رغم إني زرت سويسرا فقط لثلاث ليالي .. اي يومين فقط !!
لكن ماعرف ليش عندي شعور ولهفة دائمة اني ارجع هناك
ماحب اقعد خارج البلاد اكثر من اسبوعين .. احس انها معاناه
لكن أعتقد لو اني سرت سويسرا ماعندي مانع اقعد شهر كامل!
بما إني عارفة إن مستحيل هالفترة أحصل وقت حتى أوصل دبي ولكن
مازلت احلم ان في امكانية اشرد لسويسرا لمدة اسبوعين ثلاث أو أكثر!
ومع ان هالحلم يبدأ بالتلاشي كل فترة بسبب ظروف الحياة الجميلة
اقرر وقتها اني اتناسى الحالة النفسية اللي تقول: أباااااا أساااااافر
اتفاجئ ومن مدة شهور، إن ما يمر اسبوع الا احصل صور سويسرا فايميلي
أنا ماعرف، هل اعضاء قروبي البريدي (هيه عندي قروب جميل جدا) يقصدون؟
هل صديقاتي يبووون يقهروني :( .. ولا شو السالفة بالضبط :( .. واااء
يعني هم يعرفون اني احب سويسرا ..طيب لا تراوني الصور ..لأن باختصار
كل ماشوف الصور ترجع الحالة النفسية !! أبااااا أسااااااااااااافر
طبعاً أكيد عرفتوا ان الحالة النفسية رجعت .. تبون تعرفون شو السبب؟
يوصلني كل اسبوع مثل ما قلتلكم على ايميلي الخاص صور سويسرا
غير الصور اللي توصل في ايميل الدوام .. وكل مره اقول بقولهم لاااا اطرشون
بس ماقدر :( ما امل ابدا من صور سويسرا الجمييلة ... بس اللي قهرني اخر شي
الاخت دانيا الخطيب .. ولا ماعرف شو اسمها بالضبط :( اللي تسافر حول العالم
وتشوف اكلات من العالم .. الله يخلي قناة فتافيت .. مسوين ريبورت عن سويسرا
انا اقول الحمدلله ان محد فالبيت .. عشان ما يشوفوني شقا لاصقه فالتلفزيون!
طبعا من بين التقارير اللي مسوتنها مطلعه هالمكان مال الجبن!!! رغم اني
اشك ان طعم الجبن بيكون لذيذ!! .. لكن ودي اصور انا هالصورة :( شكل
المكان حلو!! ... وبعد ودي اجرب الاستيك اللي حطت فيه شريحه من هالجبن!
وااء يقهرووون ... يارب ... متى حد بيرفق فيني ويعطيني من وقته ويوديني؟
وبيني وبينكم وعشان اكون حقانية -_- حتى لو حد عطاني من وقته ..
انا ماعندي وقت، يعني المهم .. ان السبب مب مني احطه في اي حد غير لول
-_- كله من دانيا الخطيب .. ولا ما رجعت الحالة .. هالمرة صوت وصورة وفيديو
مب بس صور فالايميل -____-
أبا .. أسافر .. -_-
8 comments:
والله اني انا اصيح من سنتين ابى اسافر اغير جو
اخر مره مسافره مغيره جو يوم عرس اخوي في السعوديه بس :|
وهذا ما يعتبر تغيير جو مراكض مني ومناك *_*
ابى اسافر ادلع عمري شوي واتدلع واشوف اماكن حلوه واشم هوا حلو
صح الجو بادي يستوي حلو في البلاد ولكن ما امانع اني اشرد واسير وياج سويسرا لو يومين بس --
لوول
سويلهم اقنوور او بلوك ليست هاللي يطرشلج عن سويسرا
عشان ما يخترب المزاج وترد الحالة النفسية خخخخخ
فعلا اذا فيه شخص يحب دوله ويتمنى زيارتها
من يشوف صور يطيير باله ويشتاق لها وودة يسافر الحين قبل باجر
دانيا الخطيب اذكر كانت تنزل برنامج اسمه " القافلة " وكل مره في دوله وكنت ما اتابع إلا هالبرنامج بما اني من النوع اللي ما احب اشوف التيفي .. بس هالبرنامج وايد احبه
تتعرف على ثقافات الدول الاخرى وما يخبيها من معالم سياحية
الله يصبرج اختي وبتسافرين ان شاء الله وبتلقين من ينشد عليه الظهر وبيوديج
^_^
موفقه
Autum Silence
noon:
حدج الحديقة .. وايد عليج جان بنوصلها ونشرد .. تخيلي نشرد سويسرا؟ لوووول وناسة .. يبالها تخطيط استراتيجي .. بس بعدنا بنعيش في عالم من الاحلام .. لول
ضحكتيني
Autumn Silence~
حياك ياخوي .. لالا ما بسوي بلوك لاني ابا اشوف الصور .. بس تعذيب نفسي -_-
شكرا على الرد .. وان شاء الله اسوي تقرير قريب عن سويسرا!
I have heard a lot about Swiss and really I wish to visit it one day,,
but now I focusing on the Greece,, I want to visit Greece on Jan even if it is for 10 days,,
I wish..
توه واصلني اييمييل
عنوانه
.. شوف وحرق يوم ، انظر لجمال سويسرا..
سيييده انطرييت ضحك هههههه قلت ما الومها ليل دي
صدق صور تخبل وجمييله لأبعد حدوود
قلت بسوي بصمة ازعاج بعد وبرسله للقروب عندي خخخخ
Autum Silence
السلام عليكم ورحمه الله و بركاته
بلوق جميل و يوصف الحاله بشكل دقيق
:)
الله يعينج يا ليل
و بالتوفيق لكل قادم ان شاء الله
و نحن نرقب كل يديدج
السلام عليكم ورحمة الله وبركاته :
يا حي الله بليل ويا حي الله بمواضيعها ، يابنت الحلال ترى و شوف وحرق يوف ، صدقيني نركض دراسة ، دوام ، وما نعطي نفسنا وقت للترفيه وإن بغيتي الصدق ،، لازم تسافرين تغيرين جو لأنه بترجعين لج نفس للدراسة والدوام ، أو على الأقل راحة في البيت لا ويع دوام ولا دراسة ، وإلي يوديج مكان يريح البال والأعصاب ,, شتينا اليوم ، شلي دلج وقرص على اليمر ويلسي في العراقيب لي في البدع جو ما في أحلى منه .. وبالتوفيج
مودتي والوردّ
القطــا
Post a Comment