Friday, January 14, 2011

تجربتي في تقشير ويهي - ديرم أميلان Dermamelan Treatment

السلام عليكم ورحمة الله

اليوم بتكلم معاكم عن تجربة خاصة للتقشير
حبيت اكتب الموضوع لاني عانيت فترة طويلة
اكثر من سنة! والسبب علامات حب الشباب؟
وصراحة أحس بمعانات اي وحدة تعاني من هالعلامات!

في البداية احب انوه ان التقشير سويته بعد علاج الحبوب
يعني بعد ما خذت المضادات وغيره لين راحن
المرحلة الثانية طبعا هي التقشير!
وسويته فالشتا ولله الحمد

التقشير اللي سويته هو
Dermamelan Treatment

التقشير كان على مرحلتين

المرحلة الأولى: في العيادة
قناع مدة ٨ ساعات
اللي صار ويهي من يومين لثلاث محمر
احمرار بسيط مثل يوم تروحون البحر!
وبعدين جف وااايد! وكنت استخدم مرطب
بعد ثالث يوم قام ويهي يتقشر مثل جيه:

المرحلة الثانية: في البيت
بعد اليوم الخامس كل يوم فالليل استخدم الكريم الليلي اللي هو ديرم أميلان ! 
كل يوم احط طبقه على ويهي قبل ما ارقد لمده شهر كامل، وهالشي يخلي ويهي يقشر بعد كل يوم! 

النتيجة:
العلامات اختفت
ويهي توحد لونه

نصائح مهمة:
١- عملية التقشير كانت بمتابعة طبية
٢- كريم الشمس لازم احطه كل ساعتين 
٣- ارطب ويهي اذا حسيت الجفاف مؤلم او ابا اخفي التقشير
٤- ابدا ما احط مكياج على ويهي
٥- ما اتعرض للشمس - خصوصا فالمرحله الاولى
٦- نصيحه اللي بيجرب ياخذ اجازه اسبوع
٧- تابعوا العلاج مثل ما يقول الدكتور وللمده المطلوبه! ما ينفع تبدون فيه وما تلتزمون عقب تقولون ما نفع؟

خطأ: 
هالشي سويته وانا جدا ندمانه، لما كان ويهي يقشر كنت بعد ما اغسل ويهي انشفه بالفوطه واحركها بشكل دائري عشان ينزل الجلد المقشر! لاني ماكنت حابه شكله ابدا! والنتيجة ان مرات لما الفوطه تشل الجلد المقشر يسوي علامه مثل الشمخ

صح:
يوم تجففون الويه بس حطو عليه الفوطه لين ما ينشف الماي مع ضغط بسيط بدون ما تجبرون الجلد يقشر!


مكان العلاج: كوزموسيرج
لكن ممكن تحصلون نفس المكان عند اي مستشفى او عيادة جلدية مثل د.سعاد، فاين كير، وسيلكور! واماكن ثانية

للعلم:
اللي يبون توحيد بشره وتقشير اخف ممكن يستخدمون كوزميلان وهو تقشير اخف للويه من الديرم اميلان او مثل ما ينصحكم الدكتور!

وهاي صوره لوحده استخدمت العلاج (من النت) :

فالنهاية:

كنت منحرجه جدا اني انزل هالموضوع! ولكن اتمنى ان حد يستفيد منه ولا تنسوني من صالح الدعاء

32 comments:

رورو الشخبوطه said...

ليش منحرجه من عرضه ؟

بالعكس وايد استفدت من البوست..

ومشكوره..

may said...

يالله ياربي ينور ويهج بطاعته ورضاه
مشكوووورة على هالبوست
يا في وقته
/
بس سؤال
لازم يعني اخذ المضادات؟
:(
انا ماقدر اخذها بس بنفس الوقت ابي اقشر ويهي
تعبت من الحبوب
/
بحفظ الصفحة هذي بالفيفوريت عندي احتاج لها

may said...

