Tools ~ أدوات ومواقع بتفيدكم ان شاء الله

هذا الموضوع بيفيد المدونين .. واللي يصممون مواقع
بحط لكم بعض المواقع والأدوات اللي تساعدكم .. أو ممكن تستخدمونها وتعجبكم
وأتمنى ما تنسوني من صالح الدعاء



~Picnik~

موقع لتعديل الصور دون الحاجة إلى فوتوشوب
الموقع ممتاز جداً .. ورائع .. وجربته شخصياً
ترومون تعدلون فيه الصور بتأثيرات جميلة جداً وتحطون عليها اشكال وتكتبون بعد
وتعدلون الصور أونلاين .. بدون تنزيل برامج ولا غيره



~StatCounter~

هذا موقعي المفضل .. يسمح لكم انكم تسون كاونتر لمواقعكم ولا مدوناتكم
يعطيكم كل المعلومات اللي تحتاجونها عن الموقع
عدد الزيارات فاليوم فالاسبوع فالشهر
عدد الناس اللي دخلوا الموقع/المدونة وكم واحد منهم رد دخل المدونة ومنو يديد دخل
كيف دخلوا مدونتكم؟ شو اسم كلمة البحث اللي وصلتهم لموقعكم؟
المتصفح اللي يستخدمونه؟ الدولة؟ ... الخ
نصيحتي؟ .. جربوا هالعداد وما بتندمون



~Blogger Buster~

موقع يقدم لكم هاكات وافكار وتمبلتس وكل شي يخص البلوقر
هو موقع تقدرون تعتبرونه مصدر لكم ومرجع يوم تبون تعرفون شي عن بلوقر
او تضيفون شي .. وايد احب هالموقع فيه وايد اشياء
مرجعي الاول يوم احتاي شي عشان المدونة



~FeedBurner~

هذا الموقع اشترته قوقل من فترة قريبة .. المهم
الموقع ممتاز كل شخص عنده مدونة لازم يسجل فيه
يسمح لكم تخلون الناس يتابعون مدوناتكم بالبريد ولا الفيدز ولا الار اس اس
ويعطيكم ملخصات عن الموقع والمسجلين واشياء وايد غير
"لاحظوا فمدونتي في اشتراك بريدي وشي مربع فيه عدد القراء"
هذا من الموقع هذا بعد .. وسهل استخدامه وهم مسهلين كل شي
بضغطة زر تضيفون اللي تبونه للمدونة بدون ما تتعبثون وايد !



~carrielynnesworld~


الموقع هذا وااايد كيوت .. وفيه كودات زاهبة واشياء كثيرة
سكربتات وصور وتمبليتس ماعرف كيف اوصف الموقع
يعني انتو حدروا وتعبثوا فيه .. وايد يعجبني
اعتقد اللي عندهم ماي سبيس بيحبونه !


أما الحين ردوا تابعوا برامجنا في مدونتي العزيزة

لا تنسون اذا تبون تشوفون المواضيع اللي تتعلق فالنت ولا المدونات وهالاشياء
سميت هالقسم باسم: دروس وأفكار تقنية



وهاي تريت بسيطة لكم < يا حبج للاسكريم والحلويات


Have fun ^_^