :) كل شوي غير و غير و ما تشتغل على الإكسبلولر بشكل عادي
طيب إستخدم فايرفوكس!
بالنسبة لهالموظف
الله يهديه
مهما كان إلي يدامك معذور
محد يسير المستشف يلعب
الكتابة بأسماء مستعارة شي يجعل الكاتب يشعر بأنه شخص مختلف :)
مع أنني أستخدم اسما مستعارا إلا أنني أذكر اسمي الحقيقي دائما ولا أرى في ذلك حرجا
لكن النساء يجب ان لا يفعلن ذلك :)
السنفور مهندس هذا مشكلة ههه
ما كان قصدي لا حد يغير التصميم، يعني التغيير شي مطلوب، لكن مش تصميم الصبح وتصميم بالليل هه
وفقكم الله :)
AAM:
مبروك الاستايل اليديد .. جميل جداً ^___^
مثل ماقلت المدونه اولا واخيراً هي شخصيه وتعبر عن راي شخصي
في ناس وايد يبون يغيرون هالشي ويبونه تحت مظلات معينه ^___^
افضل الفايرفوكس على الاكسبلورر !! بشده بعد
عابر سبيل:
اسم مستعار او اسم حقيقي العقل والفكر واحد!! مادري ليش ناس يصرون على كشف اشياء مايخصهم فيها .. او ناس يدعون للكشف عن الشخصيات!! الصراحه ماعرف شو السالفه :)
-___- سنفور مهندس صدقني لو وده كل يوم تصميم << انا .. لكن المشكله يوم ماشي فكرة تقنع الواحد
Post a Comment