Saturday, November 7, 2009

Expressing Myself!! ..

http://lil.d84.googlepages.com/lild-dress.png

أنا من فترة كل عيد أتوهق اني ماسير افصل ثياب ولا اتشرى للعيد شي
والفضل للدوام واني ماحصل وقت لعمري .. والله يخلي الوالده ولا يحرمني منها
هي تخلص لي كل شي .. وكل ماحد يقولي شي عن ثيابي .. اقولهم امي !!
بعض الناس مايصدقون ويتحروني بس ابا ادس عنهم لوووول .. الحمدلله والشكر

وطبعا لو اخذ شي، ان كان ثياب ولا اغراض ولا غيره .. لازم امر عليهم فالبيت
ولازم يقولون انه حلو .. عيبهم ولا ماعيبهم .. واولهم الوالد والوالده
ولا عاد ينسون اني اطلع عنهم ولا اني اسكت!! تبوني اسكت قولوا حلو وخلوني اطلع
يعني حتى لو عباه ساده سوده مافيها اي شي .. لازم بعد يقولون حلوة

فالنهاية الوالد الحين قبل ما اسأل .. سيده يقول لاء -_-
ولو احشره سنه يقولي مب غصب .. !! ... وافقد الامل واطلع
ولكن .. نعود بعد قليل بشي ثاني عشان يقول انه حلو لول
<<< ازعاج


http://lil.d84.googlepages.com/lild-telephone.png

التيلفون!! وما أدراكم ما التيلفون!! فعلا شر بالنسبة لي وماحبه
يعني اعتذر لصديقاتي العزيزات اني ما اتصل ولا شي .. لكن صدق ماحب ارمس فالتيلفون
يعني ممكن اسولف يوم كامل فالمسنجر ولا ايميلات وغيره .. بس مب تيلفون؟
ماعرف اتكلم فالتيلفون .. -_- عشان جيه التيلفون بالنسبة لي للتصوير السريع والمسجات
واذا حد اتصل نادرا ما ارد ع التيلفون لاني فالغالب ماعرف وين فارتنه؟

ولما حد يسالني ليش ما تاخذين بلاك بيري .. اقولهم على شو؟
انا دوم مادري وين التيلفون .. شو بسوي فالبلاك بيري؟ مستحيل ايتم فيدي
ومافيني اكون ضايفه الف بنت والعائله والبرودكاست بيسوي ازعاج
واللي بيزعلون لاني مارد وغيره!! خلوني جيه على النوكيا الجميل
او مستقبلا الاي فون ان شاء الله ..

ولكن حالياً ... الله يخلي الكونتاكت البسيط وصديقاتي اللي مافقدن الامل مني
-_- ... فعلا يستحقون جائزة الاصدقاء المميزين ..
Thanks for being patient on my bad habits :)



Tomorrow is a working day
يا مال العافية :(

13 comments:

سمو الأميرهـ ..ツ said...

مثلي تماماً
أنا من الكائنات الحية اللي يكرهون الفوون
..

ربيعاتي فالمدرسة اتعودوا علي
بس المشكلة حالياً فالجامعه
البنات يتصلون بي ويتمون يرمسون وياي جريب الساعه
وانا
:\
..

اما المسن عاادي ،، اتم فيه اونلاين 24 ساعه وما أمل
..


تقبلي مروري :)

زهرة الياسمين said...

نفس الحاله والله
اشتري فووون و اخليه وياي اكثر من 3 سنين
خخخخ

و بالنسبة لأغراض العيد
هذا أكره شي عندي ><
دووومي اشتري كل شي على اخر يومين

هالعيد شكلي بسوي نفسج
و بخلي الوالده تختارلي كل شي

-_-

فاطمــه said...

ياي
حده كيوت الرسمات

يسلموو اختي عشتي **

SCRIBBLE ..♥ said...

هههههه
الله يعينهم عليج ^^" << امزح

انا قبل من اشتري شي لازم اروي اول شي ابوي .. بس من فترة صرت مااراويه الا عقب مايجي وقته والبسه بعدين ارويه

..

اما عن الفون .. والله انا نفس الشي .. تعذبيني اذا قلتي تكلمي في التلفون
والبنات اللي تزعل واللي تاخذ بخاطرها ..بس شنسوي طبع مايتغير ^^"


تقبلي مروري ..

lOsT said...

قبل لا آخذ البلاكبيري كنت نفسج .. موبايلي فصوب وانا فصوب .. بس بعد ما خذته لا زلت اكره اسولف بالفون كمكالمه طبعاً .. بس صار الموبايل عندي دوم من ناحيه اجيك ايميلاتي على طول + المواقع .. يعني الموبايل بعد يفيدني وايد يوم اكون برع البيت !

تسلمين على البوست ^_||

lOsT said...

قبل لا آخذ البلاكبيري كنت نفسج .. موبايلي فصوب وانا فصوب .. بس بعد ما خذته لا زلت اكره اسولف بالفون كمكالمه طبعاً .. بس صار الموبايل عندي دوم من ناحيه اجيك ايميلاتي على طول + المواقع .. يعني الموبايل بعد يفيدني وايد يوم اكون برع البيت !

تسلمين على البوست ^_||

S.M.G said...

أجل طلعنا أحنا أطور منكم ^^
صراحة التيليفون أحترم رأيك لكن أقل شيء تحطينه للطواري
يعني لو يكون فيه حاجة لا سمح الله
يكون التيليفون بعد الله منقذك :)

أشكرك ع الموضوع ومشاركتك لها لنا ،، لك مني الشكر

lil.D said...

سمو الاميرة ..
ويلكم تو ذا كلب لووول ..
انا ايام الجامعه اعطيهم الايميل
اقولهم تيلفون ما بتحصلوني :)
تبون تحصلوني 24/7 .. ضيفوني ع المسن لول


^___^

lil.D said...

مجرد نقطة:

اووه انتي بعد عندج حالة الولاء ؟
انا حتى الكمبيوتر مسكين لو يموت
احبه ولا احب اغيره .. اشعر بانتماء غريب لاغراضي -_-


انا هالعيد قررت اشتري جاهز -_- ..
ولله الحمد !! .. -_-
ولا ع العمياني بعد على ذوق امي لول

lil.D said...

Faith~
حده ردج كول :)

حياج

lil.D said...

SCRIBBLE~
لا انا لازم يشوف ويبدي رايه فكل الاوقات حتى لو يشوفه الف مره خخخ .. ازعاج لا نهاية له !! .. ومتواصل بعد لول .. يوصل ساعات انه يتبند الباب بويهي ! ولكن لا حياة مع اليأس ..


-_- التيلفون .. اذا كانت مكالمات خفيفه نايس .. اما ساعتين وثلاث .. والبنات ما يخلصن سوالف .. نو نو -_-

lil.D said...

Lost~

انا عشان جيه اخاف اخذ بلاك بيري .. مافيني ايتم فيدي 24/7!! .. انا هالحالة مع الايبود .. بس لانه فيه كل شي اباه :) اخ بس لو اروم اشبكه دوم بالانترنت مب بس وايرلس -_- جان ادمان

lil.D said...

S.M.G~
والله يا خيتو .. انا استخدمه يوم ابا اتصل لحد .. بس لو حد بيتصل لي لووول بيبطي .. لانه بعد ما يتصلون .. احصل عشرين مسج تهزيء .. اول شي: انتي ليش حاطه تيلفون؟ لووول :)


يسلمو ع المرور