Tuesday, August 25, 2009

رجيم الذمة والضمير في رمضان

بما إن سلسلة الرجيمات ما تخلص، وسلسلة الجوكلت أيضاً على نفس الموال، قررت أول يوم وبما إن لازم نحتفل برمضان، إني أخرب الرجيم وأفطر معاهم ولكن بعقل، بدون ما أتهور تهور شنيع جداً يؤدي إلى الحصول على خمسة كيلو مجاناً من الوزن الزائد (خاطري أعرف ليش زيادة الوزن سهلة ولو الواحد يبا ينزل نص كيلو تطلع عينه!) .. الموهيم .. حاولت بشدة أخلي الوالدة ما تتفنن في الاكل هي وحريم خواني ولكن، لا فائدة .. طبعا نيتي جداً بريئة وهي عدم الاسراف!! (ولا مانع من اضافة نية اني مابا اخرب الرجيم)، وقبيل وقت المغرب، تجمعنا كلنا ولله الحمد أمام مائدة الإفطار الشهية جداً (يم يم) .. أما أنا فكانت جدامي صينية خاصة فيني (طبعا في آي بي) مع بعض الأطباق التي غلفت بالألمنيوم لتسر الناظرين (http://www.yenta4.com/msn/emoticon/Tuzki/yenta4-emoticon-0029.gifالعين تغز بالمغطاي)، حسيت لوهلة إن شكلي غلط، مقارنة بكل أنواع هالأكل جدامي مجموعة خاصة، ببورشنز محددة، كانت نظرات الشماتة سيدة الموقف http://www.yenta4.com/msn/emoticon/Tuzki/yenta4-emoticon-0027.gif، وكان ردي عليهم باني سويت طاف وأذن الأذان وقلنا بسم الله، ومديت إيدي بهبش، بأدب كلت سح http://www.yenta4.com/msn/emoticon/Tuzki/yenta4-emoticon-0020.gif(لاني ماحبه بس ذمة وضمير على جدول الرجيم) .. وكانت هاي أول وآخر شي خاص بالرجيم بهذا اليوم، بس أهم شي ما تنسون الذمة والضمير!! يعني باستحياء أخذ حبة فطاير وبكل أدب أعيش الجو إني ما سويت شي، والكل ساكت < http://www.yenta4.com/msn/emoticon/Tuzki/yenta4-emoticon-0028.gif طبعا اول يوم والكل تعبان، .. بعد شوي أجرب شي ثاني .. وطبعاً لازم أبرر لأمي إن الهريس شي لازم فرمضان صح؟ مايوز رمضان بدون هريس <http://www.yenta4.com/msn/emoticon/Tuzki/yenta4-emoticon-0036.gifطبعا هالكلام وانا احط حق عمري، وبعدهم ساكتين ... الشي الوحيد اللي فعلا ما ذقته وهو العادة اللي مستحيل اتركها فرمضان هو الفيمتو .. ولكن الحمدلله استعوضنا عنه بالماي .. الموهيم .. فعلا ماكلت الا شي بسيط ولكن الذمة والضمير خلتني أتلوم وانا اشوف أكل الرجيم! .. قلت بس خلاص من باجر أنا بلتزم، .. ولين باجر مافي مانع أجرب صينية الحلاوة هاي؟ .. أشوف اليهال فعلا مبسطين عليها وعايبتنهم وكل البيت يجرب؟ .. طبعا نرجع لموضوع الذمة والضمير، وباستحياء أشد من السابق خذت شوكة .. (أونه عشان الشوكه ما بتقص وايد) وخذت قطعه صغيرة جداً جداً من السويت، يم يم يم، كانت لذيذة، وبعدها قطعه صغيرة بس شحفة يعني، وشحفة ثانية، لين لقيت حد شل الصينية من جدامي (بسسج!) .. أنا: ليش؟ وايد حلوة :( ... ولكن شو أقول .. قلت لهم خلاص قطعة وحدة بس .http://www.yenta4.com/msn/emoticon/Tuzki/yenta4-emoticon-0039.gif. وقصيت قطعة يعني حجمها طبيعي بدال الاستهبال والاستعباط مال الذمة والضمير، وتوني باكلها! ... سالت: كيف مسوينها؟ ... (طبقة بسكوت مع زبده وطبقة كيك عادي مع الناريل وفوق طبقة كرميل مع دريم ويب مع . مع . مع .. إلخ) .. أنا http://www.yenta4.com/msn/emoticon/Tuzki/yenta4-emoticon-0051.gif ماعرفت شو اقول .. قلت لها: الحين!! ها كله بيدخل فبطني؟ .. قالت هيه .. قلت لها لو شحفة صغيرة .. بتحتوي ها كله!!! خيبه وأونه ذمة وضمير أكل وبشوكة بعد!! ... والله بعدها ماذقتها ولا غيرها .. صح الطعم حلو، بس الواحد لو تفكر فعلا هو شو يالس ياكل وشو مكوناته! ماراح ياكلهhttp://www.yenta4.com/msn/emoticon/Tuzki/yenta4-emoticon-0018.gif !!! ... وعلى هالطاري، تذكرت موضوع الإخت قهوة الصباح فمنتدى إصدار الإمارات: "لو كنا نعرف ماذا نأكل..لتوقفنا عن الأكل للأبد !!؟" ... !!! فعلا موضوع شيق يستاهل تشوفونه .. تذكرت عمري عسبت سالفة الحلاوة لول http://www.yenta4.com/msn/emoticon/Tuzki/yenta4-emoticon-0037.gif... رمضان كريم لكم جميعاً ... أتمنى تقضونه بمعدة غير ممتلئة ووقت مليء بالعبادات

3 comments:

aabera said...

الزيارة الاولى لي للمدونة وان شاء الله لن تكون الاخيرة
مدونة جملية ومرحة وتدخل للنفس الراحة برؤية مواضيعها
بالنسبة لموضوع الرجيم هو موضوع عام واعتقد يعانوا منه الكتيرين
بس انا اشوف انه مافي منه فايدة خصوصا في رمضان يعني كيف بنقاوم الاكل
مع اني انا ماعمري في حياتي عملت رجيم لاني مهما ااكل مايؤتر فيا الحمد الله رجيم طبيعي عندي

Seema* said...

Life is too short, eat whatever you want and enjoy life! ; )

~Al3enawyA~ said...

heheheh...
i enjoyed reading this post...
i saw few things that i've made my self and i still dooooo :(

allah kareeem...