كتاب ألزهايمر
للكاتب غازي عبدالرحمن القصيبي
كتاب أقل ما اقول عنه رائع! .. هو كتاب صغير
ممكن خلال ساعتين متواصلة يخلص!
يعني على مرتين خلصت الكتاب
يتكلم الكتاب عن قصة شخص
بدأت فيه أعراض مرض الزهايمر
بدأ ينسى ذكرياته وينسى وايد
ترك زوجته وقالها بيسافر!!!
لكن ما قالها انه مريض؟
وراح أمريكا يتعالج
وبدا يكتب لزوجته رسايل
يخبرها عن المرض
وكيف انه قام ينسى
وقصص فالمستشفى!!
كان رقيق في كلامه مع زوجته فالرسايل
مثقف في معلوماته عن المرض والتوثيق
سلسل ومتسلسل فالكتابة فما تحس بملل
أحزني المرض! .. خصوصا وهو يوصف!
أفكار ممكن تمر فينا هو يكتبها بصراحة
من خلال هذي الرسايل!
هل ممكن اسلوب الكتابه مرتبط في فتره مرضه؟
لانه من الكتب الاخيره
والصفحات الاخيره جدا معبره!
يعني من الكتب اللي حبيتهم
وودي اقتبس منهم وايد كلام
يستحق القراءة
ويكفي أنه لغازي القصيبي !
رحل وترك وراءه نتاج أدبي رائع!
رحمة الله عليه
7 comments:
حسيت هالكتــاب كأنه هدية لزوجته أو ينقل أحاسيسها إلها قبل لا يتوفى، و يبين إنه كان يشبه مرضه بالزهايمر
بس ما أعرف ما كنت أحب أقراله قصص لكن هالقصة قريتها و أحس تأثر فيها يمكن لأنه كتبها و توفى
الله يرحمه يارب ويغفرله
شفيهم على الزهايمر
عادل امام - عواطف البدر كلهم الزهايمر
لما نزلوه بمعرض الكتاب
نفذت الكمية بيومين
للأسف ما حصلته عشان أقراه
لكن اللي قروه يشجعون على قراءته
أتمنى انه ما كان مجرد كتاب انقرأ وينسي بعدها بفترة :)
AM.SA.CHANNEL:
هيه خصوصا اخر الصفحات! جدا معبره! انا سويت بحث عن الكتاب بس من كثر ما حسيت الكلام مؤثر كأنه يعيشه! وعقب عرفت انه كان من الكتب الأخيره له قبل وفاته! ،
الله يرحمه
شاي الضحى:
I just saw the ads!
بس هالكتاب من ٢٠١٠
خذيه بيعيبج :)
Seema:
يومين -ـ- رقم قياسي صراحه
انا خذته من المجرودي :) واذا ما حصلتي بطرش لج انا نسخه
هاه شو قلتي؟
ممممم تصدقين عاد
اني قرأت هذا الكتاب
ووصلت لين النص وماكملته
اول مرة مااكمل كتاب
مادري ايش السبب
مع ان الاسلوب رائع كعادة الكاتب
لكن الكتاب ماكملته
شكلي برد اكمله :)
Post a Comment