يالله ياربي ينور ويهج بطاعته ورضاه
مشكوووورة على هالبوست
يا في وقته
/
بس سؤال
لازم يعني اخذ المضادات؟
:(
انا ماقدر اخذها بس بنفس الوقت ابي اقشر ويهي
تعبت من الحبوب
/
بحفظ الصفحة هذي بالفيفوريت عندي احتاج لها

lil.D said...

رورو:

ماعرف بس حسيت جيه: )
الحمدلله انج استفدتي
هالغايه من الموضوع
^ـــ^

lil.D said...

مي:

ماعرف اذا لازم تاخذين المضادات؟
على حسب نوع الحبوب اللي بتطلع لج
او انها بس علامات
او غيره
شوفي شو يقولج الدكتور او الدكتوره احسن
لان ماله داعي تقشرين ويهج
ويصفا ويكون جميييل
والحب بعده يطلع؟


والحمدلله ان البوست يا في وقته :)

Jawaher said...

Lil.D
I don't get to talk to you anymore like at least before, but know that your mails mean a lot to me and you're an important part of my online life =D.

so hun, thanks a lot for this 1 too, who doesn't need this now xD

First off, Congrats on gettnig rid of the 2nd girl enemy <_< (fats is #1) I hope it's once & 4 all.

I made some quick research after seeing your mail and a lot of reviews go like: "It only worked at the beginning but after a while all the problems reappeared again!"

My question is, do you know if it's REALLY affective in the long-term?

Another question is, do you know a place in UAE where it SELLS this (a trusted source)cuz am sick of wasting money on fake stuff, or do you know if those famous clinics do sell it to customers without taking the treatment?

and finally do you think it could actually work for someone without having to attend treatment sessions in clinics and following the supervision of a pro dermatologist? (Note: I'm currently taking skin antibiotics).

Lol that's too much curiosity on my part ^.^ waiting for your answer :).

lil.D said...

Jawaher:

Nice to see you around sis, I'm so flattered after reading your comment :) and let me answer your questions:

1-"It only worked at the beginning but after a while all the problems reappeared again!"

انا كنت اعالج علامات الحبوب، مب استخدمه دلع لتوحيد البشره وجيه، عفكره التريتمنت يخلي الخدود حمره وجدا هيلثي! يمكن بعد فتره لو ما كملتي واهتميتي بويهج راح يكون باهت ومب فريش مثل ما توج مقشره! اما الحبوب تطلع ولا ما تطلع؟ اصلا هو مب علاج للحبوب هو علاج تصبغات، عشان جيه المفروض مب بس نسوي التريتمنت والتقشير وننسى الايام الباقيه نهتم بالويه؟ الدكتور اهم شي قالي عنه هو واقي الشمس ،،، وثاني شي قال بعد ما تروح العلامات ١٠٠٪ ان شالله بيعطيني كريمات فيها فيتامينات بتساعد ان يتم الويه فريش

2- Is it REALLY effective?

اذا ما بيطلع لج حبوب زين ههههه ، هالسؤال ماقدر اجاوبج عليه لان كل شخص وحالته تختلف، مثلا اللي يطلعون فالشمس وايد مب نفس اللي ما يطلعون؟ واللي ويوهم ما تطلع فيهن حبوب مب نفس اللي البشره ما تصدق تطلع فيها حبوب؟ ... للاسف ماعندي جواب :)

3- Where to sell?

القناع اللي ٨ ساعات، ها بروفشنال وما اعتقد يبيعونه، اما المرحله الثانيه، اعتقد بتحصلينه عادي فاي صيدليه، شوفي صيدليه العين او ابن سينا او بوتس! انا بس سرت حطيت القناع ، ورحت مرتين عشان الدكتور يشوف لو ويهي اوكي او لا ،، لان بعد القناع العلاج فالبيت

4- does it work without going to the clinic?

