Monday, February 16, 2009

إيميلاتكم .. من هوتميل .. إلى جي ميل .. بسهولة ..

الآن . . تستطيعون إضافة كافة "الإيميلات" بخطوات سهلة جداً من الهوتميل إلى جي ميل
ولكن سأكتب الخطوات بتفصيل ممل جدا ومصور في خمس خطوات
http://i290.photobucket.com/albums/ll242/namfon3/139009ca1gsf7dkk.gif
قبل ما نبدا الدرس أباكم تحسون أن الكلاس فرندلي
"اكرر اللي يقولونه فالدورة لوول"
وهاكم اسكريم عشان تبسطون طول فترة الكلاس
"شفتوا حد يعطي كلاسات شراتي؟"
http://i290.photobucket.com/albums/ll242/namfon3/1210027_5340895.gif
المهم .. خلونا نبدا


http://www.voki.com/images/email/mail_logo_Hotmail.gif
ندخل على بريد الهوتميل .. ونختار كونتاكتس


Hotmail.com > Contacts list


نختار أكسبورت من قائمة مانج
Manage > Export
معنى أكسبورت هو (تصدير) .. يعني بنصدر القوائم من هوتميل إلى أي بريد آخر




الضغط على أكسبورت كونتاكتس
Export Contacts
هنا سيتم تخزين فايل بصيغة الاكسل ..
وعلى امتداد CSV
"مثلا خزنوا الملف على سطح المكتب"

http://www.pixsup.com/uploads/66220774ae.jpg
http://ec.mashable.com/wp-content/uploads/2007/05/gmail-logo.gif
الآن نتوجه إلى بريد قوقل
ونضغط على "كونتاكتس" وعلى أقصى اليمين نضغط على "إمبورت"
Contacts > Import
وهنا إمبورت تعني (استيراد) .. أي سنستورد القوائم من خلال الملف الذي تم تخزينه



الخطوة الأخيرة .. هي اختيار الملف الذي تم تخزينه ..
لاحظوا انه بإمكانكم وضع القائمة المستوردة من الهوتميل تحت اسم ملف جديد
أو إضافتها لأي ملفات سابقة ..
اضغطوا على إمبورت.. وانتهينا !!
" Import "

http://www.pixsup.com/uploads/b001b4f5fc.jpg
إن شاء الله الدرس اليوم كان مفيد لكم !! ..
ولا تنسوني من صالح الدعاء :)

http://www.yenta4.com/webboard/user_icon/1551704.gif?2009-02-16
You can ask whatever you want
Feel Free

18 comments:

|[ محد شراتي ]| said...

مشكوووره فديتج

من فتره والله ابا اسالج عن هالشي لانه ابا اطرش للبنات من الجي ميل

بس استحيييت اسالج و ماكنت ابا كل شوي احط اميل ><"
< < متعايزه

المهم عزيزتي يزاج الله خير

< ع فكره ، الصور مب ظاهر " مالت الشرح "

|[ محد شراتي ]| said...

وحده اطالع بنص عين . . !

طلعن الحين الصور عقب ماسويت بوست للرد

شكله كان مخرف شوي الموقع

lil.D said...

ههههههههههه
حبيت النص عين !!
مادري شو السالفة ؟ ..
ماعليه برفع الصور مرة ثانية من سيرفر غير
هالموقع للتحميل أول مرة أجربه!
-----------------------

افا عليج يا محد شراتي
انتي تامرين أمر :)
اذا بغيتي شي بس خبريني !!

ولووو!! ما بينا

AAM said...

يزاج الله خير

طيب و نقل الرسايل ؟

لأن كم يوم أفكر أنقل الرسايل للجي ميل

و أتذكر كم شي بس يحتاي أرتب وقت لها و أشوف

فإذا عندج طريقة سهله ننتظر :)

مستر مطوع said...

والله خاطري اسويها ... بس خايف من الفاينل ساتويشن

الحين ... انا بهالطريقة انقل الكونتاكت او الإيميلات الجدام إلى جيميل ؟


كيف غذا بغيت الرسايل توصلني مباشرة للجيميل وهن اصلاً متطرشات عالهوتميل ؟



"فهمتي شي ابلة"

نهــــــــــار said...

السلام عليكم ليل ...
مشكوره على الدرس مس ليل ..
(مطوره أقول مس هب ابله)
.....
فريندلي بالآيس كريم حرام عليج
مع جونا الحين
ناخذ الدرس وسيده عالعياده...
....
justأسولف وياج..
....
دمتي بخير

lil.D said...

AAM:

مافهمت قصدك؟ هل تبا تنقل الرسائل القديمة إلى حساب جي ميل ؟

اتوقع اذا ما خاب ظني في طريقة لتخزين كافة الرسايل بشكل عام .. بس خلني اجرب وارد عليك ان شاء الله

lil.D said...

مستر مطوع:

لا تعيش الجو وايد لوول .. شو بيستوي يعني فالفاينل ستيويشن؟ ما بتنتقل الرسايل لجي ميل ولا شو بالضبط؟

>_< .. جرب انت واذا ما عيبك طبه !! ...



اذا بغيت الرسايل توصلك مباشرة على الجي ميل عادي .. وحتى لو من اكاونتك الجي ميل ترد عساس ايميلك الهوتميل بعد عادي ...


هالخاصية موجوده فالهوتميل وفجي ميل POP3
فقط اضف ايميل الهوتميل في جي ميل واتح الخاصية !!
شوف هنيه
http://www.mydigitallife.info/2007/01/05/get-retrieve-and-consolidate-pop3-emails-with-gmail-mail-fetcher/

lil.D said...

نهار ..
وين عايشه انتي لوول
خلاص خلص الشتا الحين ربيع لوول < حلوة ربيع
وحلاته الاسكريم فالربيع ^_*

العفو نهار .. وشكرا ع التواجد الدائم

lil.D said...

AAM !!

صدق او لا تصدق
شي طريقة سهلة تطرش كل رسايلك من الهوتميل إلى قوقل بس بكم خطوة !!

شوف هنيه:
http://googlesystem.blogspot.com/2008/01/import-your-hotmail-messages-into-gmail.html

تسوي كوبي للانبوكس وسند على قوقل :)

مضيعه بيتهم said...

لنقل رسائل الهوتميل الى جيميل

http://www.rehlaonline.com/2008/05/12/transfer-your-messages-from-hotmail-to-gmail/

بوست رائع جدا يعطيك الف عافية

:)

MissFikrah said...

صراحه يزاج الله خير

ريحتينا

والله كنت متغربله

lil.D said...

مضيعة بيتهم:

حياج يا ختية وشكرا على الوصلة والمرور ^____^

lil.D said...

مس فكرة:

الحمدلله انه فادج الدرس

^___^

ماسة زيوس said...

عن جد الله يعطيك العافية..
والله استفدت وفوق ماتتصورين..شكرا جزيلا لك (:

top3885 said...

يااااي شي مرة حلوو
مرة مرة شكرا

lil.D said...

ماسة زيوس :

العفو والحمدلله انج استفدتي
اسعدني مرورج :)

lil.D said...

top:

العفو ^_^ حياكم