Saturday, February 6, 2010

بديت أكره القطاو

أول شي احب اعتذر عن التصميم اليديد
لاني بديته وبسبب ظروف ماقدرت اكمله 
يمكن اشوف حد اعطيه الرسمات ويكمل التصميم مثل ما ابا
بشوف دزاينرز اجانب ، اذا حد عنده مواقع لمصممين بليز عطوني

--------------- أكره القطاو -----------------


عندي غرفه فالبيت خاصه بالدراسه والانترتينمنتسسسس ومكتبه والوي مالتي فيها
يعني هالغرفه بالنسبه لي هي الملاااااذ من حشره الناس، انخش فيها عنهم
ونفس الوقت ادرس فيها واقضي الوقت يوم ابا اغير الجو - المهم !!!

تخيلوا هالغرفه  لازم دايما تكون مرتبه ومعطره ومدخنه يعنييييي
اهم شي عندي اني ادخلها واحس اني داخله غرفه غير عن البيت !!
 المهم اني كنت خارج العين لمده ايام، ومامريت على الغرفه
ويوم رديت، قلت بسير انخش فالغرفه السريه مالتي!! وجيه بكل ثقه
شاله الابتوب ورايحه متهيئه نفسياً اني ادخل ع المنظر المتعوده عليه

لكني انصدمت بالمنظر اللي شفته!!!
يعني فحياتي ماشفت منظر هيييييييك!!! صدمة!!
لقيت الزوالي وصخه اكرمكم الله (وااء توهن يداد) الكوشنز فكل مكان
الصاله كلها غبار، الغرفه داخل!! كانت الصدمه الاكبر!!!
حسيت عمري في فلم اكشن!!! كل شي متكسر!!! 
وكل شي منثر فكل مكان، والتحف الصغيره مالت الديكور مكسوره
ومب بس جيه كل قطعه فمكان، والستاره طايح نصها
والدريشه مفتوحه والغبار مسوي طبقه عازله للبرد 
والله لا يحطكم فها الموقف وانتو تشمون الريحه!!

اشك ان القطوه اللي دخلت كانت متخلفه عقلياً !!!!!!
ولا مكتبي الجميل!!! القطوه خلته جنه من سوق البتان! لول
صدقوني شكلي كان مثل الاخ اللي فالصوره هنيه!!!
انا يوم شفت هالصوره ترا اصدق ان القطوه يمكن انسدحت ع المكتب!
لااا مب صاحيه!!! متخلفه



أنا بس ابا اعرف القطوه شو الله كالفنها توصل لين فوق
وما حلالها التخلف العقلي الا فالغرفه؟ ماخلت شي لووول
اتخيل شكلها جيه نشبت فالغرفه وعلقت وتروعت ههههههه
انا كان عندي قطوه قبل -ـ- بس كانت مؤدبه حدها لو بتسوي شي
بتحك اظافرها ع طرف الكرسي!! لكن قطاو الحاره!!!!
شي لا يصدق -ـــــ- الحين تذكرت (بحر) كنت اقولها ام السمج!
لان كانت تتشكالي من القطاو وانا اقولها القطاو احلى شي

مسكينه كل ما تدخل المطبخ وتسوي سمج تلف تلقا القطوه شاله سمجها
لوووول  وكنت اضحك عليها واعايب -ـ- عقب ماشفت الغرفه اليوم
الحين عرفت مسكينه شو تقصد يوم انها تكره القطاو!!!

على العموم ،،،، شوفوا هالفيديو، وجيكوا قناة الريال فاليوتيوب
وايد حلوه الرسوم مالته وتجتل من الضحك، ومعبره جدا عن الموضوع
لوووول انجووووووووي - ومبروك عليكم الرحمه يا هل العين





6 comments:

شاي الضحى said...

اكره شي بالدنيا القطاوه

ماحبهم ماحبهم مااااااااحبهم

سمو الأميرهـ ..ツ said...

بالله علييج ..اشقاايل اتحبينهم؟؟؟؟
هاييل ينحبوون
؟؟
o_O

أكرههم
ما أطيقهم
كفاية مبطلين دار أوبرا فحوش بيتنا
وكل ليلة أغانيهم توصل حجرتي
انا الوحيده اللي اتلعوز من أصواتهم
حشره
*******
لو بتنفذين أي عملية إرهابية لإبادتهم
انا حاظرة

Heidi said...

هههههههههههههه

وأخيراً كرهتي القطاوة

الحمدلله

@@

القطــآآآوة شر محد حس فيني قبل

حسبي الله عليهن ما أداني شكلهن

@@

Na3omi said...

ههههههههه ظحكني موت الفيديو خصوصا اول ما عفدت القطوه فوق الكتاب .

شكلها قطوتج كانت حاطة عينها على غرفتج من زمان وانتهزت فرصة غيابج
^^
مدونتج كيووت صراحه اتمنى ماتغيرين تصميمه ^^

Hanan said...

اوووف شهالقطوة الشرية :@؟؟
والله لو انا منج جان نحرتها من زمان .

AM.SA.CHANNEL said...

ههههههههههههههههههههه و الله إظحكين مت من الظحك إنتي و يالقطوة

و الله ما أتخيل الحجرة معطره م مدخنه و مرتبه، و تدخلين و تشمين ريحة قطــــــاو هههههههههه أخس شي.. لا بس هالقطوة ماشاء الله عليها شكلها معضله ههههههه حتى الزوووليه ما سلمت منها ههههههههههه