ممكن :) لكن ها مقشر! ماعتقد تبين تحرقين ويهج -ـ- يمكن ما يناسبج والدكتور يقول يناسبج علاج ثاني! لان اللي بشرتهم وايد حساسه يعطيهم مثلا علاج كوزميلان ،، وهيك !


okay be curious as much as you want :) We all went through this! I kept searching for more than 2 weeks, going to more than 3 clinks, asking a lot of people online and on real life! ... it is huge decision for me :D

and that's why I thought to write about it :)

and please! ... keep in touch :)

Jawaher said...

^.^
Lil.D, your answers are so comprehensive. You explained everything so thanks a bunch.

I'll do my best in trying to find a good clinic in the coming winter vacation, hoping there will be some discount on the prices!!! xD

Keep up the inspiring blog =]
God bless us all.

bent el deera said...

مشكوووووووره وايد استفدت
انا الحين بمرحله الادويه وان شاء الله اول ما اخلص الكورس بشوي التقشير لان اثار الحبوب مضايقتني

purpleyah said...

بالعكس موضوعج وايد حلو ومفيد انا اذكر سويته من سنين مب حق شي محدد بس عشان يعطي نظاره للبشره عقب التقشير ووايد عيبتني النتيجه

Amora_hanim ِ said...

استخدمت هالعلاج بالكويت (مكان اقامتي) نهايه الصيف اللي فات
كلفني الماسك تقريبا 160 دينار والكريم سعره 70 دينار
بصراحه نتيجته كانت واااااااااااااااااو
شد للويه (مع اني مو كبيره توني كامله ال 32) ووحدلي لون ويهي
ووخر اي بدايه تجاعيد او خطوط
والويه صغر عشر سنين !
بشره اتهبل

لكن مع الوقت والسهر
مادري ليش ردت طلعتلي بقع :(
ورد ويهي مافيه نظاره
متضايقه من هالشي
وعلي فكره انا مسويته شهر 9 اللي فات
وخلصت الكريم المنزلي علبه كامله
ومعاه عطاني الدكتور خلطه كريمات ماقدر استخدمها لان من احطها تقشر ويهي

نصيحه راجعي دكتورج قوليله ابي نتيجه تظل ماتروح مع الوقت

lOsT said...

معلومات مفيدة جدا

انا سويت تقشير حق ظهري قبل العرس لأني كنت اعاني من آثار حبوب بعد .. تقريبا سرت 3 جلسات .. الدكتورة كانت تحطلي ماده مقشرة + وصفتلي أدويه .. حسيت ان الآثار خفت بس كنت المفروض أكمل .. ما قدرت اكمل لأني عرست + حملت .. اعتقد انه يأثر على الحمل ! ولهالسبب ما كملت ..ان شاء الله بعد ما أولد بردلها ..

Unknown said...

ربي يوفقك
البشره تتفتح والا بس البقع و يقولون ترجع البشره نفس اول واسوء صحيح ودي اسويه الله يوفقك ردي

lil.D said...

اختي انا من احسن الاشياء اللي سويتها هو ديرم اميلان!
حتى حاليا عندي الكريم من يخلص استخدمه ع الحبوب اليديده
لكني اتبع تعليمات الطبيب بشكل دقيق
خصوصا كيف استخدم الكريم واني ما اتعرض للشمس :)

التقشير مب حل عشان يخوز الحبوب!
الحبوب بترجع تطلع لسبب او لاخر مثل الدوره الشهريه او كثره الحلويات والزيوت والفاست فود او هرمونات او غيره!
علاج الحبوب غير!

التقشير يفتح البشره ويخوز العلامات

Unknown said...

ياعمري شكرا على ردك انا سويت تقشير وطلعلي تصبغات بعد كريمات اوباجي مدري خذا التقشير له نتائج عكسيه
وهل كان فيك نمش وكلف قبل ما تسويين التقشير
و متى اقدر احط مكياج
ويقولون البشره تكون كلها قشور ومت اقدر احط مكياج اول شهرين صحيح ها
الكلام

وهل سمعتي بتقشير اسمه cimel?
وايش الواقي الي تستخدميه حتى الان ؟
وشكرا لك يا قابي

lil.D said...

