Friday, December 31, 2010

مطعم كورياندر - Coriander Restaurant

السلام عليكم ورحمة الله
جمعة مباركة جميعا وتقبل الله طاعاتكم وصلواتكم 
وعسى جميع دعواتكم مستجابة :) 

ريفيو بسيط عن مطعم كورياندر
المطعم في (بوادي مول - العين) 
هو مطعم هندي
مكانه عدال دايسو! 

بصراحة جدا رائع وديكوره جميل
والاكل لذيذ جدا جدا :) 
واهم شي ان فيه (كباين) للعائلات - اهم شي الستر هههه

-- الصور -- 

هالخلطات الثلاث -ـ- الحلوه الخضره بس
ايبون معاهم كسرات خبز مربعة!
نوعيه الخبز مثل البسكوت مب مثل اللي اييبونه فقصر الهند!
الاهل حبوه بس شخصيا احب الخبز الرقاق الهندي العادي

هنيه المطعم - صورته والاخت (الويتر) داخله تاخذ الطلبات
بصراحه كان ودي اقعد خاري :(
بس شنسوي زحمه ورياييل :) واصلا ممنوع!
ها طلبنا 
بطاطا مقلاي 
برياني دياي
بتر جكن - دياي
صالونه نفس البتر جكن لكن ربيان
البتر جكن والبرياني ماعليهم كلام صراحه!!!!
اما الربيان ما اكله -ـ- بس عجب الوالده! 
وها جبن مع نعناع انا طلبته
وايد حلو ولذيذ لكنه حااااار!
فكلت منه شوي بس !
بصراحه اول مره اجربه او اشوفه فمينيو مطعم هندي
عجبني !

صراحه الاشيا اللي ما عجبتني فالمطعم التالي:
اسعار الاستارترز نفس اسعار المين كورس ! 
يعني اول مره اشوف مطعم جيه لول...
يعني بالعاده الفرق ممكن يكون بسيط!
بس هنيه لا ممكن يكون الاستارتر اغلى عن المين كورس 

الشي الثاني اللي رفع ضغطي! 
وااااااااايد بطيئيين! يعني اذا تبون تسيرون
ميك شور ماشي وراكم! وجيه رايقين بتمون فتره طويله
استعداد نفسي!
ههههه عاد انا كنت ميته يوع .. عشان جيه قهروني
وصورت الجيسه مالتهم عشان اطرش لهم ايميل!
اقولهم مطعمكم كل شي اوكيه الا الخدمه البطيئة!
ليش اصور؟ ... لاني اكتب وانسى وين الورق
او اصلا اوني بحفظ وعقب انسى
التصوير اسهل :)

يستحق التجربه :) واعتقد في مكان تقعدون برا
والجو جميل ويساعد ... :)

اوه تذكرت شي ما حبيته بعد!
حاطين شيره كرسمس ع الباب < وحده حاقدة

ووو بس :)

15 comments:

Seema* said...

يبيله!

Anonymous said...

bel3afya inshallah =)

رورو الشخبوطه said...

بالعافيه يارب..

اكره ماعندي الخدمة البطيئة:\

bananaq8 said...

HaPPy new year :) wish you all the best inshsllah

candy cotton said...

بألف عافيه يارب
وكل عام وانتي بالف خير

purpleyah said...

بالعافيه وكل عام وانتي بخير

Hajar Ahmed said...

جربت هالمطعم مرة ..
حبيته جدن ..

بـ العافية عليج وكل عام وأنتي بخير ..

(=

lil.D said...

Seema:
حيااااج :) اقربي بنعزمج

lil.D said...

Hanan:
الله يعافيج يا خيتو :)

lil.D said...

رورو الشخبوطه:
الله يعافيج .. اي والله يقهرون! هههههه خص لو يايه تاكلين بس مب ياليه تسولفين هههههه

lil.D said...

Bananaq8:
Awww so sweet of you Thanks a lot :) and welcome to my blog!

lil.D said...

Candy Cotton:
الله يعافيج يا خيتو :) وانتي بخير وعسى العام الجديد احسن من السابق!

lil.D said...

Ms.Purple:
الله يعافيج :)

lil.D said...

21Dream:
هيه جدن جميل هههههه

الله يعافيج وشكرا :) وانتي بخيير

Seldompen said...

والله الاكل شكله يشهي

:))

بالعافية على قلوبكم يارب

تقبلي مروري.

تحياتي