مارحت حديقة هيلي من سنة ٢٠٠٠
ويوم قالوا شي مهرجان تشجعت ورحت
صراحه استانست ... لكن مافيها شي مميز
يمكن لاني ماسرت المسرح؟ ما شفت العروض؟
ولكن بشكل عام الحديقة جدا نظيفه ومرتبة
والالعاب حركوهن خلوهن عدال بعض ........
العاب يديدة؟ هالسؤال اللي سمعته وايد
لا!! للاسف ماشي اي العاب يديده :) .. نفس الالعاب!
شي ضايقني:
عند التذاكر تمينا من ٤:٣٠ لين ٥:٤٥ !! عشان شو؟
لان في ناس للاسف مافيهم اي احترام ..
ولان الحديقه مافيها اي تنظيم
يعني ما يعرفون شي اسمه طابور! نتريا ساعه
وناس تدخل شرق وغرب عند شباك التذاكر ويعطونهم!
ليش ما يكون عندنا نظام نشتري التذاكر الكتروني؟
او من جهاز كيوسك؟ .... شو المشكله يعني! نحط الفلوس وتطلع التذكره
هالايام الجو جدا جميل :) يباله الواحد ياخذ فراشه معاه ويسير يقعد
في حد فاهم المحشي غلط لووول
Accident? o0ops
الشاحووووف! مال اول
لا غنى عن كفتيريات الهنود :)والاسكريم!
بصراحة كان وايد زحمة
والاغلبيه حريم وعيالهم وبشاكيرهم
(للاسف وايد حاطين العيال عند البشاكير!)
حتى العيايز يايات وكاشخات لوووول
بس كان اغلبه مواطنين .. يمكن عشان التذاكر؟؟؟؟؟؟؟؟؟
على العموم تفتح الحديقة الساعة ٤ العصر
التذكر ٤٥ درهم وكل الالعاب داخل بدون فلوس
يوم الحريم: يوم الاربعاء - ماعرف اذا في يوم ثاني
البقية عائلات
اللي اعرفه في مهرجين وعروض طيور واشيا ثانيه فالمسرح
بس ما سرت! ... رحت بس صوب القريه التراثية :)
استمتعوا :)
1 comment:
خاطري اسير وياج والله :(
Post a Comment