انا ما استخدمت اوباجي جدا قوي مع اني شفت نتايجه ممتازه على صديقاتي! .... بالنسبه لديرم اميلان ناسبني ... والحمدلله ما عانيت من مشاكل ... وخلال فتره التقشير طبعا مستحيل احط مكياج! وحتى بعد انتهاء المده (مب اقل عن شهرين ثلاث) ..انا اصلا ما بحب احط مكياج لان البشره تكون صافيه والخدود ورديه :) ...

واقي الشمس اللي استخدمه اسمه:
DCL (Dermatologic Cosmetic Laboratories) .. SPF50+ ..

Unknown said...

استعملت الديرماميلان من الصيدلية مع المرطب

النتيجه بعد تقشر اول اسبوع ومازال الوجه محمر
اخفى لي اثار البقع والحبوب لشكل ملاحظ لكن
لم يتوحد لون بشرتي ولم الحظ اي تفتيح الدا بالوجه لنه فقط مقشؤ للبشرة وليس مفتح

وقفته يومين لنه حسس لي الوجه وبرجع ايتعمله بسكل خفيف جظا مرتين اسبوعيا او ثلاث مرات اسبوعيا الى ان احصل نتيجه اذا فيه شي يفتح البسرة مع هذا النقشر ياربت تخبروني

soso77 said...

ممكن تفيدوني بالصيدليات اللي يتوفر فيها هالكريم بالكويت

Unknown said...

اختي انا توني مسويه العلاج بس ما اقدر اتحمل مصاريف الدكتور والمراجعات فابا اعرف منج شو استعمل بعد ما اخلص شهر من الكريم الي عطتني اياه عشان يوقف الحبوب واكيد انا استعمل واقي للشمس دوم شكرا يارب تردين

Unknown said...

في اي صيدليه احصلها في عُمان

Unknown said...

ممكن تفيدوني في اي صيدليه يتوفر في عُمان

Unknown said...

لو سمحتي هل لون بشرتك استمر صافي ولا اتغير و هل الماسك أمن على البشرة

Unknown said...

هل النتيجة استمرت معاكي و لا وشك رجع زي الاول و هل في اي اضرار واجيهتيها من اول ما عملتي الماسك.. ارجو الأفادة

Unknown said...

امين يا رب العالمين

Unknown said...

ما اسم الكريم المرطب اللي استخدمتيه

Unknown said...

افيديني بأسم الكريم المرطب ..

Unknown said...

عزيزتي شكرا لعرض تجربتك
اثناء استخدام الكوزميلان هل ممكن اروح الدوام واطلع عادي عند الناس ؟؟

Unknown said...

طيب انت بقالى شهر بستخدمه والنتيجه أسوأ من اللى كان عليه

Unknown said...

طيب أنا بقالى شهر بستخدمه والنتيجه أسوأ من اللى كان عليه

Asma said...

انت تقولين تحطينه قبل تنامين متى تغسلينهاذت صحيتي يعني عادي مافي وقت معين وكم الكميه اللي احط ع الوجه انا المرحله الثانيه اللي ف البيت واليوم ببدا استخدمه ردي ضروري بليز

Unknown said...

وين حصلتيه في عمان

زينب said...

انا استخدمت كوزميلان عشان تصبغات الشمس صحيح النتيجة حلوة وكل شي تمام لكن مجرد ما تخلصين العلاج تستانسين لمدة ثلاث شهور بالنتيجة يعدين يرجع وجهك نفس ما كان وترجع التصبغات انا سويته بعيادة بالعين اخدو مني تقريبا 2800درهم حسبي الله عليهم والدكتورة كدابة تقولي ما ترجعلك التصبغات لما تخلصي العلاج طبعا كلام فاضي